المافيا😈
تحت عنوان: شارعنا القديم
للكاتبة: لولو حبيب❤
الحلقة: 3
_____________________
ناضت عائشة الصبح شبحت جنبها لقت فاطمة وشبحت الجيهة التانية كانو الشناطي جنب الدولاب انفتح باب الدار وكانت امها
ام عائشة: صباح الخير
عائشة كعمزت ومسحت وجها: صباح النور
خشت بنت عمها الصغيرة: عيوشتي
عائشة ابتسمت وفتحت ايديها: حبيبة قلبي
نور: امس مثردش نرثد ^ امس مقدرتش نرقد^
ضحكت عائشة: اعلاش
نور: ثوت ثرب هلبا ^ صوت ضرب هلبا^
عائشة ابتسمت بحزن
نور: بنموثو احني ^ بنموتو احني^
عائشة: لا حبيبتي مش حنموتو متخافيش
نور حضنت عائشة وعائشة اتكت وشبحت الي فاطمة
عائشة: فاطمة فاطمة نوضي هيا
فاطمة فتحت عيونها: صباح الخير
نور: ثباح الخير فطومه
فاطمه ردت اعليها بنفس الطريقة: ثباح النور
ام عائشة: هي نوضو خلي نفطرو ونضمو الحوش ونساو حاجاتنا
فاطمة: اليوم بنمشو حوش جدي
ام عائشة: اي ان شاء الله ولا بنمشو ندورو ايجار
عائشة وقفت ونور قاعدة حاضناتها وشاده فيها
طلعت لقت مرت عمها
عائشة: صباح الخير
مرت عمها: صباح النور
عائشة ابتسمت: هي نور انزلي بنخش الحمام^ اكرمكم الله^
نور: انلا نبيك اني
مرت عمها: عيب نور خلي عيوش تنضم امورها بعدين اتجيك
نور: انلا
جت مرت عمها خدتها وعائشة هربت هروب طلعت صلت ونضمت امورها وكعمزو يفطرو
عائشة: وين طه وطاهر مسمعتش صوتهم
ام عائشة: اكيد راقدين
عائشة خدت تلفونها وشرينت الي طاهر
رد طاهر: الو
عائشة: مستحيل راقد لانه صوتك مصحصح
طاهر: اي شني تبي
عائشة: وين انته
طاهر: في الجبهة
عائشة ضحكت: حلوة .. انته برا صح ؟
طاهر: والله في الجبهة
أنت تقرأ
سلسلة المافيا( شارعنا القديم)
Mystery / Thrillerالمافيا تحت عنوان: شارعنا القديم رواية نحكو فيها معاناة الليبين في الحرب مع النزوح وصوت الرصاص والدم والله اعلم يقدرو يطلعو من الحرب هادي وهما عايشين او لا شني حيصير معاهم وكيف بيتصرفو والصواريخ فوقهم حنعرفو في الرواية بداية النشر حتكون 1/9/2022 ل...
