المافيا😈
تحت عنوان: شارعنا القديم
للكاتبة: لولو حبيب❤
الحلقة: 1
_____________________
صوت ضرب قوي ورصاص وصوت ناس تعيط فتحت الروشن اني واختي وكنا نشبحو في السماء حمراء ودخان انفتح باب الدار بالقوة وكان خوي
طه: ..............
////////////////////////
اهلين خلي نعرفكم عليا وعلي عيلتي
بابا: خليفة يخدم موظف في شركة
ماما: عايدة تخدم ابلة فيزياء
خوي الكبير: طه مواليد 96 يخدم مهندس وطيب هلبااا وحنين وهادئ
خوي الصغير: طاهر مواليد 97 يخدم محاسب حنين وتافه وديما يضحك
اختي الكبيرة: فاطمة مواليد 98 تخدم ممرضة وشخصيتها زي طه بالزبط طيبة وحنينة
بعدين اني اخر العنقود: عائشة مواليد 99 متخرجة مهندسة ديكور لكن مزال منخدمش وشخصيتي زي طاهر
///////////////
ناضت الصبح علي صوت دوشة
عائشة كعمزت: خيركم شني فيه
طاهر: تمرقدي انتي
عائشة: انتم تخلو حد يرقد
فاطمة: تلقاه منشور في الجنان خليني نوتي روحي بنمشي للخدمة
طاهر: مهناش مهناش دوريه دبريلي تيشرتي
عائشة: تبيه توا انته
طاهر: لا
عائشة: امالا اعلاش مداير العار هادا كله
طاهر : صكري فمك وارقدي ... فاطمة طلعي التيشرت
فاطمة: ياربي صبرني
ام عائشة: تعالى اهو التيشرت منشور علي الحبل
طاهر تلفت للباب: وينه منشور ملقيتاش
ام عائشة خشت للدار: اهو واطلعو وصكرو الضي خلو عائشة ترقد
عائشة بعتتلها بوسة في الهواء😚
ام عائشة ضحكت: كملي نومك بنيتي
عائشة ابتسمت واتكت وقعدت تشبحلهم
طاهر شبح الي فاطمة: شني معنى هيا ترقد واحني لا
فاطمة: هيا متخدمش واحني نخدمو
عائشة ضحكت
فاطمة: طاهر اطلع خلي نوتي روحي وبش توصلني مش تمشي وتخليني
طاهر: به وطلع وصكر الباب
عائشة رقدت وفاطمة وتت روحها وطلعت وصلها طاهر للخدمة وامشي الي خدمته
أنت تقرأ
سلسلة المافيا( شارعنا القديم)
Mistério / Suspenseالمافيا تحت عنوان: شارعنا القديم رواية نحكو فيها معاناة الليبين في الحرب مع النزوح وصوت الرصاص والدم والله اعلم يقدرو يطلعو من الحرب هادي وهما عايشين او لا شني حيصير معاهم وكيف بيتصرفو والصواريخ فوقهم حنعرفو في الرواية بداية النشر حتكون 1/9/2022 ل...
