المافيا😈
تحت عنوان: شارعنا القديم
للكاتبة: لولو حبيب❤
الحلقة: 4
_____________________
ساعة 1 شرين تلفون اب عائشة
اب عائشة اخدي تلفونه وكعمز كويس لما شبح الرقم
طاهر: صكرو التلفون وخلونا نرقدو
طه فتح عيونه وشبح الي بوه
طه: مني يابوي
اب عائشة: ان شاء الله خير يارب
ورد
اب عائشة: الو
عم عائشة يبكي: تعالى ياخوي تعالى بنخسر بنتي الوحيدة
اب عائشة وقف: خيرك شني فيه خيرها نور
طه وطاهر وقفو طول
عم عائشة: طاح صاروخ على حوشي طاح في دار نور جبتها للمستشفي دخلوها العناية وقالو حالتها خطيرة مفيش امل حتى انها تكمل الليلة هادي
اب عائشة: تمام اني جاي اما مستشفي
عم عائشة: مستشفي *******
اب عائشة: تمام مسافة الطريق
وصكر
طه: شني فيه خيره عمي وخيرها نور
اب عائشة: طاح صاروخ في دار نور وهيا في العناية وحالتها خطيرة واحتمال متكملش حتى اللليلة
طاهر: لاحول ولا قوة الا بالله
اب عائشة: خشو نوضو امكم وخواتكم خلو يمشو معاي لمرت عمهم
طاهر خش لقي فاطمة نايضة وعائشة وامه راقدين
طاهر كعمز جنب امه: امي امي
فاطمه: اعلاش تنوض فيها
طاهر حذفها بالمخدة: نوضي بدلي حوايجك والبسي عبايتك
فاطمه كعمزت: اعلاش شني فيه
ناضت عائشة: اسكتو خيركم
طاهر: نوضي انتي البسي عبايتك
عائشة كعمزت مخلوعة: الحرب وصلت اهني
طاهر: لا غير نوضو البسو
وقف طه في الباب: قالكم نوضو ولا هيا بسرعة
ناضو عائشة وفاطمة يلبسو
ناضت امهم: شني فيه
طاهر: امي بوي قال البسو واطلعو
ام عائشة: نطلعو حوايجنا
طه: لالا خلي كل شي انتم نوضو البسو وهيا بسرعة
وطلعو طه وطاهر يبدلو ويطلعو في فلوس بش يرفعوهم الي عمهم
لبسو العيلة وناضو جدهم وجداهم امشو معاهم
ركبو جدهم وجداهم وام عائشة مع اب عائشة
أنت تقرأ
سلسلة المافيا( شارعنا القديم)
Misteri / Thrillerالمافيا تحت عنوان: شارعنا القديم رواية نحكو فيها معاناة الليبين في الحرب مع النزوح وصوت الرصاص والدم والله اعلم يقدرو يطلعو من الحرب هادي وهما عايشين او لا شني حيصير معاهم وكيف بيتصرفو والصواريخ فوقهم حنعرفو في الرواية بداية النشر حتكون 1/9/2022 ل...
