المافيا😈
تحت عنوان: شارعنا القديم
للكاتبة: لولو حبيب❤
الحلقة: 5 الاخيرة
_____________________
انفتح الباب وخشو السيارات درسو ونزلو كان الوقت مع 6 الفجر
منار وقفت تشبح للحوش
جدها: هي تفضلو هادا حوش بوي
منار: هادا حوش اصلا
عدي: خيره مش عاجبك
منار: هادا قصر
جدها: هي خشو
فتحو الباب وابدو يكحو كلهم
بنت عم منار: تي هادا صحراء....يبي التنظيف
عم منار: وهي ابدو نظفوه
منار : اااه كيف وصلنا وتعبانين
اب منار: هي
حطو الشناطي برا ونحو عبايتهم وخشو وابدو يضمو يطلعو في الاثاث ويسيقو والبنات يغسلو في الباسطات
جداها: تو شني بنفرشو وانتم تغسلو في الباسطات
منار: تراب هلبا اليوم باتو في الجنان برو اشرو حصيرة وارقدو عليها
بنت عم منار: الله لاتربحكم كسرتولنا ظهورنا ماهو كان ممتناش بالقصف متعهم نموتو من الضمان في حوش جد بوي
عدي يضحك: تعالي قيمي معاي البساط ومن دون نقان
امشت تقيم في البساط ومنار تفرش في البساط التاني
بنت عمها: وووه قداش مزال
منار تلفتت : 4 تانيات
بنت عمها كعمزت: وووووووه
عدي ضحك: يتمو بسرعة عادي... هيا
منار تنهدت وابدي تصب في الصابون
///////////////////////
طقطق الباب امشت تجري فتحت الباب لقت طه حضناته طول
طه: ياحمارة حولي
عائشة تبكي وتشد في وجه: توجع فيك حاجه ...الله لاتربحهم حسبي الله ونعم الوكيل فيهم
طه شد ايديها بيد وحدة: خلاص والله مافيا حاجه رصاصه بسيطه في كتفي وخلاص
عائشة: الحمدالله على سلامتك ياوخيي الحمدالله ياربي جت في كتفك ولا اكثر
طه ابتسم وباس راسها: خلاص خشي وخليني نخش هيا
عائشة حولت من قدام الباب وابتسمت وهيا تمسح في دموعها
خش طه وبعده طاهر وهوا شاد شكارة دواء وخشت فاطمه وجهها اصفر
عائشة: خيرك زي الليمه صفراء
فاطمه: بالسيف بنكون صفراء اني تلقيت الخلعة وقعدت تستنى انتي مكعمزة اهني وماتندري على شي
أنت تقرأ
سلسلة المافيا( شارعنا القديم)
Mystery / Thrillerالمافيا تحت عنوان: شارعنا القديم رواية نحكو فيها معاناة الليبين في الحرب مع النزوح وصوت الرصاص والدم والله اعلم يقدرو يطلعو من الحرب هادي وهما عايشين او لا شني حيصير معاهم وكيف بيتصرفو والصواريخ فوقهم حنعرفو في الرواية بداية النشر حتكون 1/9/2022 ل...
