يتيمان في سجن الجحيم

البارت 11

#يتيمان في سجن الجحيم
#بقلمي سجى حنا
#البارت الحادي عشر
___________________

طلعت من المكان وبطريقي واني راجعه للبيت شفت محل حلويات اشتريت على كد الفلوس العندي ورجعت للبيت ما
بّـ جيبي دينار واحد

بطريقي شفت اكو ناس جاي ينزلون أغراض من سياره كبيره مبين ناس هسه نازلين بالمنطقة دخلت للبيت واني ميته من الجوع

رحت يم بنت خالي واني احجي وياها ؛ يمعوده الله يخليج صبيلي اكل ميته جوع

- أي اوكفي بس دقيقه خلي اكمل هاي الصينيه
ضليت اباوع عليها صينية كبيره مال اكل باوعت عليها

واني اسألها ؛ هذا الأكل المنو

- الجوارينه الجدد هسه نازلين بالمنطقة وأمي كالت صبيلهم اكل خلي اخوج يودي الهم

- اها يعني هذا الأكل الهم

- أي الهم شنو شفتيهم انتِ

- أي من رجعت بالطريق شفت اكو ناس جاي ينزلون بالغراض عرفتهم نازلين هسه بالمنطقة

- أي صح شفتي واحد من اهل البيت يكولون حلوين لان اكراد

- شعرفج اكراد بعدهم بسم الله شبسرعه عرفتي أخبارهم

ضحكت بصوت عالي وتكَول ؛ انجبي ولج والله ما اعرفهم بس بيبي تعرفهم لان همه بالأساس جانوا بنفس

المنطقه بس جانوا يبعدون عنه بّـ اربع أفرع وهسه اجو اهنا بيبي تعرفهم

- ديلا يمعوده حجيتيلي قصه حياتهم كُتلج جوعانه اريد اكل وانتِ ما خليتي واحد ما حجيتي عنه

- ميامين وثول مو صوجج صوج اليكَعد يمج ما تسوين واهس الواحد يسولف

- يمعوده يا سوالف بيه حيل سوالف جوعانه الله واكبر عمي ما اريد اكل رايحه انام

- يا يمعوده شبيج تعالي

" عفتها ورحت غيرت ملابسي بّـ ملابس بيت مريحات ورحت انام ما حسيت اله وبيبي تكَعدني لان صار المغرب

كمت من الفراش صليت وكمنه نسوي العشاء
كملنه وكعدنه نأكل ونسولف ومرة أيام الشغل بّـ شكل عادي بس جدا متعب وخصوصا جان وقت شتاء

يعني اجي من الشغل ما أحس اله اليوم خلص شبسرعه ما ادري

وبّـ يوم بيبي قررت تروح الجوارينه الي نزلوا بالجديد لان تعرفهم تصير صديقه امهم

وهاجر بنت خالي ضلت تلح على بيبي تريد تروح واني هم جنت ضايجه ضلينه نتوسل بّـ بيبي تأخذنا

والحمدلله قبلت فرحنه هواي لان صارلنه هواي مطالعين اني محبوسه بالشغل وهاجر محبوسه بالبيت خطيه لا تطلع ولا شي

رحنه نغير ملابسنه لبست صايه وشال وهاجر كذالك

وطلعنا نتمشى بيتهم صاير عالشارع تقريبا يعني لازم نمشي مسافه شويه طويله يلا نوصلهم