يتيمان في سجن الجحيم

البارت 10

#يتيمان في سجن الجحيم
#بقلمي سجى حنا
#البارت العاشر
___________________

وهسه احجيلي شنو الي صار طول هذهِ المده

" بدأ يحجي الي عن كُل الي صار ويا وهوه أسير وشنو من عذاب شاف إلى أن باوع بعيني وكَال ؛ شلون نسيت أسالج شلون تزوجتي ساهر وانتِ تكرهينه وما تحبين أهله

ضليت اباوع بّـ عيونه وساكته

رجع حجه ؛ ليكون جابرينج على هذا الزواج

- لا مجابريني ولا شي بس كُل الي بالموضوع ان اني محد بقه الي وباخر فتره ضليت يمهم عايشه

ضليت ساكته الثواني وكملت حجي ؛ اي ومن طلبوا أيدي للزواج من ساهر وافقت

- باوعي بّـ عيوني ترا اني اعرفج من تجذبين واعرف هم بانوا همه غاصبينج على الزواج من ساهر واني

مراح ابقيج على ذمته خلال هذا الاسبوع راح يتم الطلاق بينج وبين ساهر وما اريد اي نقاش بخصوص هذا الموضوع

- مؤمل بس خلي احجيلك الموضوع مو مثل ما انتَ فاهم

- لا تفهميني ولا شي وحبابه اطلعي برا لان اريد انام دار وجهة على الجهة الثانيه ونام

كمت من يمه ورحت يم بيبيتي اسولف وياها بخصوص هذا الموضوع

ردت عليه وتكَول ؛ صحيح كلام اخوج انتِ يوم تزوجتي ساهر جنتي مجبوره عليه وعمامج همه الي جبروج لكن حاليا اخوج الحمدلله موجود ومحد يكَدر يوصلج ولا يمس شعره منج

- بس بيبي الطلاق مو حل يعني صح اني بالبدايه جنت مجبوره على الزواج بس صارلي سنين من متزوجه

ساهر وتعودت عليه وعلى سوالفه يعني مو طبيعي ان اجي هسه واكُله تعال طلقني لان هذا الزواج صار غصب عني وحاليا اجه أخوي واريد اطلق

- اخخ ولج انتِ ليش تصيرين ثوله كم مره بّـ مره تجين يمنه لان ساهر كاتلج لو مشاكلج انتِ وعمتج الي مجانت تخلص هسه تعودتي عليهم ولو همه كَالوها البزون ما يحب اله خناكَة

- بيبي ليش هيج تحجين

- لانج تستاهلين مو وجه نعمه فوك ما يريد يطلقج من زوجج السكير مو راضيه الظاهر عاجبج الضرب الي يضربج ايا

- كَمت من بيبي وطلعت برا اشتم هوا لان جوه بالبيت خنكَة وضليت افكر بّـ حجي بيبي صحيح ليش ما اطلق من ساهر أطفال ومعندي

يعني اني ليش باقيه انتظر ساهر شوكت ينعدل ويصير يحبني ويحترمني

يا ناس ما رايده حب والله ما رايده حب بس يحترمني بين أهله وبين الناس ويبطل يضربني صرت أخجل واموت الف موته لان بكُل مشكله يجون اخونه يخلصوني منه ويبعدونا عني

بس اذا انفصلت وين راح نعيش اني ومؤمل مو معقوله نبقه بيت جدو لان بيتهم كولش صغير

رحت اركض للغرفه الي نايم بيها مؤمل فتحت الباب ودخلت اكعده