قبل ما اتزوج
ربي قطوس لمدة شهر لو لقيت روحك متأقلم معاها ،، يعني تعودت عالشعر الطايح في كل مكان ،، تعودت عالنونوة الغير مفهومة ،، الخربشة بدون مبرر ،، النظر والتركيز في وجهك اللي مالش أي معنى
ولو فهمت هي شن تبي جعانة ولا عطشانة ولا زعلانة ولا شن قصتها بالضبط وكإنها تقولك لو مهتم كنت عرفت بروحك
تبقى إنت تصلح لمنظومة الزواج وتوكل على الله
وانتي قبل ما اتزوجي
ربي كلب لمدة شهر ،، تعودتي عالتلبيز في كل مكان ،، و الجري والهرجة والتنطيط وراء الكورة ،، والصوت العالي والعياط عالفاضي والمليان وكل اشوية يبي يطلع
ويخربش وينبح عشان سمع كلبين يتعاركوا أو شاف كلبة ثانية غيرك
لو قدرتي اتعاملي معاه وتفهميه معناها تزوجي وتوكلي على الله .. زواج مبارك بإذن الله
ولو حبيتوا اتجيبوا عيال ربوا قرد الأول . 😂😂😂
أنت تقرأ
🎭نكت ليبيه 🎭+2
Юморنكت ليبيه شن بيكون بنغيركم جوكم نكت تضحك من قلبك تغير جوك تحديات مسابقات تفضل او شوف بي نفسك متخسر شي🙆♂️😹😁
