نتمرن في صالة حديد ومعاي زوز ولاد صحابي، المهم مرة نتمرنوا والصالة فاضية وفي واحد يتمرن بروحه القيناه ناشط ويقيم في أوزان كبيرة نحسابه راكبه جن حني من كثر ما هو ناشط.
دورة طلع الاخ يكلم في صاحبته فيديو وهي تحفز فيه تقوله اي حبيبي زيد هي على خاطري هي زيد اقوى يا وحش ايه يا عسولي، الزعيم من كثر الحماس دار جسم وعضلات في يومين.
تي انا نتمرن مع زوز يسكنوا في البازه وحني الثلاثة نكد لا حماس لا ديالو وزيادة الزوز جبالية ما يحبوش العرب نسمع فيهم يقولوا عربنش فكنا منش، نحس فيهم بيديرولي حبوب شلل أطفال في البروتين.
تي اعطيني نكلم حتى منظومة ليبيانا في تمارين وشوفني نقيملك حتى برج الفاتح 😂😂😂. يلا الدنيا نصيبات وكل واحد ربي شن عطاه.
أنت تقرأ
🎭نكت ليبيه 🎭+2
Humorنكت ليبيه شن بيكون بنغيركم جوكم نكت تضحك من قلبك تغير جوك تحديات مسابقات تفضل او شوف بي نفسك متخسر شي🙆♂️😹😁
