مرة كنت مقعمز نهدرز مع واحد منظم، مش عارف كيف بنوضحها منظم لكن تو تفهموا في نهاية المنشور، المهم حني نهدرزوا باغتني بسؤال لولبي مش موجود في المنهج عندي، قالي شن روتينك لبشرتك؟!! انا سكتت شويه لان قلت شكلي سمعت غلط، لكن المنظم هذا كان مُصر وعاود السؤال قالي ما قتليش شن روتينك لبشرتك كل صبح.
قتله الحق ناخد في زبادي ودحي مطبوخ وشامية وناكل فيهم فطور الصبح مش عارف هكي تقصد ولا لا لكن هذا اللي نتفكر ندير فيه الصبح. 😂😂😂
قعد يضحك قالي لالا نقصد ماسكات وكريمات، قالي ضروري الواحد يهتم بروحه شويه والنظافة مهمة وبلا بلا بلا…
قعد يدويلي في دوة بودرية متاع ناس يسكنوا في هديكا المنطقة، قتله يا خوي والله ما نعرف شن نوعهم الكريمات اللي ادير فيهم لكن متأكد ما يجوا شي جنب الليفة اللي نحك بيها في جلدي كل صبح، نطلع من الدوش جلدي زي الحسيرة من الحكان بالليفة وانت جاي تقولي ماسك وكريمة ومش عارف شن.
مش عارف شن المنهج الجديد اللي نازل هذا لكن شكلي بنسقط فيه من توا. 😂😂
يا شباب شن روتينكم لبشرتكم الصبح انتم؟ والبنات شن نوع دخانكم؟
أنت تقرأ
🎭نكت ليبيه 🎭+2
Humorنكت ليبيه شن بيكون بنغيركم جوكم نكت تضحك من قلبك تغير جوك تحديات مسابقات تفضل او شوف بي نفسك متخسر شي🙆♂️😹😁
