لما ادير صفحة تبدا اعدادات الفيس زي الايميل الشخصي، يعني تقدر تخش بيها الصفحة في مجموعات وتعلق بيها وتنزل منشورات بيها، المهم الفيس طلعلي قائمة فيها هلبا مجموعات قالي كان تبي تخش فيهم، المهم قعدت نخش ومن بين المجموعات القيت قروب ورقاء المزداوي، طبعا هذا قروب بنات بس، انا درت طلب انضمام لكن قلت اكيده مش ح يقبلوني، ثاني يوم القيتهم قابليني بالغلط شكلهم. 😂😂😂
المهم قعدت مداير وضع اسطيف الاعمى نقرا في مناشير بس لا نعلق ولا نشارك
والمشكلة هما مناشيرهم( نسبة شحنك هي نسبة كره سلفاتك ليك) (خطيبي جابلي وخطيبي دارلي وخطيبي ربي يخليه)
انا شديت روحي في البداية لكن بعد يومين جي منشور مستفز للمليون كتب تعليق وحطيته والمشكلة التعليق جاب تفاعل وبدوا يردوا عليا (نكت ليبية شن ادير هني وووووه) (حي هذا من دخله ووووووه) قعدوا يعطوا تقول خشيت لحمام بنات في الثانوية 😂😂😂😂
عياطهم فكرني بحلقة باب الحارة لما فريان شهدرت بعصام لما خش لحوشها يبي يرجع لطفية. 😂😂😂😂
توا عندي سؤال، ورقاء المزداوي من تكون؟ ليها قرابة بـ فوزي المزداوي؟ ولا تشابه اغاني؟ في بنت قبل سنين طلع فيديو ليها في كلية الفنون ولد يغنيلها هي نفسها هادي ورقاء؟؟؟
مش تقليل من البنت لكن سؤال نبي نعرفها من تكون بس من باب الثقافة العامة.
أنت تقرأ
🎭نكت ليبيه 🎭+2
Humorنكت ليبيه شن بيكون بنغيركم جوكم نكت تضحك من قلبك تغير جوك تحديات مسابقات تفضل او شوف بي نفسك متخسر شي🙆♂️😹😁
