ليديز اند جينتل مين بليز يور اتينتشن.
تتفكروا في البنت متاع التيليقرام قتلكم عليها الفترة اللي فاتت اللي خانها صاحبها، المهم البنت هادي من الصبح شادتها رسائل في القناة متاعها تدعي على جميع الولاد، بالرغم انا والله ما دخلي في حاجة لكن خنست مرات وحدة من الدعوات تجي فيا واطيح عليا سقف الدار ونمشي فيها، الحق قاعد صغير ومزال نبي نعيش ونطلع نحتفل بمكتسبات الثورة بالك تشد في وحدة مزيتة تعيني في الدولة لان الحق هو اللي يحكموا مولين، هما مولين يخوفوا الحق حتى في الشارع تجي عيني في عينها انا انزل عيني نقول فكني من المشاكل خير ما نلقى المصفح مطوق المكان.
المهم البنت متاع التيلقرام نبوا نجمعولها دينار دينار نشرولها هدية غذوا نرضوها بيها اليومين هادم لين يفوت على خير، خير ما وتقعد تدعي على الشباب كلها ويضيع مستقبل البلاد.
شباب بالله اي حد عنده مكان فاضي في قلبه يحتويها اليومين هادم بس وأجرك على الله.
اللي ما عرفش البنت، يرجع يشوف منصه متاعي تو تفهم كل شي ولا ارجع فوق ✌🙂😂😂😂
أنت تقرأ
🎭نكت ليبيه 🎭+2
Humorنكت ليبيه شن بيكون بنغيركم جوكم نكت تضحك من قلبك تغير جوك تحديات مسابقات تفضل او شوف بي نفسك متخسر شي🙆♂️😹😁
