بين الحلم و الامنية ...... القدر و النصيب ..... لا يحدث إلا ما كتبه الله لنا فلنتفاءل و و نصبر فالاشياء الجميلة تختبىء خلف العسر دائما ليفاجئنا الله جزاء صبرنا
جمعهم القدر ليولد الماضي من جديد ليس كل ما يقال و نراه حقيقة يوجد خلف كل صورة الف حقيقة...
اصبحنا واصبح الملك لله 🌄 ناض الكل بنفس الروتين و توجه كل واحد للعمل رايحين مع بعض متحمسة تشوفها و صارعتلها راسها بالاسئلة تسوق و تسقسي ليان: هادي تاليا و ما نزيدش ... واش لون عيونها ؟ ليليان : تزيدي كلمة نقيس عمري من طنوبيل تقول مخطوبة ليك واش داك لعينيها ليان: جاني فضول برك ما تعصبيش 🙂🙂 ليليان: وكاين لي يزعف من روحو المهم عيونها زي عيونك اما شوي خضر و كملت تسوق ساكتة عارفة تزيد كلمة تنفاجر القنبلة لي راها حداها في طنوبيل اخرى طالقين موسيقى هادية و يغنو معاها حتى وصلو قدام شركة هيال : هيا اتهلاي في روحك ليلى: ان شاء الله يكون نهارك زين زيك ميسان: ان شاء الله و هوما يهدر حبست طنوبيل قدامهم هيال : ما شاء الله يبان يخدمو معاك غير صحاب نفود هيا كوني مجتهدة باش تصيري زيهم ميسان: هادي بنت عم المدير هيا بسلامة قالتها و هبطت و نفنس الوقت هبطو هوما زوج و شافتهم جايين نحوها بقات تخرز فيها حست كانو تعرفها و خصوصا دوك لعيون ليليان : صباح لخير حياتي ميسان: صباح نور cv ليان٫ليليان: حمدلله ونتي ميسان : بخير .... غير طلعت راسها من تليفون و تشوفها و هبطت تجري ليلى : لياناااا و طاحت عليها تعنق ليليان: كانو تعرفو بعضكم ؟ ليان: هاي زميلتي في العمل و sage femme في مستشفى نتاعنا و حبست المناوبة و قلبت نخدم في نهار غير على جالها ليليان: المهم هادي ليان بنت عمي و اخت المدير ايهم ميسان: متشرفين ... وشارت لهيال تهبط ميسان: و هادو خواتاتي و سلمو على بعضهم حتى جاو لولاد كل واحد حبس سيارتو ورا ثاني هبط ايهم بكل رجولة و توجه لشركة و غزر فيهم بنص عين و لمحها غير هي من بينهم الكل اما سليم وقت شافها معاهم راح عندهم و لحقو امين سليم: اهو حاس انو اجمل صباح في حياتي وش راكم ؟ الكل: حمد لله امين: اممم اجمل صباح ... و فوت عينيه عليهم لكل و طاحت على هاديك لي لبسمة ما فارقت وجها و سحراتو بعيونها الرماديين هيال: سمحولي اما ليلى تأخرت على المحاكمة يليق نمشو و المستشفى عكس طريقي ليان: انتي روحي لخدمتك و ليلى تروح معايا ليليان: و العشوة نتلاقو هنا و نتقهوا برا اوك و ممنوع الرفض و تفارقو كل وحدة لوجهتها غير دخلت قالولها راه يستناها ميسان: سلام سيدي ناديتني ايهم: روحي للارشيف جيبي ملفات العام الماضي ميسان: نوع الملفات سيدي دار بالكرسي و خزر فيها شاف جسمها المتناسق و وقفتها المحترمة و زاد كمل عليه صوتها الناعم و لبسها الراقي ايهم: كل الملفات الخاصة بتصاميم موسم الصيف خرجت و وقت شافت كميت التصاميم ميسان: يا ربي ولله غير نحلف عليها كان قاصد يعملها بيا عارف صيف اطول موسم احسن شيء نروح و نرجع دات نصهم وصلتهم ما لقاتوش في مكتب و عاود رجعت رفدت الباقي و داتهم و حتى لمرة هادي مكانش في مكتب ميسان: هاه وجهي وجه طالون نهار لبست هاد 2ميترا مشاني قاع هاد شي ما نعرف واش حاسب روحو ....و بدات تعاود في هدرتو و هيا تعكي و تزعق عليه لوحي ذيبي ملفات موثم ثيف يجيبه على داك نيف و حمحم من موراها دم نشف فيها ايهم: ايدا كملتي تفضلي ميسان : انا كنت .. ايهم: روحي و جيبي موسم شتاء و ربيع و لخريف نسحقهم قدامي حطت راسها و خرجت و قعدت ماشيا جاية ايهم: هادو هوما الكل ردت عليه و هيا تلهث نفسها يتقطع ميسان: مزااال باقي...نصف موس...م ش..تاء و خرجت راحت و طلعت في هداك سلم و هيا تجبد فيهم و جات هابطة ما تحس غير برجلها جات في الهواء عيطت و غمضت عينيها تستنا وقت طيح لكن ما حست غير بحاجة كبيرة ماسكتها حلت عينيها و هيا تشوفو سهات في زينو لي اول مرة تشوفو بتمعن حتى فيقها ايهم: انتي بخير ميسان: ايه حطها و راحت ترفد الملفات ايهم: خليهم خلاص ... جات رايحة ... ردي بالك وين تحطي رجلك المرة الجاية هي وجها حمار بالحشمة ..... في مكان اخر كانت قاعدة مع رزان ترقد فيها حتى دق الباب و راجت فتحت و لقات مرة سليمة: سلام الجدة حفصة :سلام بنتي ممكن ادخل سليمة: بلا ما تقوليها جوزي دار دارك و قعدو تعرفو على بعضهم حتى جابت فاطمة القهوة و القاطو الجدة: المهم ندخل في الموضوع مباشرة انا كيما قتلك عندي حفيدي و اغا و حبيت نزوجو سليمة: ربي يكملو الجدة: امين اما جيت نطلب يد بنتك ميسان لحفيدي سألت عليها و حمد لله كانت بنت حسب و نسب الكل دكرها بلخير و شرف ليا تكون كنتي سليمة رتابكت: ولله كيما تعرفي الجيل هدا و انا ميسان عمري ما جبرتها على شيء و المرحومة خلتها وصية عندي لانو وقت كان عندها قريب 4 سنين توفو والديها في حادث الجدة: اكيد بعد موافقتك تهمني موافقت ميسان سليمة: دوك راها خدامة اما وقت ترجع راح نقولها و نرد عليك في تيليفون الجدة: ان شاء الله دوكا انا نروح وعدت اولاد لميتم اني نجوز عليهم ... عياو يشدو فيها اما راحت حتى عيط في تيليفون سليمة : الو ##:...... سليمة: خلاص جيبهم و هنيني ما تعيط و ماتحوس و وقت يكملولك دراهم عيط دير سبة بيهم ....... كملو لبنات و تلاقو كيما خططو و راحو لكافيتيريا و قعدو يحكو و هي سارحة تشوف فيها حتى فيقتها ليان: هاي الو وين رحتي ولا كاين شيكولا في وجهي ؟؟ ميسان: لا غير قلبي يحسسني اني شافتك قبل ليلى: ممكن تكوني شفتها في مستشفى ميسان سكتت قلبها يقوللها كلام مش مفهوم ليليان: انا صراحة عجبني لبسكم كلكم زي بعض تبانو هاربين من شي كوليكسيو راقية هيال: ايه كل يوم نلبسو زي بعضنا اما كل يوم مختالف هزت راسها بمعنى كيفاه ميسان: كل وحدة و ستايلها و ليوم بما انو كلاص فهو يوم هيال ههه ليلى : حتى انتو ولله تفتنو بزين
لبسهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و كملو قعدتهم و جات هيال تعيط خدام ليليان: وشنو حابة ديري ؟؟ هيال: انا غادي نخلص ليان: ردي دراهمك في رزقنا و نخلصو هيال: اما ليليان : ما اما ما والو ما تخلصيش ميسان: امالي تروحو معانا لدار و كون تعارضو ولله نزعف و بعد اصرار و حلفان من عند لبنات راحو لكل لدار و دخلو ميسان: ماما عندي ليك ضياف سليمة: هاي مرحبا و سلمو عليها ... و انا عندي ليك مفاجأة هي تبعوني قبل ما تقعد و راكم الكل بناتي رتاحو دار داركم و راحو الكل وراها ميسان: ماما واش نعملو في الاسطبل ماهو فارغ ... ماكملتش جملتها حتى تشوف الاحصنة لي من وقت كانت صغيرة زادو و لعبت معاهم لكن من وقت ما رحلو خلوهم عند خالها و وقت تروح تشووفهم راحت تجري تعنقهم ميسان: وقتاش جبتيهم سليمة: نعرف انك توحشتيهم ميسان: ياي هيا لبنات نبدلو قشنا و نوريكم مهارات ولادي ضحك الكل عليها في ظرف ديقية تحولت لطفلة ميسان: اما رزان سليمة: ما تخميش ملاكي شاطرة تنوض تاكل و تولي ترقد هههه ليان: انا نحب لخيل اما قشي ... ليليان: اصبري عيطت في تليفون نص ساعة جابولهم قش و راحت كل وحدة راكبة خيل و عاملين سباق و يضحكو فوتو نهار كلو ضحك و لعب حتى بدات تغرب شمس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ليان: هيا نروحو خويا يحب ديما الجو العائلي في الاكل سليمة: اقعدو تتعشو ليليان: ولله يكتر خيرك طاتي اما لازم نروحو و راحو لبنات دخلو لقصر لقاو لكل يستناهم عند لباب ايهم: وين كنتو عيطنالكم الف مرة سليم: واش هاد لحالة كان كلهم تراب ليليان: اوبس سامحونا رحنا مع صحبتنا لدارهم و ركبنا لخيل مع بعض و نسينا رواحنا بلعب و ضحك ليان: والله تفكرنا يمات طفولة امين: في هاد لبرد ركبتو لخيل ليليان: والله ما حسينا بالبرد كان شعور لفرحة مدفينا ايهم: اوك اما اخر مرة نعيط و ماتهزوش و الكل تعشى و قعدو يقصرو ميسان: ماما شبيك كانو كاين شيء حابة تحكيه سليمة: ايه بنتي اسمعيني ....
هيا حتى لحلقة جايا نعرفو واش قالت سليمة و واش رد ميسان خلاصت حلقتنا ❤️ رايكم في الحلقة ❤️😍 Bn8 ❤️ nhbkom ❤️❤️
