بين الحلم و الامنية ...... القدر و النصيب ..... لا يحدث إلا ما كتبه الله لنا فلنتفاءل و و نصبر فالاشياء الجميلة تختبىء خلف العسر دائما ليفاجئنا الله جزاء صبرنا
جمعهم القدر ليولد الماضي من جديد ليس كل ما يقال و نراه حقيقة يوجد خلف كل صورة الف حقيقة...
هاي حبوباتي وصلنا 1k في لمشاهدات ❤️ بقات غير هي و هي في الغرفة هبطت وجها من الحشمة و بقات تشوف في ارض ايهم: كاين قشك هنا ايدا حبيتي تبدلي خودي غير من هنا و خودي راحتك في لبيت هزت راسها بمعنا ايه و حطت رزان فوق سرير و راحت لدريسينغ و غلقت على روحها و بدات تحوس في جيهة لمخصصة بقش دار ما لقات كان قش قصير و نويزات اما جبب كانو مش نتاع رقاد خلاص ميسان: اوف اوف منك يا ليليان حطيتيني مع سيد مغرور قي نفس الغرفة و زيد مجهزة دريسينغ المعري كثر من لمغطي و بدات تحوس لقات نويزات مستورة مقارنة بواش كان تما لبستها و جاتها قدها نيشان و بينت لاطاي نتاعها ميسان: احي نخرج هكدا يغتاصبني و مالوموش و بعد تبسمت بشر : كيما عدبني نعدبو اما بطريقة غير خليني نشوف ايدا يقدر يقاوم كل هاد لجمال طلقت شعرها و دارت بارفان و زادت بينوار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت بلعقل تشوفو راقد في جنب رازان و يلعب معاها و غير شافها عدل روحو و هي عرفت انو مش حاب يبين اهتمامو راحت جنب سرير و فتحت هداك البينوار و طاح و بانت اطايها لي زي الحوتة و قعدت في سرير ترضع في رزان في لبيبرو ايهم يخزر فيها و لحمى طلعت معاه ناض ايهم: ارقدو هنايا و انا نروح للفوتاي ميسان: اوك راح تكسل و يسمع فيها تحكي مع رزان حتى تقطع حسهم طل لقاهم روقدو ايهم: زعما ما لقات ما تلبس من غير هاد نويزات و بقا يتقلب ناضت رزان تبكي و عطاتها رضاعة و هو لعبها راقد ميسان: هيه العبها ما صرالك والو و نتا قريب تطرطق ضحكت و رجعت رقدت ايهم: ايه صار هكدا درتيها بلعاني بقا يتقلب و لفوتاي كان يوجع في رقدة ناض رفد مخدتو و تكسل حداهم و بقا يشوف فيها و ما فاقش بروحو حتى قرب سلم على راسها و على رزان و رقد اصبحنا و اصبح الملك لله 🌄 ناضت بكري و بقات دور في قصر زي لعسكري و تشوف ايدا لخدم منظفين غرف الباقي وقت وصلت لهاديك لغرفة فتحتها و هي تصدم ميسان: هاد لغرفة عمر حد ما بقا فيها كيفاه لفرش راه متغير دخلت و هي تلقا ليفاليز نتاع ميسان و قش رزان و كانت طاولة جنب سرير محطوط فوقها سلة تبان كانت ترقد فيها رزان هي اكدت شكوكها ليليان: يعني طول لمدة هادي كانو زي الغربة .... اوف منك يا ايهم مخلي بنت زي لملاك و تبع في هديك لكلبة .... خرجت من الغرفة حابة وقت تلقى فرصة تحكي مع ميسان و تفهم منها لموضوع ناضت صباح على اشعت شمس لي تسللت للغرفة فتحت عينيها و جات تتحرك و ما تحس غير بحاجة تقيلة محطوطة فوق خصرها و حاكمتها بقوة هبطت عينيها و هي تلقا يدو مدورها عليها و مدخلها في صدرو و هي معنقة رزان و هو معنق ميسان زاحت يدو بلعقل و دارت تخزر فيه و تشوف في زينو لي من اول مرة شافتو خطف قلبها معاه و هي تشوف نطق و هو مغمض عينيه ايهم: علابالي زين شدي عينيك دوك تعينيني ميسان تتلعتم: وشنو... ااا راك فايق ايهم: محركة يدي من بلاد لبلاد و تستناي مني ما نفطنش ميسان: و نتا علاه تجي جنبي و زيد بلا ما تشاور ؟؟؟ ايهم: ايه على حساب علمي هادي بيتي و نرقد وين حبيت و ناض للحمام و خلاها دخان يطلع مع راسها خرج لاف منشفة على روحو و لخرا ينشف شعرة بيها وقف عند لباب يخزرلها تعدل في سرير و هاديك نويزات مبينة مفاتنها بشكل مغير و صدرها نصو يبان غير شافتو راحت تجري لبست لبينوار ضحك و راح يقرب منها وهي ترجع حتى ضربت في لحيط ايهم: وشنو مرتي كأنك حشمتي ميسان: .... ساكتا تشم غير في ريحت جال دوش لي دوختها ايهم: لبارح ما حشمتيش و ليوم لحشمة نتاع سيدي ربي طاحت عليك لكل ميسان: اااا والو غير لبستو هكدا باش نهبطو نفطرو و قرب منها حتى نفسهم ختلط و بدا يجوز يدو بكل سلاسة و ماتحس غير بالبينوار مفتوح و طايح في ارض ايهم: اوك دام هكدا انتي حبيتي و قرب و خلط على شفايفها ببوسة حتى هي ما صداتوش من صدمة بقات واقفة حتى وخر عليها ايهم: هاد لمرة بوسة و عيديها تتحملي مسؤولية وش راح يصير و راح لدريسينغ ايهم: هيه حتى لبوس و ما تعرفش اكيد هادي اول مرة اما هي بقات تجوز يدها على شفايفها و تتبسم يعني كاين امل انو تنجح علاقتهم قفلت بينوارها و هبطت لقات ليليان على طاولة كانت تبان قلقانة ميسان: صباحو لحب وشبيك ؟ ليليان: هاي مابيا والو اما على حساب ضحكة و لخدود لحمر كاين حاجة ميسان: هيا بركي ما تحشمي فيا على صباح ليليان: هههه اوك مدة صغيرة و هبط هو و بداو ياكلو و ليليان تحكيلهم على لجدة و حوالهم حتى سمعو حس طالون كل ما هو يقرب لميس: هيه بصحتكم ايهم يعيط: وشنو راكي كيري هنا مش قتلك انسي هدا لقصر ليليان: انتي ولله ما تحشمي سيد مزوج و بلاك حتى مرتو تكون اونسانت و نتي مزالك طامعة فيه لميس تضحك: ههههه اونسانت و هو حتى لبوسة تالية ماخداتهاش من عندو و مزالها عزبة و عذرة زي مجات من دارهم و ااا ولا نقولك بموضع هادا ما نقدرش نأكدلك ايهم: لميس قبل ما نغلط معاك ترفدي روحك و طيري لميس: اوك نروح اما قبل شوف وشنو جبتلك معايا و بدات تقرب و لكل يستنى واش من موصيبة جايبتها .... حتى تحط ايكو في طاولة ايهم: وشنو هدا لميس: ولدنا انا وانت و عندو شهر يا عيني انا لازم تلقالي حل يا تتزوجني و تستر عملتك يا ندير اجهاض و راحت ميسان مجمعة فوق كرسي و تسمع و دموع دايرين طريق في وجها و هو صدمة متملكاتو و زيد شافها تبكي كره حياتو ليليان تعيط: شنو هدا لي صاير ايهم راك واعي حجم لمصيبة لي درت قوللل ايهم: ليليان ما تزيديش عليا ليليان: نزيد عارف وش راح تعاني هاد لبنت متصور جدة وشنو راح يصير فيها ايهم يعيط: عارف عارف خلاص ليليان: ايه تهرب ايلا راك ناسي حتى اغاويتك و اسم عايلتنا عرضتو للخطر قلنالك خليك منها اما نتا زي لمجنون ايهم: ليليان يزي ما راني حاس دنيا دايقة بيا ليليان: ديق ولا توساع انت سبب و هوما في عياطهم ما يسمعو غير حاجة طاحت خرزو يشوفو في ميسان مصروعة في ارض راح يجرو عندها رفدها و داها لبيتو ليليان: شوف نتيجة تصرفاتك وين وصلتنا اكيد ضغطها نزل و عبرتولها لقاتو نازل جابت بارفان و بقات معاها حتى فطنت ميسان: انتي بخير هزت راسها ببطىء بمعنى ايه شافت جيهتو و عينيها تعمرو دموع ميسان: اخرج ايهم: وشنو؟؟ ليليان : قاتلك اخرج يعني اخرج ... حط راسو وخرج عارف حتى كلمت سمحيلي و ما تنفع في غلق لباب طاحو دموعها عنقتها ليليان : ابكي حبيبتي ابكي خرجي وش فداخلك و ميسان زادت في بكيتها من مدة و هي تكتم في قلبها غير وحدها تعاني بقات مدة حتى بقات تسمع غير شهقاتها ليليان: علاه ما قلتيش علاه عانيتي وحدك ميسان تبكي: وشنو نقول انو زوجي في ليلة دخلة نتاعنا طردني من الغرفة هئ هئ نقول انو لحد الان مزالني عذرا و بنت و لا نقول انو راجلي شك فيا 😭😭 ليليان: خلاص اهدي تو نلقاو حل بقات حتى رقدت خدات رزان معاها باه ما تفطنش و راحت عندو ليليان: تنجم تفهمني وشنو صار ايهم: كل لي صار بسباب جدة من اول قلتلها نحب لميس ميسان: وقتاش صارت علاقة بينكم ايهم: يوم الخطبة ضحكت بسخرية: في داك ليوم باه تبهدلها على المسرحية لي عملتها رحت هههه ايهم افهم ضاعت حياة بنت بسبابك ضاع مستقبلها عارف قيمة واش درت لوكان ما كانتش قوية كان ممكن تنتاحر او تدخل في اكتئاب انت تزوجتها على اساس تعوضها حنان ليتم مش تزيد تحسسها انها يتيمة ايهم: مش ناكر اني غلطت اما فات لوقت و لميس اونسانت ليليان: انت امنتها ؟؟ ايهم: اكيد ما أمنتهاش اما لقيتها باعتتلي فيديو تعمل في ايكو و وجها واضح في فيديو يعني مش كدبة كمل كلامو و هدرت : عمري ستنيت منك تصرف منحط زي هدا ولو كان ولدك يوم يزيد راح تحسو كابصمة و دليل لافعالك مع بنت ما عندها حتى ذنب بنت زي زهرة رجعتها جثة محطمة بربي قولي باش تأديك مدام ربت بنت ما تعرفها و تحملت مسؤوليتها و كلنا شفنا كيفاه تحاول تكون اب و ام ليها باش راح تأديك وينو خونا لي حمانا من كل شيء خونا لي ما يحبش لبنت تتقاس ما نضنش هو نفسو خويا لي شكك في شرف بنت بريئة و نتمنى توجد حل قبل رجوع لكل لأنو هادي مهزلة بكل معنى الكلمة قلت كلامها لي كان بنسبة ليه زي رصاص اما كان لازم توعيه على افعالو ... راحت و رقدت جنبها تفكر في ردة فعل جداتها لي اكيد راح ترجع لوم في نفسها و هي تخمم قاطعتها تحكي بصوت تعبان: صحيتي على دفاعك عليا ليليان تتبسم: ما درت والو اما علاه ما دافعتيش على نفسك ميسان: كيفاه ندافع و انا وقت سمعت كلامها حسيت كل حواسي تعطلو في لحظة حسيت حياتي دمرت خلاص و ماما عارفة انو مش رح تتقبل و خفت نخسرها ليليان: ايه معليه ريحي راسك و نلقاو حل ميسان: انا نروح نخليك مرتاحة في غرفتك ليليان: تتحركي نكسلك بكف غرفتي هي غرفتك والفت نرقد مع ليان اما مكاشها ضحكت ميسان وجدت فيهم العائلة لي تمنتها اما الزوج لي حباتو مكاشو _______ تحكي معاه تحوس تعرف ايدا حاب لمعقول او لا هيال: تعرف عندي عرس صحبتي ليوم سليم: ايه روحي اما لمعري خطينا منو هيال: ايه .... والله الكل تزوجو و انا قاعدة غير مبروك مبروك ههههه سليم: انا عن نفسي مزال فكرة زواج بعيدة عن تفكيري هيال: ايه هيا من بعد قدامي شرطة سليم: اوك ..... قطعت سليم: هيه يا لالة حاسبتني مش فايق ههه اما هي دخان طلع مع مخها هيال: صار زواج بعيد عليه تقول في عمره 10 سنين واقيلا حاب يتزوجني حتى ندخل سن اليأس ليلى : امممم صعيب حتى فكرة لولاد انسيها فيه خزرت فيها هيال: يا تسكتي يانحل لباب و نرميك ... جوزت يدها على فمها نتاع خلاص سكت هنا خلاصت حلقتنا ❤️ رايكم في الاحداث ؟؟ لميس صح حامل ؟؟؟ ميسان راح تاخذ خطوة تنهي هاد لمهزلة؟؟ Bn8 nhabkom ❤️😍
