هاي حبوباتي رجعت بعد غياب طويل اما الظروف كانت عندي عذروني ❤️
و البنات دعم نقص بزاف نتمنى يرجع 😍❤️
وهي قاطعة طريق حبست قدامها بطنوبيل ركبت معاها بلا ما تشوف من موراه و حتى الثانية راحت حارقة طريق و هو لاحقهم بطنوبيل هزت تليفونها خلتلو ميساج
"ارجع من وين جيت خلي نحكي معاها و نقنعها ترجع و وعد مني ترجع "
كان يسوق حارق طريق يتبع فيهم حتى لحقو الميساج قراه و حبس طنوبيل
ايهم: حتى لو مارجعت معاك عارف مكانكم راح ترجع غصبا عنها
حبست طنوبيل و شافت فيها
ميسان:علاه حبستي صاير مشكل ؟
ليليان: مش حاببين تنهو هاذ المشكل ؟؟
ميسان: انا قلت لي عند من مدة القصر انا مش راجعتلو و لا حتى ايهم
ليليان: تضحكي عليا و لا على روحك
ميسان: انا حابة نطلق
ليليان: وشنو طلقي ؟؟ ميسان استغفري شهرين ما فاتوش على زواجكم وش من طلاق تعرفي مجتمعنا و تفكيرو تعرفي نظرة المجتمع للنساء المطلاقات هي صحيح الزمان تبدل و كل شي فيه تغير اما تفكير المجتمع عمرو ما يتغير
ميسان: مايهمني لا المجتمع و لا كلامو انا ما نقدرش نعيش مع راجل مانحبوش
ليليان: هههه ما تحبيهش .. علابالك ما تعرفيش حتى تكذبي الحب باين من عيونك شفتك وقت شفتيه اليوم عينيك لمعو و حتى فليل نشوفك وقت توقفي عند تصويرتو لي معلقة في لحيط و تبقي تتاملي فيها اما بلا ماننسو شهقاتك لي يوصلو لغرفتي .... حطت يدها على خدها و مسحت دموعها
ليليان: ميسان ماتبكيش الشي اللي صار بينكم حتى لو كان غصبا عنك اما نرجعو هداك حقو و ليوم و لا غدوة كان ممكن تعيشو هذيك لعلاقة ماتدفنيش حبك باسباب تافهة ميسان انا لو مكانك نبين القوة نتاعي نخرج و نخدم و نكمل حياتي عادي مش نتخبى و بزايد ممكن تكوني اونسانت فكري قبل اي خطوة انو مش ممكن تدمري غير حياتك بلعكس حياة بزاف ناس متعلقة بقرارك
ميسان: عقلي ضايع مش عارفة نخطي اي خطوة 😭😭 قلبي يقولي سامحيه انا عقلي يقولي لا لا و يرجع يذكرني باسوء ايامي
ليليان: القرار راجع ليك انتي تعرفي شكون راح تسمعيلو اما ننصحك اسمعي لثيناتهم و اخرجي بحل .... هزت راسها بايه و كملو طريق رايحين لدار
ميسان: نشوفو صيدلية حابة نشري دواء لرزان عندها غازات
ليليان: اوك
راحو و هبطت ميسان تشري و هي عيطتلو
ايهم: وينكم وشنو صار
ليليان: و عليكم سلام
ايهم: ليليان احكي وش صار
ليليان: حكيت معاها و يبدو انها قتانعت اما ماردت عليا بحتى كلمة
ايهم: حتى لو ما حبتش ترجع نعرف مكانكم و راح ترجع غصبا عنها
ليليان: باي راهي جات
......................
قاعدين في جو عائلي الكل فرحان
الجدة: ولله ولادي ختارولي كناين زي القمر مكمولين تربية و زين
سليمة : نحمدو الله و نشكروه علاقتنا و قرابتنا قواة كثر صار عندكم ثنين من بناتي
الجدة: انعم انا وين نلقا زي بناتك ......
سليمة: اما ميسان و ليليان وينهم مش موجودين
ليان: رزان تقيات و وسخت كامل قشها و خافة ميسان تمرض مع البرد
هيال: رزان مريضة ؟؟
ليان: نن غير البيبي وقت يكون هذاك وين شرب لحليب و نهزوه و نلعبو معاه يبدا يرجع
قربت منها ليلى: ايه معليه مبقاش بزاف وحتى نتي تجيبي بيبي و تبدي تتعلمي 🙂
ضحك الكل قربت منها وقرصتها
هيال: لمي روحك يابنت ماتحكيش ماتحكيش و غير تحكي تبدي تخبزي في الكلام
ليلى: اييي حتى لي قال لحق قرصوه و بوزت شواربها زي صغار
امين: هاي زعفولي صدقتي ارواحي حدايا اخطيك منهم و فتح يديه باش تجي و هي ناضت تجري جمعت حداه معانقين بعضهم البعض (الكل يعرف بصداقتهم)
ليلى: والله شحال دافي حضن الصديق
هيال: هيه نروحو لدار و تقربي مني نرويك ...
الكل قعدو مع بعض في جو الضحك و الحب العائلي حتى تفارقو الكل راجع لدارو
...................
دخلو لدار حطت رزان في سريرها و راحت للحمام و جبدت اختبار الحمل (كذبت على ليليان وقت هبطت للصيدلية) جرباتو و بقات تراقب واش راح يظهر غير شافت النتيجة رماتو
ميسان: الحمدلله ما طلعتش حاملة من اسوء ليلة في حياتي
خرجت قابلتها قاعدة في صالون راحت و حكات
ميسان: هي نرجعو للقصر
ليليان: وشنو ؟؟
ميسان: ايه لي سمعتيه صحيح هي نرجعو للقصر اكيد بعد ما الكل شافونا يعني كذبة اليوغا انتهت و الجدة باه تشك و الحل الوحيد انو نرجعو
ليليان: اوك هي نروحو
ميسان: اما قشنا
ليليان: دريسينغ في القصر عامر و من بعد نرسل واحد يدي قشنا جيبي غير واش تحتاج رزان
ميسان: اوك اما يرجع يتصرف معايا اي تصرف يقلل من احترامي اكيد راح ندي رزان و نروح لدارنا
ليليان: يا بنت يهديك ربي حنا لقصر و مزال ما وصنالو و وقت يصير اي مشكل انت حرة في قرارك و اكيد نحتارمو ....
..............
وقفو قدام باب القصر وهي تخزر فيه تذكر كل واش جاز عليها وقت تعاملت زي الخدامة و وقت تهانت و وقت غتاصبها طاحت دمعة سخونة على خدها مسحتها وقت شافت العائلة الكل متوجهة نحوها بنظرات كلها حب و وجوه مبتاسمة رحبو بيها و عاملوها احسن معاملة حاولو يحسوها بالراحة و انها في دارهم و ان الكل خوتها و خوتاتها ماهي اول مرة تتجمع معاهم في القصر .... قعدو يتعشو كلهم و حتى ايهم رجع و قعد يتعشى معاهم
الجدة: بنتي في المنتجع ما كانوش يوكلوكم مليح تباني ضعفانة ؟؟
ميسان سكتت مالقات ما تقول
ليليان: ايه قتليها جسمك ما يخصوش حمية و دايت غير هي معندة
الجدة: جسمك ماشاء الله ماخصك والو من ليوم تحبسي هاد دايت
ميسان: كلامك هو لول جدة
امين: والله ياخويا من وقت تزوجت ما سمعنالك حس شبيك ساكت ؟؟
سليم : ايدا زواج يسكت الله يخليكم لاما زوجو هاد لبرهوش يسكتنا شويا
امين: اتزوج نتا برك انا مزالني صغير و حاب نكمل قرايتي 🙂
ناض الكل يضحك عليه مكملين عشاهم
امين : ميسان معليه تجي معايا دقيقة
ميسان: ايه عادي
راحو طالعين لغرفة امين و الكل حاير و شنو حاب بميسان
و هنا خلاصة حلقتنا ❤️❤️
رايكم في الحلقة ؟؟؟❤️❤️❤️
وشنو في رايكم حب امين من ميسان؟؟؟
علاقة ايهم و ميسان ممكن تتصلح ؟؟؟
Bn8 nhabkom ❤️😍
أنت تقرأ
❤️جمعنا القدر ❤️
Storie d'amoreبين الحلم و الامنية ...... القدر و النصيب ..... لا يحدث إلا ما كتبه الله لنا فلنتفاءل و و نصبر فالاشياء الجميلة تختبىء خلف العسر دائما ليفاجئنا الله جزاء صبرنا جمعهم القدر ليولد الماضي من جديد ليس كل ما يقال و نراه حقيقة يوجد خلف كل صورة الف حقيقة...
