بين الحلم و الامنية ...... القدر و النصيب ..... لا يحدث إلا ما كتبه الله لنا فلنتفاءل و و نصبر فالاشياء الجميلة تختبىء خلف العسر دائما ليفاجئنا الله جزاء صبرنا
جمعهم القدر ليولد الماضي من جديد ليس كل ما يقال و نراه حقيقة يوجد خلف كل صورة الف حقيقة...
🥀العقل والقلب......أصدقاء في جسد واحد.... يقرران سويًا في جميع المواقف....قد يلين القلب أحيانًا، لكن يبقى العقل مستيقظًا حتى لا يقع صاحبه في الخطأ أو يجعله يشعر بالندم.🥀 في نص الليل فاقت على صوت رزان تبكي قعدت و شعلت ضوء الفيوز و حطتها في حضنها ترضع فيها و حتى لمحاتو راقد فوق الفوتاي تفكرة واش عاشت معاه ليوم بقات تخمم و تفكر هي لي كانت حابة ما تخليه يقرب منها حتى شبر دخلت معاه في قبلات و حتى بدون ما تتردد ..... كيفاه حتى نسات واش عيشها بمجرد تقربو منها جاها احساس و شعور غريب .... ماجات تخرج من دوامة افكارها حتى لقات رزان رقدت حطتها حداها و بقات تتقلب في بلاصتها مجاهاش نعاس هزت تيليفون نتاعها و دخلت للفيسبوك لقات شحال ميساجات من عند لبنات و ضايفينها لعدة قروبات .... نضمت و بداو يطلعولها منشورات و بدات تقرا هدي تقول المشاكل بين الزوج و زوجة تنحل كلها في السرير..... و هاذي تقول الراجل يحب المرأة لي تهتم فيه و فكرشو و فراشو ... قرات حتى عيات طفات تيليفون و الافكار شريرة بداو يحتلو عقلها تبسمت بشر و رجعت رقدت .................. 🌄🌄اصبحنا و اصبح الملك لله 🌄🌄
ناض الكل على نفس الروتين بعد ما تقهواو الكل راحو رجال للخدمة و رزان بقات عند الجدة و هوما طلعوا للغرفة يختارو واش يلبسو لبسو كلهم اللون الابيض و جاو ياخدو لعقل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت ليان للمستشفى و ليليان و ميسان للشركة ليليان: هيه مكان حتى حاجة مضايقاتك في القصر ؟؟ ميسان: نن و بديت نتعود على الكل ليليان: و الكل هاذو بينهم ايهم و لا خراجهم شافتها سكتت ضحكت مكملين طريق و صلو داخلين جمالهم جمال يعجز اللسان على وصفو و مشيتهم الي دل على هيبتهم ،رقتهم او انوثتهم دخلو راحت ليليان لمكتبها ميسان: هايا خليني نشوف ردت فعلك وقت تشوفني راحت متجهة نحو مكتب نتاعو و تمشي و كعبها عامل صوت ثاقب الدنيا و وقت جات رح دق الباب حكات من وراها .......:هاي نتي وين رايحة ؟؟؟ خزرت فيها ميسان و طلعت حاجب و هبطة حاجب :تحكي معايا ؟؟ ......:ايه نتي لا موعد لا اذن داخلة تقولي جاية لداركم شوفي مليح و دوري عينيك هنايا شركة ايدا حد ما هدر معاك انا نوقف في وجوه لي زيك و راح نحكي مع المدير يغير هاذ الخدامين و يجيب اللي مثلي مستوى العالي في دراسة و بالاخص يعرف يتعامل مع ناس زيك راحت تقرب منها بكل ثقة و غرور ميسان:اولا وين رايحة و لا جاية ما يهمكش .. ثانية وقت نجي لمكان لخدمة نتاعي و عند راجلي ما نحتاجش موعد منك و ثالثا في عوض ما قريتي و كيما قلتي وصلتي لمستوى عالي كون تعلمتي غير شوية نتاع الاداب و احترام و كون مش في وجه راجلي و احتراما للمكان لي راني فيه لوكان راني ندبتلك داك لوجه اما حرام تبان راكي نايضة بكري و تاعبة عليه .... كملت هدرتها معاها و الوقت لي دور لقاته واقف عند الباب يخزر فيهم ميسان: انا ... قاطعها: ادخلي للمكتب و انتي الحقيني ... خزرت فيه بغضب كيفاه يخليها في لمكتب و يروح مع ديك لبنت دخلت للبيرو رمات صاكها فوق طابلة و بقات رايحة جاية حتى دخل للمكتب ايهم: اهدي ....(قاطعاتو) ميسان: نهدي ايه ماهو في عوض ما تربي هذيك بوبية نتاع تريسيتي لي جايبها لا نتا رايح تواسيها ما عرفتش علاه تخدم الاشكال هاذي لابسة نص ميترا و بزايد تتعوج في مشيتها لا ولوجه حبيت غير نعرف شحال من كيلو مكياج حاطة تم .... خزرت فيه لقاتو مربع يديه و يخزر فيها ايهم: كملتي؟؟ ميسان: تقريبا ايهم: لوكان غير تخليني نكمل هدرتي البنت غير هدي بالك راهي نطردت ميسان: تستاهل راح يقرب منها و هي ترجع حتى خبطة في لحيط ايهم: شبيها مرتي لعزيزة كأنها غارت ميسان: ههه انا نن راك غالط ايهم: لا راني صحيح ميسان: بعد دوك يشوفنا كاش واحد ايهم: و يشوفو ياك مرتي و حلالي و راح يقرب منها غمضت عينيها تدعي كاش حاجة تفكها منو حتى دق لباب دفعاتو و بعد عليه .... اما هو لعن زهرو ايهم: دخل ليليان: هاي ايهم: مالقيتي وقتاش تجي ليليان: اوبس اسفة خربة اللحظة ... اما عيب هذا مكان عمل روحو للقصر و كملو شغلكم و غمزاتو ايهم: يابنت احشمي ليليان: ههههه هيا ميسان راهم لهنا ضيوف يستنوك و راحت جاتها دخلو لمكتبها لقاتهم ناضو سلمو عليها و ستفسرو على حوالها هيال: وشنو رايكم نروحو للمحل نتاعنا منها نشوفو شغل و منها ناكلو حاجة بنينة ميسان: ولله جات في وقتها بروحي توحشت القعدة معاكم .... ليليان هيا معانا ليليان: مانقدرش اليوم مرة خلاف ان شاء الله ... اما نحب حقي ميسان: هههه مايكون غير خاطرك و راحو للمحل لقاو البنت الي خدموها تما راحو مخليينها مع شغلها و حطو ياكلو مع بعض فوتت لسانها على شواربها : امممم الطابلة تشهي ليلى: ايه عندك الحق هيال: اما يبدو تحمسنا و كثرنا شويا ميسان: ما تحمسنا ما والو انا راح ناكل كلش و قعدو ياكلو و يحكو يحوسو يجبدو طرف خيط منها ميسان فمها معمر: افففف خلوني ناكل لقمتين في خاطري .... مابيني و بين ايهم والو لوكان كاش حاجة لوكان خبرتكم ليلى: من زمان نقولولك ما تحكيش و فمك عامر .... ماتقوليليش غير تاكلي قدام راجلك هكدا ؟؟ عاودت حكات و فمها معمر: الله يسهل ناكل كيما نحب هيال: اصرطي عاد اهدري لا تجيفي علينا هنايا نحصلو فيك ..... كملو نهارهم بضحك و تحواس و من بعد وصلو ميسان للقصر و هوما راحو للدار و بداو يكمنو في سليمة هيال: يبدو انو كان شكنا غالط البنت ماعندها والو سليمة: بلاك تخبي عليكم هيال: ولي مهموم ياكل قد ما كلات هي ليوم ليلى: ايه عندك صح كان باقي غير شويا و تاكل قاع واش في لمخبزة هيال: و هي معروف عليها كي تكون مهمومة ماتاكل والو سليمة: ايه ام كرش قلقتني باطل .... دخلت لقات لجدة سلمت عليها و لقات رزان راقد طلعت لبيتها مسحت المكياج و لبست جبة جاتها فنة و خدمة شعرها و قعدت تحط في كريمات ترطب بيهم بشرتها حتى دق لباب ميسان: تفضل ادخل ... تحل لباب و دخلو و معاهم رزان دخلو و هوما يشوفها قاعدة حدا لاكوافوز تبان غير ملاك ميسان
