بين الحلم و الامنية ...... القدر و النصيب ..... لا يحدث إلا ما كتبه الله لنا فلنتفاءل و و نصبر فالاشياء الجميلة تختبىء خلف العسر دائما ليفاجئنا الله جزاء صبرنا
جمعهم القدر ليولد الماضي من جديد ليس كل ما يقال و نراه حقيقة يوجد خلف كل صورة الف حقيقة...
هاي حبوباتي عام سعيد ان شاء الله يدخل عليكم بالصحة و الفرحة ❤️😍 حبوباتي راني ندير كل جهدي باه ما نطولش اما تفاعل راه ناقص بزاف و ايدا كمل هكدا اكيد راح نحبس الكرو و الكتبة
دخل للغرفة و هي تبع فيه راح جبد علبة من دريسينغ و وقف قدامها امين: ميسان من يوم تزوجك ايهم رجعتي ختي و مقامك من مقام ليان و ليليان ميسان: حتى نتا راك في مقام خويا لعزيز امين: ايه مدام هكدا راح تقبلي مني هذا الكادو .... و فتح العلبة كانت فيها سنسلة نتاع ذهب مكتوب فيها mama برقو عينيها عجبتها بزاف اما ستغربت من الكتبة الي فيها و حشمت تسقسيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ميسان: وعلاه تشقي في روحك يزي غير لكادويات لي جبتهملي في لعرس امين: قتلك مقامك من مقام ليان و ليليان لوكان تلتحظي حتى هوما عندهم سنسلة و ما ينحوهاش .... ايه و حتى نتي مدابيا لوكان نشوفها كل يوم في عنقك ميسان: من عنيا .... ايه والله ظهر دوقك شباب ههه امين: هيه ماتستخفيش بيا الله يخليك ..... هيا البسيها دوكا قدامي نشوف ... لبستها و بدات توري فيه امين: مدامني خوك يعني نبغيلك لخير ميسان: ايه ؟؟ شارلها بعنيه تقعد فوق الفوتاي و راحت و هي علامات الحيرة في وجها ... راح جبد ل pc و قعد حداها خربق فيه حتى ظهر تسجيل نتاع كاميرا و يبان في شركة تبان فيه بنت لابسة روبة لمعري كثر من المغطي و لمكياح عامل حالة في وجها و كل دقيقة تروح لمكتب ايهم شافت فيه بتعجب ميسان: شكون هاذي جامي شفتها في شركة امين: هاذي جات من يومين تخدم في بلاصتك و من تصرفاتها و شوفاتها ماهيش ناوية على لخير ..... من وقت ما جات تحوس على اتفه الاسباب باه تدخل لمكتب ايهم و تهدر معاه بطريقة مغرية ميسان: ايه و انا واشنو علاقتي بالموضوع ؟؟ امين: ايهم راجلي و لا راجلك ؟؟؟ يا بنت افطني من مدة و نتي غايبة على راجلك و انا راجل و نعرف رجال وقت يقل الاهتمام بيهم و يحسو بنقص راكي عارفة ..... ميسان: و المطلوب امين: ساهلة ارجعي تخدمي ميسان: بكل سهولة دي امين: وقت رحتو ليليان حطت عطلة مرضية يعني تنجمي ترجعي وقت ما حبيتي ... اياي هيا نهبطو نعرفهم يكونو حايرين هبطو لقاوهم في صالون مقصرين و رزان قاعدة عند سليم شافو سنسلة في عنقها فهمو انو عطاها كادو ليليان: امين حبيت نسقسيك امين: اعملي استجاوب و مكان لي يسالك ليليان: فضولي كلاني علاه سلسلة مكتوب فيها mama 🙂🙂 امين: ماهي ميسان اجمل ام لرزان عمري ماشفت ام بحنيتها و طيبتها رغم صغر سنها و اكيد راح تكون اجمل ام في لمستقبل لخوت رزان ايهم تبسم على كلامو اما هي حمار وجها على كلامة لخرة لي قالها ليليان : ايه ولله غير جبتها هاذ لمرة اما حتى انا حبيت وحدة زيها سليم: حتى تتزوجي بعدا 🤣😂 ناض لكل يضحك ليليان: هاي نتا مش خطبت ليوم راح تشوف عليا روحك ديجا مزالني صغيرة الجدة: لا لا يابنتي راكي في عمر زواج و ما ينفع البنت غير دار راجلها صحيح خاوتك في كتافك اما كتف زوج وقت تتسندي عليه راح تحسي انك بامان اكثر ... و عرف الاغوات راكي تعرفيه اول عريس يطلب ايدك و يكون مناسب راكي تعرفي عرفنا واش يقول ناضت دخلت في حضن ايهم ليليان: ياو فهمهم مزالني صغير و شافت فيه بعينين كلها برأة ايهم: هيه ختي مزالت صغرونة و عنقها تبسم الكل رغم انها كبرت وصارت في عمر زواج لكن الدلال و الفشوش لي عاشت فيه مخليها تحس روحها مزالها صغيرة الجدة: ايه تبسمي لكلام موجه ليك نتي ثاني ليان: لا لا انا مانتزوج حتى بعد ليليان عيب و حرام نخليها من مورايا 🙂🙂 ناضت سايقتها رايحين لغرفتهم ليليان: هيا نرقدو انا نعست ليان تثاوب : لوكان تشوفي انا الجدة :ايه اهربو ........................... بعد ماتعشو قاعدين حاطين فيلم و ياكلو في شيبس و زريعة حتى كمل و نطقت ضربة وحدة سليمة: لبنات حابة نسقسيكم هيال: ايه حتى انا كنت نستنى فيك تسقسينا سليمة : كيفاه عرفتي ؟؟؟ ليلى: باينة من هاد جبل نتاع زريعة لي كليتيه بلي في قلبك حاجة سليمة: ميسان بيها شي ؟؟؟ حكاتلكم كاش حاجة؟؟ هيال: لا لا ليلى : علاه كاين حاجة؟؟؟ سليمة: قلبي مش مطمني ماشفتوهاش زيماه نقصت .... و حتى في لحفل ختفت بلاما تودعنا و حتى راجلها ما وقفت معاه ما حكات معاه هيال: خالتي كثرتي من الافلام و لمسلسلات لبنت جيست تبدلت عليها دار و لماكلة هذا علاه نقصت ليلى: و بنتها كان لازم تبدلها قشها و لا كانت راح تمرض .... بقاو مدة يقنعو فيها و يكذبو في شكوكها و افكارها لي من مدة و هي تراود فيهم .... بعد ما كل وحدة راحت ترقد راحو لغرفتهم و كل وحدة تكسلت في سريرها جبدت تيليفون نتاعها يحوسو يجبدو لكلام من هدوك زوج ايدا صح علاقتهم فيها مشاكل ليلى: بسس بسسس هيال: وشنو ؟؟ ليلى: كشما قالك عرفتي شي حاجة؟؟؟ هيال: ولله والو و نتي ليلى: لا محكالي شي من غير انو ممكن انها ترجع للخدمة غدوة هيال: اما لوكان صرات حاجة لوكان قالتلنا ليلى: نن اكيد مخبية شي ماهي شفتي تصرفاتها و حتى في لقروب معادتش تحكي معانا خلاص هيال: ايه عندك الحق .. اما وشنو هو الحل باه نتأكدو اذا صح صاير مشكل ليلى: ساهلة نتقربو منها و نجبدو لسانها هيال: إيه غدوة نعمل سبة باه نشوف سليم و نروحو عندها للخدمة ليلى: اوك ... هيا تصبحي بخير هيال: بسلامة انا نحكي مع سليم شوية و نرقد ليلى: امممم انتي لي جات معاك هيال: ياو قبيل انا نحوس نستفسر في لموضوع و هو يحكي على لعرس ليلى: يا لطيف ما تحشمو ما تحشمو خطبتو ليوم نضتو تخممو في واش راح ديرو في لعرس هيال: حبيت نفهم برك لاه تخمامك طول يروح للخماج و لعيب ليلى: علاه وشنو حابة يصرا في لعرس من غير لعيب لي راح ديريه نتي و راجلك هيال: علاه مكاين كورتاج مكاين تصديرة ليلى: هاه قوليلي هكدا راكم تخممو ..... (ضحكت زي الارنوبة) و انا راح بالي لليلة الدخلة 😁😁 هيال: ارقدي ارقدي ....................... دخلت للغرفة لقاتو كان ظلمة شعلة الفيوز شافتو راقد فوق سرير حطت رزان حداه و راحت لدريسينغ لبست بيجامة شافت في لفوتاي ما يكفيهاش هي و رزان راحت رقد حداه و بينهم رزان ميسان: مزيا تغم بلا ما يوريني خليقتو .... كون غير رقد فوق الفوتاي مافهمتش لاه مزاحمني في سرير و هو كي ... و ماجات تكمل هدرتها لقاتو فوقها محاصرها بجهامتو جمدت في بلاصتها ايهم: ايه كملي كي واش ؟؟ ميسان: راك نايض ايهم: داخلة و شاعلة ضو و حاطة رزان حدايا و دخلتي قرقبتي في دريسينغ حتى شبعتي و حابتني نرقد ؟؟ ايه و بلا ماتنسيني في لموضوع كملي واش كنتي تحكي هو يحكي اما معا شكون مع ميسان لي ساهت في ملامح و جهو و في انفاسو لي تخلطة مع انفاسها ميسان لي كانت في عالم ثاني حتى فيقها ايهم: هاي معامن نحكي انا كملي ميسان: بعد من فوقي بعد ... و بدات تتفرفط تحتو زي نحلة لعورة ايهم: يزي من تحراك دوك تفيقي رزان ميسان: والله و ما تبعد عليا حتى نعيط حدي حسبها تضحك : ايه عيطي كيما تحبي و تنوض تضربها بتعييطا حس طبل نتاع ودنو تقعر و بلا ما يتردد حط شفافو على شفايفها تحلو عينيها على وسعهم من صدمة ما بعد عليها غير وقت النفس تقطع عليهم ثنيناتهم بعد شفايفو من شفايفها يخزر في عينيها مرة و في شفايفها مرة و وقت ماشاف منها حتى رفض رجع قرب منها غير بشوي حتى دخلة معاها في قبلة لمرة ثانية و حتى هي بادلاتو القبلة و هوما يتبادلو في القبلات لي كانت دليل على شوقهم لبعضاهم فاقت مع روحها و وعات وشنو راهي دير حطت يدها على صدرو و بعداتو عليها بشوية شافيها بعيون مذبالة عرفت انو غالبة عليه النشوة ميسان: بعد من فوقي شافيها باستغراب ماهي من قبل دقيقة كانت تبادلو القبلات ميسان: بعد عليا راني نحكي معاك ميسان هاذي ماشي ميسان لي حصلت عليها بساهل شاف فيها مدة و زاح عليها و دخل لدوش سمعت صوت الماء و هي تطلق دموعها و قربت منها رزان معنقتها بقوة و تحكي في سرها ميسان: كيفاه سمحتيلو يقيسك يكل سهولة ذي علاش ستسلمتي في اول مواجهة لازم يدفع ثمن عملتو مش لازم تعيديها بساهل .... و هي تحكي مع نفسها حتى رقدت بعد ما دوش بلماء بارد و طفا نار لي شعلتها فيه خرج لقاها راقدة هز مخدتو و راح رقد فوق لفوتوي هنا خلاصت حلقتنا ❤️❤️ توقعاتكم للاحداث القادمة؟؟؟ ميسان راح تستسلم بسهولة ؟؟؟ Bn8 nhabkom ❤️😍
