Love Isn't Forcibly

Chapter 4

,
,
,
و على قهوة شبابيه ف الدقى
سامح : وجووووووووووووول الله عليك ياصلاح ياحبيب الملايين
ادهم : مش قولتلك هيعملها مبروك علينا يامعلم
سامح : المشاريب ع حسابك المره دى يا عريس بقى
ادهم : ياعم بلا عريس بلا بتاع
سامح : اوووبا لحقت تعيط من الجواز ياحلو ما قولتلك اصبر ياعم متدخلش القفص دلوقتى
ادهم : والنبى يا سامح بطل هزار مش وقته
سامح : اممم شكل الموضوع بجد قوم بينا نتمشى ع الكورنيش
ادهم : لا خلينا مليش نفس
سامح : يا راجل ابقى جايبك كل المسافه دى ونيجى الدقى ومنروحش الكورنيش عيب عليك قوم يلا
واهو نتكلم بهدوء
----------------------------------------------------------------------
دنيا : الو ايوه ياساره ازيك
ساره : ديمو عروستنا
دنيا : عروستنا ايه بقى ياوحشه انتى جيتى اصلا انا زعلانه منك
ساره : معلش ياحبيبتى ظروف اليومين دول والله,
المهم انتى اخبارك ايه.....
دنيا : الحمد لله تمام
ساره : العريس عندك
دنيا : لا ياستى بيتفرج ع الماتش بره
ساره : هههههههههه ياجبروت لحقتى تقعديه ع القهوة
دنيا : ههههههههه بس يابت
ساره : طيب انا قولت اتصل بيكى واقولك ان فى حضور مهم بكره ف الكليه
دنيا : ما انا مقدمه اعتذار للدكتور محمد
ساره بلخبطه : ايه اه لا يابنتى وهو انتى بتأمنى للدكاتره برده ممكن يقلب ف لحظه والمحاضره دى مهمه
دنيا : اووبس خلاص هقول لادهم بقى
ساره : ماشى يامزه لما توصلى بكره كلمينى
ووبعد ما قفلت ,,,,,
ساره : قشطه تم التنفيذ يا برنس اى خدعه ...
ياسين : ههههههههه حبيبتى يا سو يخليكى ليا ...
ساره : ابقى افتكر الجمايل دى بس ....
------------------------------------------------------------------
وعلى كوبرى الدقى ومنظر النيل التحفه اللى بيعشقه اى مصرى ومراكب النيل الجميله اللى ماشيه فيه وفرحه الاطفال والناس اللى راكباه
سامح : بذمتك شوفت منظر احلى من دا يهدى الاعصاب
ادهم : لا مشوفتش
سامح : ياساتر يارب ومالك بتقولها وانت مكشر كدا ليه
ادهم وفضل ساكت
سامح : ياعمممممممممممممم انا هنا بكلمك
مش هتحكيلى بقى متخافش عمرى ما هطلع سرك بره وخصوصا لو سر بيت
ادهم : انت عبيط يابنى دا احنا عشره عمر
سامح : طيب قول بقى في ايه
وحكاله ادهم ع اللى بيحصل
سامح بصدمه : يعنى ايه برده مش فاهم
ادهم : يعنى بقالى ساعه برغى وتقولى يعنى ايه
ايه اللى مستاهل فهم بقولك بقالى اكتر من اسبوع متجوز وملمستش مراتى
سامح : طب ليه ؟!
ادهم : دا اللى بحاول افهمه
سامح : عادى يابنى ف بنات كتير كدا بتبقى صعبه عليهم
ادهم : منا عارف بس قلبى مش مطمن
سامح : طيب اصبر شويه ياعم هي هتطير ماهى مراتك
ادهم : ياابنى انت اهبل هو انت فاكر ان دا اللى فارق معايا
سامح :اومال ف ايه
ادهم : انا مش متجوزها عشان كدا بس ولا دا الجواز بس مش عارف حاسس انها متاخده منى كدا يعنى حتى لو خايفه بتسيب فرصه للى قدامها يطمنها او تحاول تقرب ليه تتكلم حتى مش مهم ف الحاجه دى تتكلم كلام عادى مع جوزها
سامح : عندك حق
ادهم : حتى واحنا مخطوبين كانت دايما ساكته وابوها مطولش فتره الخطوبه وانا كنت زمان بقول يمكن عشان لسه مش حلالها بالكامل بس زادت بعد الجواز دى ساعات بتقعد بالحجاب يابنى
سامح : هههههههههه بجد !
ادهم : اه والله انا اللى بشيله دا انا لو اخوها مش هتعمل كدا بتحسسنى انى غريب انا متضايق اوى يا سامح
سامح : بص معاك حق تضايق بس كل حاجه وليها سبب الموضوع دا ميتحلش غير بحاجه واحده
ادهم : ايه يا فالح
سامح: خدها بالحنيه
ادهم : ماانا بعمل كدا
سامح : لا بالحنيه الزياده يعنى المسها شدها ليك انت فاهم بقى البنات بتلين بايه ...
ادهم : مش عارف
سامح : جرب بس وهتدعيلى ربنا يهديلك الحال ياصاحبى
ادهم : يارب
اخبار الشركه ايه من غيرى
سامح : هههههههه مروق انت
الحمد لله ماشيه تمام , انا وهانى شغالين اهو
بس بصراحه اول مره اشوف واحد بيشتغل زى هانى جوز اختك
ادهم : اه ما شاء الله عليه طول عمره بيحب الشغل
يلا ربنا يباركلنا
اانا قربت ارجع اهو شكلها مفيش شهر عسل
يلا انا هقوم اروح بقى
---------------------------------------------------------
دنيا : يابنتى دى بتقول الدكتور ممكن ميقبلش انا هاجى وخلاص اصلا زهقت من قعده البيت دى ....
سلمى : انتى حره يا دنيا بس انا متأكده , براحتك بقى
دنيا : طيب بقولك ايه هقفل عشان ادهم جه نتقابل بكره بقى
ودخل ادهم : السلام عليكم
دنيا : وعليكم السلام
ادهم : ايه القمر دا انا متجوز قمر ياناس
وكانت دنيا لابسه عبايه بيتى لونها ابيض مطرزه بخيوط فضى
دنيا بكسوف : شكرا
ادهم بهزار : بس انتى محترمه كدا ليه
دنيا : يعنى ايه
ادهم : عبايه وبكم وطويله وحجاب ايه ياحاجه راحه تحجى انتى فى بيتك
دنيا : ههههه عادى عجبانى
ادهم : طب استنى هوريكى حاجه
وشدها من ايدها ودخل اوضتهم
دنيا : ايييه بس !
متكلمش ادهم وبهدوء شال الحجاب ومسك مشط وسرح شعرها بهدوء ووقفها قدام المرايه
ادهم : بذمتك مش كدا احلى
وراح ع الدولاب وطلع قميص نوم وقالها :
شوفى كمان لو لبستى دا هيبقى احلى بكتير
دنيا فضلت ساكته من غير اى رد فعل
مش عارفه تتكلم ولا تقول ايه حاولت تتوه وافتكرت فجأه
دنيا بلخبطه : اه اه انا هنزل بكره الكليه
ادهم باستغراب : ليه !!
دنيا : فى محاضره مهمه بكره وفيها غياب وحضور لازم احضرها
ادهم : طب مينفعش تعملى اى اعتذار
دنيا : ماانا عملت بس مش نافع
ادهم : طيب ياحبيبتى انا هطلبك السواق بكره يوديكى ويجيبك عشان الحر
دنيا : اوك هروح احضرلك الاكل
ادهم وشدها من ايديها : استنى بس راحه فين هو دا وقته
دنيا : هحضر الاكل
ادهم بحنيه : مش جعان تعالى هقولك حاجه
دنيا : ايه
ادهم : انتى بتترعشى كدا ليه ياحبيبتى بس هو انا غريب عنك ؟ لسه بتخافى منى
دنيا فضلت ساكته
ادهم وخدها ف حضنه : متخافيش انا جوزك وبحبك ومش هأذيكى و دا امر طبيعى بينا
دنيا فى نفسها *** هو انت ليه مش قادر تفهم انى رفضى ليك يعنى مش عايزااااك افهم بقى يااخى***
ادهم : تيجى نجرب حاجه
دنيا بخوف:ايه
ادهم : خلاص خلاص ..
تاني يوم الصبح بدري نزل ادهم
-----------------------------------------------------------
وفى شركه ادويه كبيره فى 6 اكتوبر
سامح : ايه دا ياعم ايه اللى جابك
ادهم : بلاش اجى شركتى يعنى
سامح : لا تعالى وانبسط الحق عليا بريحك
ادهم : ماشى ياسيدى كلم هانى وتعالوا عشان نشوف الشغل ماشى ازاى
سامح : ارتاح ياعم هانى سجل كل حاجه ع ديسك مش هنحتاج اجتماع
ادهم : تمام هات الديسك بقى
سامح بهزار : ياعم ما تجبلك سكرتيره وتريحنى منا مشارك معاك ف الشركه دى مش شغال عندك انا
ادهم : معلش يا سامح مقصدش والله
سامح :هههههههههه لا لا لا انت من ساعه ما اتجوزت وحس الفكاهه عندك ضاع خالص
ايه اللى حصل وملخبطك كدا
ها ايه ايه ايه .....
ادهم : يااخى بطل زن محصلش حاجه ريح نفسك يلا هات ام الديسك خلينى اشوف مصالحنا
سامح بتقليد صوت بنت : حاضر ياسى ادهم
ادهم : ههههههه مفيش فايده فيك مش هتعقل ابدا
سامح : ايوه كدا ياعم اضحك بلا جواز بلا بتاع
ادهم : ماشى
وخرج سامح وساب ادهم
سرح فى اللى حصل امبارح ...
ادهم : طب انتى بتعيطى ليه دلوقتى
انا غلطت ف حاجه
دنيا : ايوه
ادهم : فى ايه بس انا عملت ايه اخدتك ف حضنى وبقرب من مراتى فيها حاجه
دنيا وسكتت
ادهم بحزن : طيب خلاص زى ما تحبى انا هروح انام ف الاوضه التانيه لحد ما تهدى
دنيا : لا خلاص خليك هنا انا اللى هنام هناك
ادهم : لا خليكى زى ما انتى
انا كلمت السواق وهيجى الساعه 9 كويس كدا ؟
دنيا : اه شكرا
،،،،،،،،
وقطع افكاره سامح
سامح : ياعمونا بقالى سنه هنا ايييييه
ادهم : ها اه معلش بس كنت سرحان شويه
سامح : مالك يا صاحبى بس
ادهم : مفيش جيبت الديسك
سامح : اه اهو اتفضل
ادهم : ماشى شكرا يا سامح
سامح : ماشى انا هقوم اشوف ورايا ايه بقى
---------------------------------------------------------------
وقدام جامعه القاهرة
دنيا : ايوه يا سلمى انتى فين انا قدام الباب الرئيسى
سلمى : طيب استنى استنى انا جايه اهو
وبعد شويه
،
،
،
سلمى : ديموووو وحشتينى يابت والله ايه الحلاوه دى
وكانت دنيا لابسه فست ازرق طويله على بنطلون ابيض وشوز ازرق ف ابيض وطرحه ابيض فيها حتت فضى كده
دنيا : اه دا انا لقيت ادهم حاططهولى ع السرير الصبح قبل ما انزل
سلمى : اوبااااااااااا بس ذوقوا جامد خساره ف اشكالك
دنيا : ههههههه يلا يابت من هنا
سلمى : والله بتكلم بجد
دنيا : طب يلا خلينا نحضر ام المحاضره عشان الحق اروح
سلمى : ماشى ماشى
دنيا : ساره قالت نستناها قدام المدرج
سلمى : اووووووف انا مش مستريحه لها
دنيا : بينى وبينك وانا كمان
سلمى : اومال بتكلميها ليه
دنيا : يعنى اصلها سألت وكدا ولما اشوف اخرها
سلمى : خلاص خلاص اهى هناك
مش هتبطل ام لبس الزباله بتاعها دا
وكانت ساره لابسه بنطلون سكينى لونه احمر وعليه بادى اسود
دنيا : ملناش دعوه اسكتى
ساره من بعيد : هااااااى يابنات
دنيا : وعليكم السلام ياختى
ساره : العروسه الحلوه اللى نورت الكليه
دنيا : بنورك يا سوسو
ساره : سيمووو ازيك ياحبى
سلمى : الحمد لله تمام
مش يلا بقى المحاضره هتبتدى
دنيا : اوك يلا بينا
------------------------------------------------------------------------
و فى الشركه
ادهم : اه والله يا هانى انا فعلا محتاج سكرتيره مواعيدى متلخبطه والحمد لله الشركه كبرت مبقتش زى الاول محتاج حد ينظم
هانى : بالظبط كدا الحمد لله ربنا كرمنا من واسعه عايزين نهتم بشغلنا ونوسع كمان ع قد ما نقدر
ادهم : خلاص اتفقنا
هانى : طيب سيبك من الشغل دا بقى وقولى عامل ايه ف الجواز يا ابو نسب
ادهم : اهو الحمد لله ماشى الحال
هانى : عندى اوامر عليا من اختك نادين هانم بعزومه عاجله وليست اجله ليك وللمدام
ادهم : ههههههه مش هينفع والله اصل مراتى نزلت كليتها النهارده وكمان مقولتهاش
هانى : لالالالا مليش فيه انت عايزها ترمى عليا يمين الطلاق ويتخرب بيتى انا والعيال
ادهم : ههههههههههه لا ياسيدى ميرضنيش
هانى : خلاص انا هقوم امضى شويه ورق تكون انت كلمتها وقولتلى
ادهم : ماشى تمام
________________________________________________

وبعد المحاضره
دنيا : اووووووووف محاضره ممله يارتنى ما جيت
سلمى : هههههههههه احسن تستاهلى
ساره : ليه يابنتى اهو استفادتى
،
،
ورن موبايل ساره
ساره : استنوا هرد ع الموب واجى
وبعد ما بعدت
سلمى : اوف مش هنمشى بقى تعالى نروح للشله ونخلص منها
دنيا : بس ياستى عيب لما نشوف هى هتعمل ايه ونخلع احنا
سلمى : من ساعه ما اتجوزتى وانتى بقيتى محترمه خنقتينى
دنيا : هههههههههههه يلا يابت من هنا
،،،،،،،،،،،

وعند ساره
ساره : طيب اعمل ايه ما هيا قاعده معانا
ياسين : اخلصى ياساره قوميها بأى حجه انا كدا مش هعرف اكلم دنيا البت دى عقربه وهتعمل مشكله
ساره : طيب طيب هتصرف سلام انت دلوقتى
------------------------------------------------------
وفــى بيت اهل دنيا
الاب : هى دنيا فين
الام : فين ايه في بيت جوزها
الاب : ياستى منا عارف اقصد مش بتتكلم يعنى
الام : اتصلت بيها امبارح قالت نازله الكليه
الاب باستغراب :ليه ديه لسه عروسه
الام : بتقول عندها محاضره مهمه
الاب : ااامممم ربنا يهديها
مفيش اى اخبار
الام : عن ايه ياحاج
الاب : يعنى حامل ولا حاجه
الام : هههههه حمل ايه صلى ع النبى البت لسه مكملتش اسبووع
الاب : ياااااااااارب يرزقها نفسى ابقى جد بقى
الام : هههههههههه ان شاء الله هتبقى جد وتجوزهم كمان
الاب : والله مش حاسس يامنى
الام : ليه بس متقولش كدا بعيد الشر
الاب : يلا اهو كلها اعمار ربنا يستر
----------------------------------------------------------------
ساره : خلاص يلا ياسلمى نروح احنا
دنيا : لا هتسبونى لوحدى سيبى سلمى
ساره : يا سلام هروح لوحدى مليش فيه
دنيا : طيب طيب خلاص روحوا بس متتأخروش انا جعانه
سلمى : خدامين اهلك احنا
دنيا : يلا يابت من هنا هضربك دا اخر انذار
ساره وقاطعتهم : خـــلاص احنا ف حضانه قومى يابنتى خلينا نخلص
وبعد ما سابوها
دنيا : اوووف مش بحب القعده لوحدى
لوحدى ايه منا ف وسط كليتى
مش عارفه حاسه الجو غريب كدا وقلبى مقبوض
ما ترحمينا بقى بطلى اشتغالات مفيش حاجه
يارب استر
وفجأه.
.
.
.
دنيا : ياسيييييين !!!!!!!!!!!
،،،،،،،،،،،،،،،،،،،،،
نكمل الفصل الجايه
فكروا معايا ياترى ايه اللى هيحصل ?
:D
وقولو ايه اكتر شخصية عجبتكوا فى الرواية ؟؟!
وايه اكتر شخصية كرهتوها ؟؟
و قولوا اى نقد فى الرواية او ايه اللى مش عاجبكم
فيها !!؟
Thank you for reading everyone <3