سلمى : يعنى بعد كل اللى حكتيه دا ناويه تعملى ايه
دنيا : هطلق طبعا
سلمى : انتى عبيطه يابنتى والله حرام عليكى
دنيا : ايه هو اللى حرام ومش حرام اعيش مع واحد مش عايزاه
سلمى : والله خساره فيكى انا مشوفتش ف اخلاقه
دنيا : خديه
سلمى : يا دنيا ياحبيبتى شيلى الزفت التانى دا من دماغك اصلا عمركوا ما هتبقوا لبعض هو انتى فاكره انك لما تتطلقى هيتجوزك
دنيا : وليه لاء !
سلمى : انتى بتفكرى ازاى اللى كان عايز يتجوزك كان حارب من الاول وبعدين عشان تبقى عارفه لو كان صمم عليكى كان باباكى هيوافق عشان ساعتها كان هيحس انه شاريكى انما دا باعك فى اول محطه
دنيا : مش عارفه بقى
سلمى : لازم تعرفى وفكرى
يابنتى والله ادهم كويس وبيحبك وهيصونك بلاش خراب بيوت وشر
دنيا : ربنا يسهل يا سلمى ادعيلى
سلمى : ربنا يهديكى يا صحبتى
يلا انا هقوم بقى
دنيا : ليه خليكى شويه
سلمى : زمان جوزك جاى وانتوا عرسان نخلى فى دم شويه
دنيا : هههههه ياستى اقعدى
سلمى : لا يلا ابقى سلميلى عليه بقى ربنا معاكى
دنيا : طيب انتى نزلتى الكليه ؟
سلمى : اه يابنتى ما انتى عارفه انهم بيهتموا بغياب اخر سنه بالذات
دنيا : طب وانا هعمل ايه
سلمى : لا من النحيه دى اطمنى انا قدمت اعتذار للدكتور وباعتلك السلام والف مبروك كمان
دنيا : هههههههههه طب الحمد لله خلى السنه دى تعدى ع خير ونتخرج بقى
،،،،،،،،،،،،،،،،،،،،،،،،،،،،،،،،،،،،،،،
ااااه صح نسيت دنيا وسلمى اصحاب من زمان ودخلوا الكليه مع بعض
كليه تجاره انجلش
----------------------------------------------------------------------
ادهم : ايه دا صحبتك مشت ليه
دنيا : عادى عشان متتأخرش ع البيت
ادهم : دا انا نزلت جبت كابوريا وجمبرى وقولت نعمل اكله سمك بقى عارف انك بتحبيه
دنيا : خير ملهاش نصيب
هقوم احضر الاكل
ادهم : بقولك ايه ما تيجى اعزمك بره احسن واهو نخرج مع بعض
دنيا : لا خلينا هنا احسن مليش مزاج اخرج
ادهم بخيبه امل : اوك استنى اساعدك
دنيا : لا سهله مش صعبه
ادهم : ياستى انا فاضى اهو بدل ما تتعبى لسه المشوار طويل
دنيا : اوك اللى يريحك
-----------------------------------------------------------------------
سالى : ايه يا بنتى كل دا عشان تردى
سلمى :معلش الاسكاى كان معلق
سالى : طب طمنينى انتى روحتى لدنيا ؟
سلمى : اه ياستى
سالى : وايه الاخبار
سلمى : زى ما قولتلك عايزه تطلق
سالى : البت دى هبله انا لازم اكلمها ما تقوليلها تفتح نت
سلمى : تقريبا لسه مجبتوش مش عارفه هبقى اكلمها واقولك
سالى : ربنا يهدى
وانتى اخبارك ايه ياحبيبتى
سلمى : اهو ماشى الحال
سالى : مفيش حاجه كدا ولا كدا
سلمى : ياستى المعجبين كتييير بس النفس
سالى : هههههههههههه ياواد ياجامد انا بتكلم بجد يابت انتى
سلمى : والله لسه مفيش نصيب يا سو ما اكيد لو فى هقولك
سالى : خير ياحبيبتى ربنا يرزقك
سلمى : انت هتنزلى ع الامتحانات بقى ولا ايه
ساالى : اه ان شاء الله
،،،،،،،،،،،،،،،
معلومه كمان
سالى دى التالته بتاعتهم واتجوزت وسافرت مع جوزها
-------------------------------------------------------------------------
محمود : يعنى عايز اعرف اللى بيدور ف دماغك برده
ياسين : ياعم بطل زن اتفرج وبكره هتعرف
محمود : يعنى هتكلم دنيا وهى متجوزه !
ياسين : وليه لاء
محمود : وليه اه اساسا مش خلاص اتجوزت
ياسين : اسكت ياض دى مصلحه كبيره
لما تكبر هبقى افهمك
،،،،،،،،،،،،،،،،،،،،،،،،،،،،،،،،،،،،،،،،،،
لما نشوف الفصل الجاية ايه اللى هيحصل ؟؟؟
أنت تقرأ
Love Isn't Forcibly
RomansaNo One Can Change A Person, But Someone Can Be A Reason To Change What Doesn't Kill You Makes you Stronger من القصة ,,,,,,,,,,,,,,,,,,,,, كل حاجة بتتولد صغيرة وتكبر الا الحزن على الميت بيتولد كبير و يصغر مع الوقت ! _________________________________...
