فـى عز حزنك وضعفك واصعب اوقات ليك بتلاقى موقف صغير بيعرفك حاجات كتير من اللى حواليك
بيبقى زى شمعه ف وسط ضلمه بس مش كل الناس بتشوفها
فيه اللى بيركز فى الضلمه اوى وفيه اللى بيحاول يدور على نور ولو ملقهوش بيخلقه !.........................................
Chapter 14
....تـانى يوم
صحيت دنيا لقت نفسها فى حضن ادهم ابتسمت
بصت عليه وكانت لاول مره تقرب منه وتركز فى ملامحه بالشكل دابشرته البيضا شعره البنى دقنه الخفيفه الغمزات اللى ظاهره حتى من غير ما يضحك
غمضت عينيها وافتكرت اللى حصل وازاى ربنا انقذها من اللى وقعت نفسها فيه !
رغم الانقاذ جه بموت والدها بس الحمد لله الذى لا يحمد على مكروه سواه
نزلت دمعه من عيونها لما حست قد ايه كانت غلطانه لما وقفت فى طريق نصيبها
ازاى حبها عماها ومقدرتش تميز ان ياسين كداب وحقير للدرجه دى !
ازاى تظلم انسان زى ادهم !
حاجات كتير اوى معرفتهاش غير امبارح مش بس حزنها ع موت والدها لا كمان حزنها على نفسها
يـارب سامحنى واغفرلى
قامت دنيا اتوضت وصلت وقررت ترجع تانى لربنا !سجدت دنيا ولاول مره تحس بطعم السجود بجد اول مره تحس انها بالقرب دا من ربنا وعرفت يعنى ايه الراحه النفسيه بعد دعوات كتير بطعم الوجع والندم
الراحه اللى بجد بتتحقق بحاجتين
اولها الوضوء واخرها دمعه صادقه بتزف دعوه منك للسمابعد ما خلصت صلاه لقت ادهم قدمها
نزل على الارض عشان يبقى فى مستواهاادهم بحزن : دنيا انتى لسه بتعيطى ؟
دنيا بابتسامه : متقلقش يا ادهم
ادهم : انا بزعل اوى لما بشوف دموعك دى ادعيله احسن يا دنيا
دنيا : بدعى وانت كمان ادعى معايا
ادهم بحزن : انا كنت فاكر انى قدرت اخفف عنك امبارح بس واضح انى هفضل على طول مليش لازمه
ربنا يصبرك ويصبرنا انا هروح اشوف مامادنيا ومسكت ايده : استنى يا ادهم ليه بتقول كدا ربنا اللى عالم انت خففت عنى قد ايه
ادهم بفرحه : بجد يا دنيا ؟
دنيا : بجد
ادهم : انا عارف انى بالنسبه ليكى مش اكتر من اخ بس انا مستعد اقف جنبك حتى كأخ
دنيا اكتفت بالسكوت
ادهم : يلا اختمى الصلاه وانا هقوم اشوف ماما
وبعد ما مشى
سرحت دنيا ف كلامه اتكررت كتير كلمه مش اكتر من اخ
دنيا **فعلا يا ادهم اانا مش حاسه بيك بس من انهارده هحترم وجودك حتى لو بالنسبه ليا مش اكتر من اخ**
أنت تقرأ
Love Isn't Forcibly
RomansaNo One Can Change A Person, But Someone Can Be A Reason To Change What Doesn't Kill You Makes you Stronger من القصة ,,,,,,,,,,,,,,,,,,,,, كل حاجة بتتولد صغيرة وتكبر الا الحزن على الميت بيتولد كبير و يصغر مع الوقت ! _________________________________...