...........................البارت الثاني .........................
روايه : أسهم قاتلي
بقلمي . ايمان البياتي
قرائه ممتعة
🤍 🤍🤍🤍🤍🤍🤍🤍🤍
هل هناك من يسمع اهاتي ؟
هل يوجد ضوئآ خلف الستائر المضلمه هذا ؟
منقذ يمد يده لينقذني من المستنقع الذي انا فيه
وقعت في كابوس لا مخرج منه 💔
.............................................................
.............................................................
فتحت الباب بعد ما علت اصوات الدك
فتحته عله كيف و اني اكول
_منوووو
سمعت فقط اصوات انفاس و محد يجاوب
_من.....
سمعت صوت ابويه وهوه يكول بصوت عاالي
_جماااان منووو بل باب
ردت ارد ع بابا حسيت بشخص سحبني بقوه من ايدي و اني اباع للشخص الي كبالي وهوه يحاول يلزمني بكل قوه
ردت اصررخ حتى اصيح اهلي حط ايده عله حلكي وضاغط بكل قوه احس الهوى ما يوصل الجسمي حاولت ازحزح ايده ما كدرت
وحش مو بشر اشوف المرض والهوس بعيونه وهوه ينضرلي بنضره حقد وكره حسيت للحضه هاي هيه من خلال نظراته الي مليانه غل وحقد مستعد يموتني بدون ما يرفله جفن
الدموع صارت عله خدي و الخوف بده يتسلل ال انحاء جسمي صك على سنونه كال حرف واحد اذا طلع منج عتبري نهايتج ع ايدي هزيت براسي بخوف مستسلمه الامري
حاولت بكل قوتي ان. ابعد عنه بس هوه جان اقوه مني
غمضت عيوني و قلبي اخذ جزائه بل هبوط و فقدت الوعي..
فتحت عيوني بغواش و احاول افتح عيوني عله كيفي
احرك بجسمي يمنه ويسره و احس روحي مشلوله وألم فضيع براسي ما اكدر اتحرك ابدد
باوعت عله المكان الي اني بي جان اشبه بل ضياع بل نسبه اليه
واني اباع للغرفه الي جانت كلش جبيره وحلوه مثل غرفه الاميرات على سرير ع فراش من حرير خفت كمزت من مكاني وحضنت روحي كلت اني وين صارلي شكد نايمه كأن جنت بغيبوبة وفقت منهه ما اذكر شي غير آخر شي اتذكره من فتحت الباب واحد سحبني من ايدي وهددني وبعدها خله قماش ع وجهي وفقدت الوعي كعدت لكيت روحي هنا شكاعد يصير يا ربي منو ذوله اني وين شسوي بهل مكان شيردون مني ميت سوال براسي لكن الأسف ماكو جواب الاسئلتي
بديت اصيح وعيط بعلووو صوتي و اكول
_منوووووو هناااااا سااعدوووني ماكو بس صدى صوتي
و دموعي الي جانت تنزل ويه كل جمله اكوله
تعبت بقيت ساعات اصيح ودك بالباب فتحولي الباب منو هنا ليش حابسيني بهل غرفه رجعوني لأهلي فتحو الباب ماكو رد كعدت وسندت ضهري ع باب وبديت ابجي بحركه لحد ما غفيت ودخلت بنوم عميق من التعب كعدت بعد ساعات احاول فتح عيوني المليانه تعب ونعس كعدت شفت روحي على سرير ويمي صينيه اكل مليانه أنواع الأكلات باوعت ع باب بعده مقفول ضليت افكر اني شجابني اذكر جنت ابجي يم الباب وغفيت هناك ذبيت الحاف من فوك ونزلت بسرعه من السرير ورحت ادك بالباب حيل وصيح فتحولي الباب منو هنا اريد اطلع طلعوني محد رد رجعت للسرير بخيبه شلت الصينيه خليتهه ع ميز شمرت روحي ع سرير بديت ابجي بحركه بابا وينك تعال طلعني منا مرت ساعه واني ع هل حاله حسيت بجوع قاتل جسمي كله يرجف عدلت كعدتي وخرت شعري الي لازك ع خدي ويه الدموع كمت توجهت للميز واكلت كل الاكل الي بصينيه مثل وحده صارله مده طويله ما ماكله وفجأ خلو اكل كبالهه مخليت شي بالصينية شبعت بقيت افتر بالغرفه الغرفه كلش حلوه وهادئه ونضيفة ومرتبه والأثاث بلون الاسود بس ضليت افكر منو هذا شيريد مني ليش جابني هنا يا ترى حال اهلي شنو هسه اكيد ماما منهاره من بجي هنا وبابا يدور علي بكل مكان وخواني مكسورين بغيابي شتاقيت الهم وعيوني نملت دموع مسحت دموعي وضليت استكشف بالغرفه لإحضت باب صغير بلون الأبيض فتحت الباب وفكيت عيوني ع وساع ع جمال الحمام مصمم الديكورات بطريقه جنن حرفيآ البانيو والدوش وأنواع الشامبوات والكريمات والمناشف الملونه ذكرت حمامنا بالبيت عباره عن حمام صغير بلوك والسقيفه مالته صريفه وبي نجانه صغيره وداخلها طاسه والباب خشب سديت الباب ورجعت للسرير واني افكر بأهلي شلون حالهم بدوني يا ترى تعشو لو لا شتاقيت السوالف وليد وحسن نزلت دموعي اريد اهلي ماما شتاقيت الحضنج وبعد تفكير طويل بمستقبلي غطيت بنوم عميق كعدت صبح من نومي عبالي راح اكعد و الكه نفسي بيت اهلي باوعت للمكان الي اني بي نفس المستنقع الي احس ماراح اطلع منه ابد تمنيت اكون بحلم و اكعد الكه روحي بين اهلي و اخواني أودع بابا بأبتسامه هوه ورايح للشغل وجي اساعد ماما بالاكل وصوت اخواني الي يملي البيت بمشاكلهم
دموعي كامت تنزل اكثر و اكثر و اني اتخيلهم هسه كاعدين يدورون عليه بكل مكان
باوعت للشباك و اني اسمع صوت العصافير الي تزقزق صوته الي جان يرن بكل مسامعي و احس كاعد اتواسيني بهاي الزقزه الي احسه موسيقى و تتمشه عله اوتار جرحي
اباع للشمس الي كاعد تشرق شويه شويه و احسه مثل الخيط الي كاعد يحتقر و بليل يطفه
اباع للغرفه الي شكد ما هيه حلوه بس بداخلي اكره هل غرفه المشومه راح اكون سجينه بيهه لابد
بدت شويه شويه يختفي الضلاف وينرسم عله جدرانه ضوء الشمس الي احسه ضلام بداخلي كعدت عند الشباج اتأمل صوت العصافير على شجره الي طاله ع شباج الغرفه دخلت للحمام اغسل وجهي سمعت صوت طكطكه بالغرفه طلعت بساع من الحمام شفت باب الغرفه كاعده تنقفل منو هنا ساعدوني فتحولي الباب اترجاكم احد يسمعني فتحولي الباب الله يخليكم والله ما مسويه شي اني ليش حابسيني هنا لكن لا رد كعدت عند الباب ابجي لحد ما نشفت دموعي يربي لشوكت ابقه هيج محبوسه كمت ع حيلي تمشيت بتجاه السرير حاطين صينيه الريوك وفستان معطر عطره يجنن كعدت اكلت شوي مال نفس اخذت الفستان دخلت للحمام اسبح صافنه ع دوش شلون يشتغل هل قطعه يربي لعبت بالدكم لحد ما شتغل واخيرا شغلته سبحت لبست الفستان طلعت من حمام بتجاه المرايه بسرعه متحمسه اشوف روحي شلون طالعه باوعت بالمرايه ونرسمت ملامح الصدمه ع وجهي والفرحه وسعاده الي رسمت ع وجهي جمال فستان يمووت طالعه سندريلا ادور يمين يسار بالفستان كدام المرايه وفرحانه اول مره البس هيج لبس حبيت الفستان متت بجماله نشفت شعري وضفرته جيت كعدت ع سرير بملل حاولت اشغل روحي بأي شي حتى يخلص الوقت بسرعه كمت رتبت الغرفه ومسحت الأثاث اوف تعبت الغرفه ملكيه والأثاث كلش ضخمه تعب بالتنظيف غسلت ايدي جيت تمددت ع سرير ودخلت بغيبوبة......
مرت الأسابيع كل يوم نفس الشي انام اتعب اكعد الكه اكل مثل الحيوان الي حابسي وبس يوكلونه معرفت منو الي خاطفني ولا سمعت صوت ولا شفت وجه أي أحد
متعوده ع حبسه من اهلي لهذا السبب بقيت ساكته حسيت هاي حياتي الأبديه راح ابقه محبوسه بين أربع حيطان الأبد تجيني حالات ابجي اذكر بيهه اهلي خواني هسه شيسون بغيابي نشفو دموعي من كثر البجي لشوكت ابقه هيج واني احسب بالساعات والايام شوكت اطلع منا مليت والله يربي دخيلك ساعدني ولله ما اذيت احد ليش هيج يصير وياي شنو غايتهم من حبسوني بهل غرفه ؟
مرت اشهر واني ع نفس الحاله احس روحي خست بهاي الغرفه نفسيتي دمرت واكفه كدام المرايه اباوع على روحي شكد ضعفت جوه عيوني صار سواد شعري بده يتساقط من الضعف كمت ما اهتم بي حتى ما اضفره مثل قبل حتى الفساتين صارات ما تفلت نضري صرت جني شبح احجي ويه روحي وضحك بصوت عالي وترجع دموعي تنزل تخبلت مخدتي صارات هيه صديقتي انام عليهه وحجيلهه عن بابا شلون يتعب ع مود نعيش احنه شلون ربانه وتعب ع خواني ماما الي ما تنام اذا ما تطمن علينه كلنه نايمين لحد ما اغفه
يوم من الأيام كاعده على الكرسي ومستنده ع شباج اراقب غروب الشمس وبده الضلام يستوطن كل مكان افكر بأهلي لسه يذكروني لو نسوني مفتقدين وجودي لو تعودو ...
سمعت صوت قفل الباب نفتح ......
أنت تقرأ
أسهم قاتلي
General Fictionتدور أحداث الرواية عن واقعة اختطاف فتاة من قبل جهه مجهولة في إحدى مناطق بغداد مأساة حقيقه عانتها بطلتنا لتبدأ قصه لم تكن تتوقعا فتاة تحمل كل معالم الجمال والطيبة والبرائة والمرح تبلغ من العمر سبعة عشر عامآ لتصبح أسيرة لدى رجل قاسي لا يعرف الر...
