أسهم قاتلي

البارات الثالث

                   . ...... البارات الثالث ........
                         روايه : أسهم قاتلي

                     بقلمي . ايمان البياتي

                           قرائه ممتعة
   
                  🤍 🤍🤍🤍🤍🤍🤍🤍🤍

من تمر يمكم  حمامة
تذكرو كسرة جناحي
الله لا ينطي للي منكم خذوني
تذكروني
تذكروني بدمعه بحجايه
حتى اكولون ما نسوني 💔

.....................................................
......................................................

سمعت صوت قفل الباب  ينفتح وكفت على حيلي اباوع على باب وجسمي كله يرجف احس رجلي ما شيلني من توتر  لفيت ايدي ع روحي حتى اسيطر ع رجفه جسمي فاكه عيوني على وسعهم  منتضره الباب ينفتح يا ترى منو الي حيفتح الباب معقوله اهلي عرفو مكاني واجو ينقذوني  لو الخاطف اجه يقتلني يعني حموت بلا ما أودع اهلي الف فكره اجت بالي...
نفتح الباب على  كيف وكلبي احسه صار طبل  دخل شاب ضخم للغرفه وسد الباب وراى رجعت خطوه لي وره مشه بخطوات بطيئه تجاهي صرت ارجع لي وره وهوه يتقرب مني أكثر وأكثر  اريد احجي اكله منو انت بس  الأحرف ما تطلع من الخوف احس روحي خرسيت كوه نطقت كلمتين منو انت ماكو رد فقط يتقدم بخطوات تجاهي حجيت بغصه ودموعي لا إرادي نزلت على خدي واني اكول  منو انت جيت تنقذني مو حجي شي لا تسكت نهاريت بديت اكسر شكو شي يطلع كدامي هوه وكف  من شافني فقدت وكمت اصيح وبجي  تراجع خطوه لي وره راد يطلع  مدري منين اجتني الشجاعه وركض ورى لزمته من ايده صرت كباله اوكف لا تعوفني هنا وحدي حباب طلعني منا رجعني الاهلي هسه خايفين علي تريد فلوس انطيك شكد ما تريد بس رجعني البابا والله بابا رجال فقير ما مذي احد  ولا احنه مأذين احد اصلا بابا ما يخلينه نختلط ويه العالم الخارجي  يخاف علينه ليش حابسيني هنا شتردون مني احجي شي ليش ساكت  انت اخرس شي لحضه ادور الك ورقه وقلم حتى تكتب ستهترت صرت اركض بالغرفه مثل المجنونه ادور بالمجرات ع ورقه وقلم ما لكيت شي صرت اصيح ماكو ماكو ورقه رجعت علي  واني اردد ما لكيت شي ماكو ورقه حاول تحجي تأشر كمت اضرب ع صدره بكل قوتي حجي شتردون مني ليش حابسيني هنا عجزت ما نطق ولا بحرف عفته بتعدت عنه صرت اضحك  بصوت عالي وملخ شعري  راد يطلع جلبت برجله  خذني وياك  لا تعوفني هنا حباب والله ما مسويه شي  وكفت ع حيلي واني اباوع بعيونه الي مليانه حقد وكره وضلم حسيت الشر يطاير من عيونه  واني كدامه واكفه مثل السجانه  الي تتطلب رحمه من الي ساجنهه غافلته دفعته ع جربايه ردت افتح الباب ونهزم سحبني من ايدي حسيت ايدي راح تنخلع  دفعني للحايط بكل قوه ولف ايدي وره ضهري  متت وجع تقرب مني  وصك على سنونه عيونه صارو نار  ونفاسه العاليه بوجهي لزم فكي بكل قوه تقرب من اذاني همس بصوت رجولي خله كل جسمي يرجف اذا مره ثانيه حاولتي تتصرفين تصرفات أطفال وتنهزمين ادفنج بكاعج بدون ما يرفلي جفن ومحد يسأل عليج عاط بصوت فهمتي لا إرادي كمت اهزله براسي سحبني من زندي ودفعني وكعت بالأرض وطلع قفل الباب ورى ضليت نايمه بالكاع ودموعي صارات عشرة عشرة على خدودي  بابا  تعال شوف بنتك شصار ييهه بويا بنيتك الوحيده الي ما ترضه شوف دمعتها تنزل صارات تنام ودمعه ع خدهه لحكني باباتي ماضل عدي طاقه اتحمل أكثر بقيت نايمه على الأرض لحد مطلع صبح احس راسي راح ينفجر  وايدي تاذيني حقير الله ياخذك كون كسرلي ايدي اباوع يمين ويسار الأرض جان مليان كزاز وينه منو  نضف الغرفه معقوله  احد دخل ونضف المكان بدون ما احس
مليت من هل عيشه لشوكت راح ابقى هيج ...

سبوع كامل محد دخل علي وحتى ذاك الضخم بعد ما شفت وجهه اكعد من النوم اشوف الاكل يم راسي شوكت ومنو جابه مادري صرت ما اكل يومين اخر شي استسلم وأكل اووف إلى متى ابقى هيج !  تعبت .

يوم من الايام : صبح فتحت عيوني دا اتحرك ماكدر لكيت نفسي مربوطه كتمت نفسي كبل باوعت ع يميني شفت الضخم كاعد كبالي على الكرسي ومكتف ايده ينتظرني اكعد  خفت  بس بينت انو اني ما خايفه من وجوده باوعت بعيونه الي شر تتطاير منهه وبكل برائه سالته شرايد مني احجي ليش مربطني بالحبل لا رد  جيت تقتلني مو ونزلت دموعي بغزاره  فكرت انو الصياح والعياط ماراح يجيب نتيجه ويا  حاولت اخلي ينقهر على حالتي بلكي يعوفني اجيت احاجي بتوسل وعيوني مليانه دموع سمعني حباب انت مبين شخص لطيف اسمي جمان  عمري 17 بعد اسبوع راح يصير 18
بابا جان كل سنه يجمعلي فلوس من البسطيه مالته ويشتري  الي كيك وشموع ونفاخات واحتفل بعيد ميلادي ويا اهلي واخواتي  اني بنت بابا الوحيده هسه مكسور بدوني حباب الله عليك رجعني الاهلي ماراح احجلهم شي عنك   راح طلعني مو ؟

بقه هوه ساكت ما نطق اي كلمه  بس يباوع علي شلون احجي  كتله  انت ليش ما تحجي وياي

هشام : بقت تحجي ودردم بسوالفهه مال خبالات تقريبا ساعه كامله متواصله هيه بس تحجي على اهلهه  وشلون خايفين عليهه هسه وتتوسل حتى اعوفهه
اخر شي عيطت عليهه اسكتي ما تعبتي صرعتيني صارلج ساعه دردمين كافي وجعتي راسي
حجيت كلامي واني خنزر عليهه بعيوني بعصاب  هيه كبل التزمت الصمت بخوف  وعيونها غوركن دموع عفيه بنيه شكد تبجي ردت حجت فكني افتح ايدي ورجلي ليش رابطني  ؟؟

هشام : ضحكت بمكر تقربت منهه خليت ايدي جوه حنجهه ورفعت راسهه وصارت عيونهه بعيوني كتلهه اني هنا حتى نبيعج بأربع ملاين واخذ فلوسج واخلص منج ومن هوستج  وغمزتلهه

جمان : بضحكه يعني  شلون ما فهمت ! وين شنو شكاعد تحجي

هشام :  نصدمت منها كلشي ما تعرف !!!
ها ذكرت من حجتلي انو ابوهم عازلهم عن العالم الخارجي  وهي طلعت كبل على عالم ناسه مو خوش ناس راح تكره العالم وما تلوم ابوهه لان جان باعدهم عن العالم

جمان : احجي شبيك صفنت  شنو تقصد بكلامك  وين تبيعني

هشام : اي يحلوه راح ابيعج بالملاهي بأربع ملاين وفتك منج

جمان : لحضه انت شكاعد تحجي شنو تبيعني انت تخبلت شي رجعني الاهلي حقير انت واحد حيوان  وسافل تفف عليك

هشام : كلامهه عصبني وما خله عقل براسي اكره احد يعلي صوته علي لزمته من شعرهه لج منو حقير وسافل

جمان : انت اي انت حقير ونكس عوف شعري

هشام : الشرار تتطاير من عيوني  من العصبيه  اول مره اعصب هيج  ضربتهه راشدي  وبسرعه فكيت ايدهه ورجلهه عفته طلعت وقفلت الباب وراي .
بقيت اراقبها من الشباج صارات تبجي تكول وين ابوي اريد عيد ميلادي يمكم هسه عدلين ميتين بغيابي بابا تعال نقذني من ايدين هل وحش  ..

مرت الايام اراقبها من الشباج  بدون ما تنتبهه اشوفهه اغلب وقتهه صافنه لو تبجي لو تباوع من الشباج  على الحديقه شعرهه منفوش شكلها تغير عن السابق اذكر جانت اسمن من هيج برائتها مانعني من اذيتها  اني ليش ماكل همها وافكر بيهه هيه كم يوم تنباع وافتك منهه .
يوم من الايام كعدت الصبح حاسس بشعور غريب اول مره احس هيج شعور  حاولت اجاهل شعوري  والهي نفسي بأي شي نزلت للمطبخ اسوي ريوك وصعدهه الجمان قبل لا تكعد وتبدي تنك علي رجعني الاهلي صعدت للغرفه خليت صينيه بالكاع  وطلعت مفتاح من جيبي فتح الباب جان اشووف ....