معا لجنه الخلد

معا لجنه الخلد 10

شهد وماسه بصراخ :ياقوته
ركضوا لها مسرعين وكانت هي غارقه في دمائها
هبط صاحب السيارة ونظر لهم بصدمه ثم اتجه مسرعاً لهم وهو يقول :أنا مش قصدي والله هي ظهرت قدامي فجأه هاتوا ناخدها المستشفي
ثم كاد ان يرفعها من الارض ويحملها لكن اوقفه صوت صراخ ماسه وشهد وهم يقولون :لا لا
صاحب السيارة بتعجب :لا ايه هتموت كدا
ماسه وهي تبكي :لما تصحي هتزعل مني ان خليت راجل اجنبي يلمسها
صاحب السيارة:ياستي مش وقته
شهد بنفي:لا وقته ثم نظرت لماسه :يلا يا ماسه نرفعها مع بعض وندخلها في العربية
هزت ماسه رأسها بالموافقه ونظر لهم الرجل بتعجب منهم ثم قام وفتح باب السيارة لهم وهم يحملوها بحذر شديد وبعد قليل من الوقت كانت السيارة تقف امام المستشفي وهبط صاحب السيارة بسرعه واحضر احدي السرائر المتحركه وايضا بعض الممرضات ليساعدوهم في وضعها علي السرير وبعد عشر دقائق كانت ماسه وشهد يجلسون امام غرفه العمليات وصاحب السيارة يقف يستند بظهره علي احدي الجدران
قطع هذا الصمت صوت هاتف ياقوته نظرت ماسه بقلق وخوف وقالت :مامتها اقولها أي
شهد وهي تبكي :مش عارفه يا ماسه 
ماسه وهي تنظر لها بقلق ثم فتحت الخط وفجاه أستمعت لصوت صراخ :السلام عليكم ورحمه الله وبركاته انتي فين يابت كل دا مع شهد وفين ماسه
ماسه وهي تقاطعها :وعليكم السلام ورحمه الله وبركاته يا ماما صفاء
صفاء بقلق :ماسه انتي كويسه وياقوته كويسه
ماسه ببكاء :ماما ياقوته عملت حادثه
وقفت صفاء بصدمه ولم تقدر علي النطق أو الحركه 
ماسه بقلق :ماما انتي سمعاني ماما ردي بالله عليكي انتي كويسه
لكن لم تستمع لصوتها وبعد دقيقه وجدت مؤمن من يرد بقلق :السلام عليكم ورحمه الله وبركاته
ماسه بلهفه :وعليكم السلام ورحمه الله وبركاته مؤمن قول لبابا خالد يجيبكوا مستشفي """"""" بسرعة
مؤمن بقلق :ماسه انتوا كويسين حد حصله حاجة
ماسه وهي تحاول ان تتماسك :مؤمن تعالوا بس وانتوا هتفهموا كل حاجة
مؤمن بخوف:حاضر مسافه السكه يلا السلام عليكم ورحمه الله وبركاته
ماسه : وعليكم السلام ورحمه الله وبركاته
اغلقت معه وظلت تنظر علي باب غرفة العمليات وهي تدعوا ربها وايضا كذلك فعلت شهد

وبعد ربع ساعه كان خالد وصفاء ومؤمن. ومنال ومحمد والد ووالدت ماسه ومنه اختها يهرولون سريعا ناحيتهم
خالد بذعر :ماسه ياقوته كويسه
ماسه ببكاء :مش عارفه يا بابا دخلت العمليات من 20 دقيقه تقريبا ولسه محدش خرج وقالنا حاجه بس 
خالد وهو يجلس :  ان شاء الله خير مش هيحصلها حاجة أنا واثق في ربنا
صفاء وهي تبكي :يارب

وجلس الجميع وهم يدعون لياقوته

وعند رعد وليث وادم كانوا يجلسون في منزلهم
ليث :أنا هرن علي والد ماسه دلوقتي اقوله ان احنا جايين
رعد :ماشي كلمه
أخرج ليث هاتفه وكتب الرقم وانتظر قليلا حتي أتاه صوت محمد والد ماسه
محمد بصوت حزين :السلام عليكم ورحمه الله وبركاته
ليث بتعجب من نبره الحزن :وعليكم السلام ورحمه الله وبركاته معايا والد الدكتوره ماسه
محمد بتعجب :ايوا اتفضل
ليث بتوتر: أنا دكتور ليث الصاوي و كنت عاوز آخد من حضرتك معاد
محمد بتعجب:بخصوص ايه مثلا
ليث بهدوء  :بخصوص ان طالب ايد الانسه ماسه
محمد بترحاب :تشرفنا أكيد يابني بس الفتره دي مش هينفع
ليث بإستغراب :لي حضرتك
محمد بحزن :لأن صاحبه ماسه والي تعتبر بنتي عملت حادثه النهارده
ليث بصدمه :ياقوته
عندما ذكر اسمها نظر له رعد بقلق وهو يشير له بمعني  ماذا يقول
محمد بتعجب :أنت تعرفها
ليث بشرح:ايوا لأنهم بيشتغلوا في مستشفي اخويا
محمد بتفهم :أه ماشي يابني لما الأزمه دي تتحل هرن عليك اقولك تيجي امتا  ان شاء الله
ليث  :ان شاء الله وربنا يقومها بالسلامه وانا هبقا ارن علي حضرتك اطمن عليها
محمد وهو يغلق :ماشي يابني يلا السلام عليكم ورحمه الله وبركاته
ليث : وعليكم السلام ورحمه الله وبركاته
أغلق الهاتف ونظر الي رعد ثم قال بقلق :مش هينفع نروح دلوقتي
رعد بقلق:لي وايه علاقه ياقوته بالموضوع
ليث بحزن عليها :لأنها عملت حادثه
نظر له ادم ورعد بصدمه واول من خرج من صدمته ادم وهو يقول :ازاي
ليث بعدم معرفه :مش عارف بس والد ماسه هو الي قالي
رعد برعب :لازم نروح لها المستشفي
ليث بتساؤل :بصفتنا ايه نروح
رعد بقلق :مش عارف بس لازم اطمن عليها
ليث وهو يطمئنه: كمان شويه ارن علي والد ماسه تاني اساله عليها
رعد وهو يتجه الي غرفته :ماشي واسالي هي في مستشفي ايه
ليث :حاضر

في المستشفي كان يجلس الجميع وبعد ساعتين خرجت دكتوره من غرفه العمليات وكان يظهر علي وجهها علامات الارهاق
اتجه لها الجميع بقلق وخوف
خالد بسرعه وقلق:ها بنتي كويسه
الدكتوره :لسه بس ادعولها ان الاربعه وعشرين ساعه
جايين يعدوا علي خير وتفوق لأن لو مفاقتش هتدخل في غيبوبه

ثم تركتهم وذهبت ولم يتحدث أحد
ثم ذهب محمد وخالد ومؤمن الي المسجد يصلوا ويدعوا ان تكون بخير
واتجهت منال ومعها صفاء  الي  الكراسي الموجودة وجلسوا وبداوا يدعون لياقوته
واتجهت ماسه وشهد الي زاويه واخرجت كل واحده مصحفها وبدأت تقرأ وتدعوا  بالشفاء لياقوته
وصاحب السيارة ينظر لهم بتعجب من هدوئهم هذا لكنه لا يعلم أن هذا الهدوء ما هو الا صبر وايمان بالله نابع من قلب  متيقن أن الله لن يأتي بشيء سئ ابدا وكل شئ مكتوب

بقلمي شهد فؤاد