وبعد 5 ساعات كانت الدكتوره تهرول سريعا لغرفة ياقوته ومعها الممرضات
وجلس الجميع في رعب وقلق وهم يدعون الله وبعد ساعة خرجت الدكتوره وكان يظهر علي وجهها الحزن
خالد والد ياقوته بأمل :بنتي كويسه يا دكتوره
الدكتوره بأسف :بنت حضرتك دخلت في غيبوبه ادعولها
صفاء ببكاء :طب هتصحي امتا
الدكتوره بحزن :والله حضرتك احنا منقدرش نحدد مده الغيبوبه لأنها ممكن تصحي في أي وقت
صفاء ببكاء :ماشي يابنتي شكرا
الدكتوره:دا وجبي وربنا يقومها ليكوا بالسلامه وعن اذنكوا
منال بحزن وبكاء :اتفضلي يابنتي
ذهبت الدكتوره وجلس الجميع ولم تستطع صفاء الصمود اكثر ووقعت مغشي عليها اتجه إليها الجميع بسرعة وحملها خالد واتجه لاحدي الغرف واتجه محمد لاحضار احدي الأطباء وبعد خمس دقائق كانت الدكتوره تقف مع الجميع
خالد بقلق:هي كويسه حصلها أي
الدكتوره وهي تطمئنه:كويسه بس الي حصلها بسبب ضغط عصبي
خالد براحه:طب هتفوق امتا
الدكتوره :أنا ادتها مهدء ومش هتفوق غير بكرا وكمان لما تصحي خلوها بعيده عن أي حاجة بتسبب ليها ضغط عصبي
خالد :حاضر وشكرا يا دكتوره
الدكتوره: الشكر لله عن اذنك
خالد : اتفضلي
وبعد وقت كانت منال تجلس بجوار صفاء في غرفه المستشفي ومحمد وخالد ومؤمن وماسه وشهد وصاحب السيارة في الطرقه يجلسون علي الكراسي في صمت لكن كل واحد كان يدعوا داخله حتي تحدث صاحب السيارة بحرج:احم احم
نظر له محمد وخالد ومؤمن بتعجب فهم لم ينتبهوا له ابدا
تحدث محمد وقال :أنت مين ياابني
صاحب السيارة بحرج:احم أنا اسمي ياسر يا عمي وأنا الي خبطت الانسه
خالد بتعجب :طب أنت لسه قاعد لحد دلوقتي لي ياابني أكيد اهلك قلقانين عليك
ياسر بحرج كبير: حضرتك لازم تعمل محضر فيا عشان بنتك
خالد بحزن :وهو أنا لو عملت فيك محضر ولا اتسجنت واذيتك وحرقه قلب اهلك عليك بنتي هتفوق يا ابني أكيد لأ والحمدلله انها كويسه
ياسر بتعجب:كويسه ايه بنتك في غيبوبه بسببي
خالد بحزن :مش بسببك يا ابني دا قدرها ومكتوب واحنا راضيين والحمدلله انها اجت علي قد كدا وبكرا بنتي تفوق وتبقي احسن من الأول
ياسر بذهول:انتوا ازاي كدا بجد دا لو حد مكانكوا كانوا حبسوني من أول دقيقه
خالد بابتسامة :يلا يا ابني روح طمن اهلك عليك أكيد قلقانين
ياسر :حاضر هرن عليهم وهقعد معاكوا هنا
خالد :لا ياابني ارجع بيتك وابقا تعالا اطمن في أي وقت تحبه
ياسر بابتسامة :حاضر وشكرا ليكوا
خالد بابتسامة: الشكر لله يا ابني
ياسر :مع السلامه
خالد :مع السلامه
وبعد وقت قصير اتصل ليث بمحمد ودارت المحادثه كالتالي
ليث : الو
محمد :السلام عليكم ورحمه الله وبركاته
ليث بحرج:وعليكم السلام ورحمه الله وبركاته الانسه ياقوته اخبارها ايه
محمد بحزن :ياقوته دخلت في غيبوبه يا ابني
نظر ليث بصدمه لرعد وادم الذين يجلسون أمامه وكانوا يسمعون المكالمه ايضا
ليث بصدمه :غيبويه
محمد بحزن :ايوا يا ابني ادعيلها تقوم بالسلامه
ليث بحزن هو الاخير:أكيد اكيد بس معلش ممكن تقولي اسم المستشفي
محمد بتعحب:مستشفي """"" ا
ليث :تمام حضرتك شكرا
محمد :الشكر الله يا بني
ليث :مع السلامه يا عمي
محمد :مع السلامه
ثم اغلق ليث الهاتف ونظر لرعد وادم الذين مازالوا مصدومين لكن قال رعد بخوف وقلق :أنا لازم أروح المستشفي بسرعه
ادم وليث :احنا جايين معاك
رعد :ماشي يلا
وبعد قليل وصلوا المستشفي
رعد بسرعه:ليث روح اسأل بسرعة رقم الاوضه كام
ليث :حاضر
واتجه ليث وبعد قليل جاء لهم واخبرهم رقم الغرفة واتجهوا لها سريعا وما إن وصلوا حتي وجدوا الجميع امام الغرفة {ماعدا منال وصفاء}
رعد وهو يتجه ناحيتهم :السلام عليكم ورحمه الله وبركاته
نظر له الجميع بتعجب ثم ردوا:وعليكم السلام ورحمه الله وبركاته
وجاء ادم وليث وقالوا السلام ايضا
ثم عرفوا الثلاثة عن انفسهم ورحب بهم محمد وخالد
وقال رعد :معلش بس ممكن اعرف فين الدكتوره المسؤله عن حالتها
خالد بابتسامة :أكيد تعالا يا ابني نروحلها
رعد :اتفضل
ذهب خالد ورعد وجلس ليث بجوار ماسه من اتجاه وجلس ادم بجوار شهد من اتجاه
فكانوا يجلسون كالتالي ليث ثم ماسه ثم شهد ثم ادم
قال ادم بهمس لشهد الذي تبكي بصمت :هتبقا كويسه متخافيش
شهد ببكاء:ياقوته بقت أكتر وحده قريبه مني أنا مش هقدر أستغني عنها ابدا
ادم بحزن :متخافيش عليها وادعيلها واقرأي قرءان ليها
شهد بشكر:حاضر هعمل كدا وشكرا ليك
ادم :دا وأجبي
وعند ليث وماسه كانت تجلس بحزن وتبكي
ليث بابتسامة :داو مرضاكم بالصدقات
نظرت له ماسه بتعجب ثم اكمل هو :طلعي صدقه ليها بنيه انها تبقي كويسه
ماسه بأمل وفرحه :صح معاك حق أنا ازي مفكرتش في كدا شكرا بجد
ليث :الشكر لله
عند رعد دق علي الباب ثم سمع صوت ياذن له بالدخول فدخل هو وخالد وقالوا:السلام عليكم ورحمه الله وبركاته
الدكتوره: وعليكم السلام ورحمه الله وبركاته اتفضلوا
رعد :أنا دكتور رعد الدمنهوري
الدكتوره بترحاب شديد :اهلا يا دكتور نورتنا
رعد وهو ينظر في الأرض :شكرا لحضرتك بس كنت عاوز ملف حاله الانسه ياقوته
بقلمي شهد فؤاد
أنت تقرأ
معا لجنه الخلد
Lãng mạnمش أول روايه ليا بس الي فات حاجه ودي حاجة تانيه خالص الروايه خليط بين الديني والرومانسي مش هكتب كلام كتير عليها بس الي اقدر اقوله ان في كل بارت معلومه دينيه هتستفاد منها أنت كقارء وبس كدا اتمني تعجبكوا والسلام 💙
