معا لجنه الخلد

معا لجنه الخلد 2

نظرا الاثنتان الي الفتاة ثم قالوا :السلام عليكم ورحمه الله وبركاته
الجميع ماعدا الفتاه:وعليكم السلام ورحمه الله وبركاته

وكان يجلس شابان وفتاه فقط

دخلا ووقفا قريبان من الباب
نظر الجميع لهم بتعجب فهم لم يكن يظهر منهم شيئا سوا عيانهم فقط

شاب :نعم عاوزين ايه
ماسه وهي تنظر في الأرض :لو سحمت احنا عاوزين نقدم علي شغل
الشاب:تمام هاتوا الملفات وارقامكوا وهنبقا

قطع كلامهم دخول احدهم بعصبيه
لم تنظر له أي من ماسه و ياقوته فمنذ دخولهم كانت نظراتهم في الأرض ولكن عندما رفعوا نظرهم نحو الفتاه وهي تصرخ بشده وتحضن هذا الشخص الذي دخل

نظرا لها بصدمه وأصبحت عينيهم واسعه من شده الصدمه حتي لفت منظرهم الموجودين وضحك الشابان اللذان كانا يجلسان في الأول علي منظرهم
ونظر لهم الشاب الثالث ببرود والفتاه باستهزاء وسخريه

ياقوته بصدمه:هي اخته أو من محارمه
الفتاه بتكبر وفخر:لا حبيبته
ياقوته بهدوء:طب انتي ازاي تحضنيه أو تكلميه من غير حدود حتي
الفتاه بسخريه:انتي عايشه فأنهو عصر يا بتاعه انتي
ياقوته بنفس الهدوء الذي جعل الجميع يتعجب ماعدا ماسه :أنا اسمي ياقوته
ثم اشارت علي ماسه :ودي اسمها ماسه
ثم هسألك سؤال انتي مسمله ولا مسيحيه
الفتاه بتوتر ظهر علي وجهها ونبره صوتها:ل ل لا أنا مسلمه زيك
ياقوته وهي تذهب لها وتقف أمامها :اسمك أي
الفتاه:ليلي 
ماسه وهي تذهب لهم :ياقوتي هاتي ليلي  معاكي وتعالي  نقعد مع بعض في مكان هادي
ليلي بتوتر :ب بس
ياقوته بابتسامة :تعالي ياستي مش هنخطفك متقلقيش
ضحكت ليلي ثم قالت:مش خايفه منكوا
ماسه :خلاص يلا ولما نتقبل هما هيرنوا علينا
ياقوته وهي تمشي مع البنات ثم نظرت للخلف ولكن كانت عيناها في الأرض : رقم ماسه علي المكتب  والسلام عليكم ورحمه الله وبركاته
لم تنتظر رد ثم ذهبت

جلس جميع الفتيات في حديقة المستشفي في مكان بعيد وهادئ
ليلي وهي تنظر لهم :عاوزين تقولولي أي
ياقوته بهدوء:انتي قولتي لينا انك مسلمه صح
ليلي :ايوا
ماسه:طب في مسلمه تحضن ولد مش من محارمها  وتكلمه من غير حدود .
ليلي : بس أنا بحبه وهو وعدني هيتجوزني
ياقوته :عمل خطوه تدل علي كدا
ليلي بحزن:لا
ياقوته :انتوا بتتكلموا من امتا
ليلي بوجع وحزن :من خمس سنين
ياقوته :ليه ماخدش خطوه لحد دلوقتي معندوش حجه زي الشباب بتوع اليومين دول لأن دا ماشاء الله عنده مستشفي وعنده سلسلة شركات زي ماسمعت وحتي لو عنده مشكله دا مش عذر انه يقرب منك أو يكلمك من غير حدود
ليلي وقد بدأت استوعب انها لم تكن سوي لعبه له :صح معاكي حق مافيش سبب يخليه ميعملش خطوه جد
ماسه :ليلي يا حبيبتي انتي لازم تعرفي ان في دينا مينفعش بنت تكلم ولد لأن ربنا قال في القرءان بسم الله الرحمن الرحيم {ولا متخذات اخذان }
يعني مافيش بنت تصاحب ولد والعكس صحيح لأن حد فيهم مش هيقدر يسيطر علي مشاعره وهيحب الطرف التاني فاحنا من الأول نبعد عن كل دا ونحط حدود مع جنس أدم عشان نحافظ علي قلبنا للشخص الي هيتقي ربنا فينا ويسمع كلام النبي لما قال استوصوا خيرا بالنساء وعشان نعرف نديله كل الحب ونعرف نحبه بجد مش نقعد ندي لكل واحد شوية وفي الآخر لما ييجي الشخص الصح نكون احنا ضيعنا طاقتنا وحبنا علي ناس غلط فاحنا من الأول نحوش كل الحب دا لشخص واحد وهو الي هيدق علي باب بيتنا ويطلبنا في النور قدام العالم كله ولو فعلا بيحبك هيحافظ عليكي من النار ومن عذاب ربنا الي محدش هيستحمله

ماسه بتكمله :ربنا حرم الإختلاط لمصلحتنا احنا كل حاجة ربنا أمرنا بيها عشان نبعد عنها أو عشان نعملها فدا لمصلحتنا لو جينا فكرنا بالعقل هنلاقي كل حاجة لينا وبتحافظ علينا احنا وربنا محرمش لينا الحب بالعكس الحب دا اطهر حاجة بس فكره ارتباط بنت بولد من غير خطوبه شرعيه  أو عقد قران أو زواج حرام وغلط لكن لما يكون زوجك وهي لما تكون زوجته حبها بالطريقه الي عاوزها لكن لو غير كدا فلا حرام

ياقوته :خطيبا ثم زوجة ثم حبيبا لو الاخيره أخذت مكان الاولي لفسد القلب وفسده الدنيا حتي لما نتقي ربنا في حبنا ونتقي ربنا في بعض هو هيبارك لينا في حياتنا بعدين 

لم تستطع ليلي التحمل وانفجرت  في البكاء اسرعا إليها كل من ماسه وياقوته واحتضناها بحب
ليلي ببكاء :أنا اسفه والله مكنتش أعرف كل دا
ماسه وهي تمسح دموع ليلي :ان الله غفور رحيم يا ليلي  توبي وهو هيتقبلك متخافيش
ليلي وهي تضمهم بقوه لها :حاضر حاضر وشكرا ليكوا وان قبلتكوا في يوم بجد
ماسه:احنا كنا سبب مش أكتر
ياقوته. :هاتي رقمك كدا عشان نبقا علي اتصال ببعض
ليلي بفرحه:أكيد اكتبي
ثم تبادلوا الارقام وودعوا بعض ثم ذهبت ليلي

عند الشباب بعد خروجهم
نظروا له وجدوه ينظر نحو المكان الذي خرج منه البنات بابتسامة خبيبه
الشاب للآخر بهمس:ليث
ليث بنفس الهمس :نعم يا أدم
ادم بقلق :أنا خايف
ليث :اجمد كدا أما نشوف اخوك جاي يعمل أي هنا ودا مش معاد اشرافه علي المستشفي
نظروا له بقلق من نظراته وبإبتسامته الخبيثه فهذا يدل علي ان مصيبه سوف تحدث منه
ادم بقلق وتوتر:رررعد
ليث بهدوء عكس قلقه:رعد أنت جاي النهارده لي دا مش المعاد بتاع كل شهر
لم يجيب عليهم وظل ينظر بخبث ونفس الابتسامة

ثم اتجه وجلس علي احدي الكراسي الموجودة
ليث :رعد أنت بتفكر في أي
نظر له رعد نظره تحمل كل معاني الخبث فهمها كل من ليث وادم نظروا له بصدمه وفزع من الذي يريد فعله

بقلمي شهد فؤاد