معا لجنه الخلد

معا لجنه الخلد 5

الشخص :ادم عاوزه أتكلم
قاطعها ادم وهو يسحب يدها وياخذها بعنف للخارج
ليث بقلق :يامصيبتي الواد هيقتلها
رعد بقلق هو الاخر :ربنا يتسر

أما عند ادم والفتاه
كان يقف بغضب شديد وهي أمامه
الفتاه بتوتر:ادم أنا كنت عاوزه
ادم بغضب وصوت مرتفع :انتي وحده حقيره وخاينه مفكره انك لما تسافري وترجعي بعد سنين هنسي الي عملتيه فيا تبقي بتحملي بس واقسم بالله لهتشوفي مني وش تاني علي الي عملتيه فيا مش ادم الدمنهوري الي وحده زيك تكسر قلبه ويسامحها فاهمه

ثم تركها وذهب وهي جلست  تبكي بصوت مرتفع وفي نفس الوقت كانت تمشي ياقوته وسمعت صوت بكاء احدهم ذهبت سريعا اتجاه الصوت 
ياقوته وهي تحاول تهداتها وتربت علي كتفها  :بس بس
رفعت الفتاه وجهها
ياقوته بتساؤل  :أي دا أي دا
الفتاة بصوت مخنوق من البكاء وتعحب :في أي
ياقوته وهي تمثل انها ستفقد وعيها  :مش قادرة حتي صوتك قمر هيغمي عليا من جمالك
ضحكت الفتاه عليها وقالت :انتي جميلة اوي
ياقوته بمرح:بجد تسلمي يا غاليه بس انتي شوفتيني فين دا أنا بيقولولي الخيمة السودا
ضحكت عليها الفتاه:مشوفتكيش بس روحك حلوه ودمك خفيف  ولطيفه
ياقوته وهي تغمز لها وتضحك :القبول دا من عند ربنا
ضحكت عليها الفتاه ثم مدت يدها لها وقالت:أنا شهد
تجاهلت ياقوته يدها وضمتها بحب :وأنا ياقوته يا سكر انتي
ضحكت عليها شهد وبادلتها العناق

قطع هذه اللحظة  احدهم وهو يقول بدراميه :مش قادرة أصدق اختي مع القمر
ضحكت شهد بشده عليها ونظرت لها ياقوته 
نظرت ماسه لياقوته ثم قالت :اسفه والله مش هعمل ولا أقول حاجه تاني خلاص
ياقوته :اسفك مش ليا للبنت ولربنا
ماسه :اعتذرت منها وسامحتني خلاص بقا
ياقوته :ماشي خلاص
شهد :أي الي حصل
ماسه :حوار كدا بس فكك بس قولولي بقا اختي كانت بتعمل اي مع القمر هنا
شهد وهي تضحك :انتي مين
ماسه بفخر :أنا ماسه يا حوبي
شهد بتعجب :ماسه وياقوته  اساميكوا شكل بعض انتوا اخوات بجد
ماسه وهي تسحب يدها ويد ياقوته :أنا ارتحتلك تعالي أما احكيلك
شهد وهي تضحك عليها :انتي لسه متعرفيش اسمي حتي خلي بالك
ماسه:هنعرف كله حاجة دلوقتي صبرك بس
ياقوته بهدوء :تعالوا مكتبي نكلم

بعدما ترك ادم شهد اتجه سريعا عند رعد وليث
ادم بغضب وحزن :أنا زهقت واتخنقت منها ومني
رعد بقلق :عملت أي
ادم بحزن :معملتش حاجة سمعتها كلمتين وسبتها ومشيت
ليث بغضب:خلي عندك دم واسمعها مره وحده ممكن تكون فعلا عندها مبرر للي حصل وأنت فهمت غلط
ادم بشرح:أنا شوفتها بعيني
ليث بغضب :أنت غبي ممكن يكون شوفت الي هو عاوز يوصلهولك ما أنت عارف ان هو كان بيحاول يوقع بينكوا أكتر من مره
ادم بعناد وخوف من كلام ليث :لا
قاطعه ليث بغضب : بطل خوفك وعنادك دا لأن أنت واثق من ان كلامي صح وخايف يكون فعلا دا الي حصل وأنت بغباءك بتضيعها
رعد بهدوء  :ليث معاه حق يا ادم اسمع شهد ولو لمره وحده
ادم بضعف :ماشي هحاول
ليث بصراخ :مافيش حاجة اسمها هتحاول أنت هتسمعها غصب عنك
ادم بتوتر:بس خايف يكون أنت معاك حق وهي متسمحنيش
ليث وهو يحاول تهدات نفسه :شهد طيبه وهتسامحك متخافش

ماسه وهي تجلس :بوصي يا
شهد وهي تجلس أمامها :اسمي شهد قولي يلا 
ماسه : ماشي يا شهود أنا والبت ياقوته جيران وامي صحبت امها البيست كدا المهم امها ولدتها قبل امي بشهر بس أنا لما اتولدت امي تعبت اوي فكانت أم ياقوته ترضعني أنا وهي فبقينا اخوات في الرضاعه وبالنسبه لأسمائنا امي وامها كانوا متفقين انهم يسمونا اسامي متشابهه  فقعدوا يبحثوا علي النت لحد ملاقوا ياقوته وماسه فسمونا كدا

شهد بإبتسامه :الله حلو اوي
ياقوته. بتساؤل وتعجب :كنتي بتعيطي لي
ظهرت للدموع في عين شهد
ماسه وهي تهدأها:مالك بس  اهدي
شهد بدموع :هحكيلكوا عشان ارتحتلكوا اوي وحاسه انكوا هتساعدوني
ياقوته وماسه :سامعينك اتفضلي
شهد وهي تتننفس بعمق :انتوا عارفين ادم أخو رعد
هزوا راسهم
شهد :بوصوا بقا أنا وادم دا كنا نعرف بعض من الطفولة أو بمعني اصح حب طفوله فضلنا مع بعض لحد الجامعه واجه اتقدملي واتخطبنا لحد ما في يوم في واحد زميلي حبني وكان تقريبا مريض يعني لما بيحب حاجة بيحب تكون ملكه فهو لما عرف ان أنا وادم بنحب بعض ومخطوبين حاول كذا مره انه يفرقنا ويعمل مشاكل بينا كتير اوي بس كنا بنعدي كل دا مع بعض لحد ما في يوم كنت ماشيه في الجامعة ولقيت بنت قالتلي انه واحد اسمه ادم عاوزني في الكافتريا روحت بسرعه ولقيت واحد قاعد لابس نفس استايل ادم بس مديني ضهره وكان لابس جاكت فروحت ولسه بكلمه لقيت قام بسرعه وحضني لسه هتكلم وابعده عني لقيت واحد اجه من بعيد وبيجري باقصي سرعه وبيشدني ونزل فيه ضرب واخدني ومشينا بعدها حاولت أكتر من مره أتكلم معاه وافهمه  الي حصل بس كان بيرفض ويسمعني كلام زي السم وان أنا خاينه لحد ما بابايا جاله شغل ضروري برا مصر فسافرنا ولسه راجعه من السفر امبارح وجيت اشرح ليه الي حصل قعد يسمعني كلام كالعاده وبعدها لقيت ياقوته والباقي انتوا عارفينه

ياقوته بهدوء :انتي عارفه ان كلامك معاه حرام وغلط صح
شهد :بس هو كان خطيبي وأنا بحاول ابرر ليه سوء التفاهم
ياقوته :لما تتكلمي معاه لازم يكون حد معاكوا مينفعش تكونوا لوحدكوا لأن دي تعتبر خلوه دا أول حاجة تاني حاجه حتي لو كان خطيبك فهو لسه أجنبي ومش من محارمك والخطوبه دي وعد بالجواز بس يعني ممكن تنتهي في أي لحظة واديكي شوفتي انتهت في ثواني عشان موقف

شهد بدموع:معاكي حق بس أنا عاوزه ابرر موقفي
ماسه بابتسامة :أنا وياقوته هنكون معاكي
شهد بفرحه :بجد
ياقوته :بجد وخلاص انتي بقيتي صحبتنا و اختنا التالته
شهد وهي تعانقهم :شكرا ليكوا

وبعد ساعتين كان يخرج ادم ورعد وليث وفي نفس الوقت يخرج ايضا الثلاثة فتيات
تقابلوا جميعا ونظر ادم لشهد بغضب ولكن قطع هذه النظارات ياقوته وهي تسحب يد شهد وماسه تمشي أمامها

ليث وهو ينظر لادم  :روح بسرعه اتكلم معاها
ادم بتوتر  :بس
رعد بصوت مرتفع :شهد لوسمحتي

بقلمي شهد فؤاد