#متاهات العشق
بقلم: ريم العزاوي
يوم الثلاثاء ساعه 10 صباحاً
كعدت ساعه 10 اليوم اخر امتحان عندي انكليزي ...
غسلت وجهي وسويت ريوك تريكت وبدلت ورحت للمدرسه شويه ودخلنه للصف جنت ضايجه لان اخر لحضات ويا صديقاتي ومدرساتي ومدرسيني
متدخل ابالي يعني هذا هو بعد ما اداوم اني بس المدرسه عندي حلوه بحياتي ومتونسه بيها ماعندي غير شي بعد روتينه ملل بالبيت وابويه معقدنه ....
وزعو اوراق الاسئله ...صفنت عليهن نص جاوبت ونص لا لان مقاريه زين وميدخل بعقلي شي من كد التفكير ...
نتضرت صديقتي زهراء تطلع حته اسولفلها ...
كملت وطلعنه سوه ضلينه نتمشى للبيت شافتني ضايجه ومالي خلك ...
-زهراء :- ريم شنو موضوعج هلايام معاجبتني كولي صاير شي وياج ؟
اي صاير اهلي يردون يزوجوني ويبطلوني من المدرسه ...
- زهراء :- بصوت عالي ...جذذذابه صدددك تحجين عووود لا لا مستحيل
والله شبيج شنو المستحيل بعد
-وانتِ ماحجيتي شي ماكلتي لو ضليتي مصلومه
احجي ؟؟؟ ههه هوه منو الي يهتملي ومنو الي يسمعني شبيج حبي
- لا ريم حرامات والله بعدج صغيره مستقبلج كدامج
أنت تقرأ
متاهات العشق
Teen Fictionالحب لايجمع المتشابهين الحب يجمع المختلفين دائماً كأثنين بينهما فارق في العمر او احدهم يعشق الاهتمام واخر يحتويه البرود او قد تغير نفسك من اجل شخص بينما هو لا يغير ساكنا اثنين احدهما له الماضي والاخر يحب الاول مره القصه احداثه تجنن ( زواج باكر" حب...
