#متاهات_العشق
الكاتبه : ريم العزاوي
لاتنسون التصويت + تابعو حسابي + نورو البارت بتعليقاتكم الحلوه 🤍
ضيفوني انستا ( rem___.9)
_____________________________
أنه وطرواك
طاحونة هوىٰ يفرنه الهوه العالي
ياشارع يلمني بليل
مامش بيت من سوالفك خالي
♡
~~~~~~~~~~~~~~~~~
دفعني ع الجربايه وسد حلكي ضليت ادفر بي ولا كأنو راد يرفع ثوبي ضلت ادور بعيوني ع شي اضربه بي حته اخلص منه شفت فوكي مزهريه كزاز لزمتها وضربته براسه نكسرت بي لزم راسه وطفرت منه ويه طلعتي من الغرفه صار بوجهي ...
مهيب : ضيق عيونه .. شتسوين هنا
توترت كلش وحسيت الدنيا فترت بيه ضليت امتمت ... ااا جنت ادور ع افراح
مهيب : شبيج شو ترجفين وعيونج حمر شصاير وياج
غوشت عيوني وماشفت شي كدامي بعد فقدت ... صحيت ولكيت نفسي بغرفتي ويمي امل وزهراء وامي وخالتي
منار : اي كعدت كعدت .. شنو يمه شبيج
ريم : بلسان ثكيل ... مادري دايخه
امل : من الهوسه حقها
ريم : وين مهيب
امل : راح هوه وحسين للمستشفى اخذو علي راسه مشكوك وينزف
ضليت ارجف .. يماا بسلا يحجي شي راح يتبله عليه راح اطلع اني الغلطانه خلي يجي مهيب واحجي بعد ما اسكت شيصير خلي يصير
طلعن امي وخالتي بقت يمي امل
امل : شبيج ريم احس بيج شي ترجفين وتصفنين شكو احجي
ريم : اكُلج بس احلفي متطلع السالفه بيناتنه
امل : اكلي خرا واحجي من شوكت يطلع الحجي البيناتنه
سولفتلها بالتفاصيل ع علي
امل : يمممماااا فلك صُدك يحجي هذا الشايب اني اله ابو النسوان اله افضحه وحق ربج
ريم : لا يمعوده لاتسويلنه طلابه خيولي اني احاجي مهيب علي
امل : بس ديربالج لا يفر السالفه عليج زين حافضه محادثات اله وشنو حاجي وياج
ريم : ايي دزلي احبج وانتِ ميستاهلج مهيب عايفج ويروح للدوام لو اني منه باب الشارع ما اطلع وضل يغلط ع مهيب ولزكلي احبج ونفسي بيج
امل : ايييي حفضيهن
ريم : ااا بس حذفتهن
امل : طاح حضج غبيه ليش حذفتيهن هذا اكبر دليل علي انو يتحرش بيج بعد منو يصدكج
أنت تقرأ
متاهات العشق
Teen Fictionالحب لايجمع المتشابهين الحب يجمع المختلفين دائماً كأثنين بينهما فارق في العمر او احدهم يعشق الاهتمام واخر يحتويه البرود او قد تغير نفسك من اجل شخص بينما هو لا يغير ساكنا اثنين احدهما له الماضي والاخر يحب الاول مره القصه احداثه تجنن ( زواج باكر" حب...
