متاهات العشق

البارت 22

#متاهات_العشق

الكاتبه:ريم العزاوي

لاتنسون التصويت+متابعه للحساب+تعليقاتكم وتفاعلكم يشجعني استمر 🥺❤️

انستا ريم(rem___.9)

حساب امل(isr__.0)

حساب وطن(_azr_x)

_______________________________________

بعد ماعاتبَك تندّل عناويني ..

من أمس واصلني كونك موش ناسيني !
ظروفك والمسافه أعذار محترگات ..
شمس شتكلفك الجيه لِـ روازيني ،؟

><><><><><><><><><><><><><><><><

ضرغام-: يعني انتِ ماتوبين لو شنو هاي اخر مره تطخين البنيه بعد مره اذا نعادت وابو فاضل ايدج تتعلك بركبتج

سهام-: وسفه عليك ابن عمي تضربني علمود وحده دايح* وبنت شوارع

ضرغام-: ولج قُندره اني شحجججججي بنت الكلب لسانج كضبي لا اكصه الج ورب الكعبه

باوعتلي بحقد وهمست:- اني الج يبنت الشوارع

امل-: سديت الباب وباوعت ع نفسي بالمرايه حسيت نغزات صارت بكلبي شتاقيت الوطن لاعندي تليفون واسولفله ولا اعرف شي عنه يربي صبرني وصبره

غسلت وجهي وبدلت دشداشه سوده ولبست حجاب وطلعت نزلت جوه جان اكو هوايه نسوان يبجون وحده منهم عرفتها غسق حبيبة شهم رحت يمها اخذتني لغرفتها وسدت الباب

غسق-: لج امل ابن عمج الحقير حسين راح ياخذني علمود يحرك گلب شهم

امل -: صدك تحجين معقوله

غسق-: اي والقران هسه جانت اخر مكالمه ويا شهم وسولفلي كلشي

امل-: اكول ليش سوو هيج الحقراء الله ليوفقهم يردون ياخذون حق ابنهم عبالك احنه الكاتلي

غسق-: بله كليلي شلون راح اعيش وياهم

امل-: حالي حالج اني هم ماعرف شلون راح اعيش هنا

غسق-: حبيبتي اخذيها مني اذا كسبتي ضرغام الج راح تعيشين ملكه وانتِ ام الكلمه تصيرين وتسيطرين ع كل الي بالبيت

امل-: ههه من كل عقلج متشوفين هاي مرته تفتر عليه

غسق-: شبيج هيه هاي هم حاسبته مره هوه تلعب نفسه منها واخذها كوه من وره ابوي وامي كامو يلحون علي اخذ بت عمك

امل-: وليش تلعب نفسه منها صارلهم شكد متزوجين بله

غسق-: صارلهم سنتين وهيه ميصير عدها اطفال شايفه اذا جبتي طفل ل ضرغام راح يطير بيج مو بس ضرغام حته ابوي وامي هم لان هوه الوحيد عدنه ويردون ولد يشيل اسمهم واسمه

امل-: مستحيل اخلي يوصلني اني مقابله بهذا الزواج ولا طايقه اخوج الصراحه

غسق-: انتِ الخسرانه لعد