متاهات العشق

البارت 24

#متاهات_العشق

الكاتبه: ريم العزاوي

لاتنسون التصويت+متابعه للحساب+تعليقاتكم وتفاعلكم يشجعني استمر ❤️

حساباتنه

ريم(rem___.9)

امل(isr___.0)

وطن( _azr_x)

_______________________________________

ضرغام -: باوع لك اذا انتَ رجال خليني اشوفك وهاي البنيه الي تحجي عليها اذا مره لخ جبت طاريها ع لسانك ينكص وحق ربك لو اعرفك بالمريخ هم اجيبك اجيبك

وطن -: ههههه اصلاً اني جايك للرمادي دزلي عنوان اجي علي ونتفاهم

ضرغام-: تمام راح ادزلك الموقع واذا انتَ صدك رجال تجي يلعار

وطن-: ماشي سهله...سديت الخط ودزلي الموقع ع الواتساب دخلت علي ومشيت ...

********

امل-: ساعه 12 طبخت تمن ومركه دجاج واكفه وحدي يم الكاونتر اثرم زلاطه المطبخ صاير بالنص يعني اليطلع ويطب من المطبخ ... طلع ضرغام شكله عصبي عيونه يشبن نار باوعلي بخزره وطلع

" اسم الله شبي هذا عليه انوب " ما هتميت كملت الاكل شويه واجن نسوان بعدهم يوصلون بيت عيالي علمود ابن عمهم حاولت اخفي نفسي منهم لان اذا احد سمعني حجايه ما اسكت كبل اطك صاحلي عمو

:- يابه اموله جيبيلنه جاي "

امل -: صار عمو

سهام... عمه بعينج

تجاهلته ورحت للمطبخ خليت القوري على النار وخليت بي هيل وعفت المي يفور اجت يمي سهام

سهام -:كل عقلج انتي اخليج تتهنين بل عيشه وياي

امل : لا والله ما توقع ولا اريد اعيش وياكم اصلاً تره مو عبالج اني فراحنه غصباً عني اجيت لا ميته ع العيشه هنا ولا هل سوالف ياريت تحاجيهم ارجع

سهام -: احم ... صدك يعني انتِ مطايقتنه؟

امل-: اي وربج شوفي اني مدلله عد اهلي ومااحب احد يتحكم بيه ولا جنت اريد اتزوج مرتاحه كلش جنت بس بليله ويوم اجيت ابيت ناس ما اعرفهم ولا اتوقعت راح اوصل هنا

سهام -: لعد خلي ضرغام يكرهج سوي شغلات خليهم ميحبوج ولا يطيقوج حته يطردوج منا

امل -: شلت القوري بيدي وحجيت وياها ... شوفي اني اسوي او ما اسوي بالحالتين ارجع الاهلي ...

سهام-: تقربت عليه... اي زين اذا هيج

ما احس اله دفعتني اني والقوري ع السنك اني من طبعي اذا يصير وياي شي ما اعيط ولا اطلع صوت المي اجه على بطني بس مالاحني لان بعدت جسمي منه بس حركت ايدي شويه باوعتلها

امل : ههه مشكوره هيلتيني زين حبيبتي على ما اروح ابدل ملابسي انتِ رجعي القوري على النار وخلي بي الهيل