متاهات العشق

البارت 7

#متاهات العشق

بقلم : ريم العزاوي

انستا(rem___.0)
isr__.9
_________________________________

المُطر ، والغيم ، والحَبيته ، والمُوت
المّرض .. والشوگ ذاك المُو بگدّي
النَسمه الباردَه الـ تتعَده بالصَيف
الشيب الگبل وَكته بكيّفه يبدي
مَزاجيات فجأه الگاهن وياي!
ومِن يعجبهّن يتركَني وَحدي .
~~~~~~~~~~~~~~~~

امل :

بعد ما نفصلت عن عمر مشت حياتي طبيعيه دخلت بل 13سنه جنت ابيت خالي خطار رحت يم بناتهم كاعدين نتعشه وجان  يجي خال مرت اخويه يمنى وجانت نضراته الي مو طبيعيه

هوه  حلو كلش ابيض وعيونه كبار مرسومات خشمه صغير يعني حلو بشكل

راح يم مرت خالي رقيه للمطبخ وضلو يسولفون راح هوه وقبل ليطلع كل الرقيه مثل موصيتج من طلع ورا بشويه اجتي مرت خالي ...

رقيه :- امل اريدج بموضوع ...

رحت يمها بالاستقبال كعدت ... كولي عيني

رقيه :- اخوي مؤمل شافج ونعجب بيج وكال اريد اخطبها

امل :- ههههه شبسرعه نعجب بيه

رقيه :- حب من اول نضره هههه

امل :- والله ماعرف شكلج حاجي امي و اخواني

رقيه :- اي اليوم عزمتهم ع العشه راح يجون ...