ယောဂကစားနေသောကိုယ်ဟန်က ပျော့ပျောင်းကာလှပနေကာ ပုရိသတွေကိုငေးယူစေမယ့်မျက်နှာပေါ်မှာ ချွေးစက်လေးတွေတင်ကျန်နေသည်။ လက်နှစ်ဖက်ကိုဦးခေါင်းအထက်မှာစုမြောက်ထားကာ ခြေထောက်တစ်ဖက်ကိုကွေးညွတ်လို့ ခြေထောက်တစ်ဖက်ကိုရှေ့သို့အားပြုကာထားသည်။ စိတ်ကိုတည်ငြိမ်စေတဲ့တီးလုံးသံစဉ်ကတော့ အခန်းတွင်းမှာစိတ်အေးချမ်းစေရန် တိုးတိုးလေးထွက်ပေါ်နေလေသည်။
" မင်းသမီးရေ..... ကုမ္ပဏီက ကြော်ငြာစာချုပ်တစ်ခုထပ်ချုပ်ထားတယ် night skyအိမ်ရာမှာရိုက်မှာတဲ့ "
အချိန်ဇယားအလိုက်နေထိုင်ရတဲ့နာမည်ကြီးတစ်ယောက်မို့ ကိုယ်ပိုင်မန်နေဂျာကို ကုမ္ပဏီကစီစဉ်ပေးထားသည်။ အားလပ်ချိန်သိပ်မရှိသောသျှင်နှောင်းအတွက် ကြော်ငြာတွေရိုက်ကူးရေးတွေဆိုတာ နေ့စဉ်အချိန်စာရင်းထဲမှာနေရာယူထားမြဲ။ လှပသောခန္ဓာကိုယ်အချိုးအစားဖြစ်စေဖို့ ယောဂလေ့ကျင့်ခန်းနှင့်ထိန်းသိမ်းရပြီး အိပ်ချိန်ဆိုတာလည်းနည်းပါးချေသည်။
" Night sky ? ဘယ်လိုကြော်ငြာလဲ ဘယ်နေ့လဲ "
ယောဂကစားမပျက်ဘဲ မန်နေဂျာကိုပြန်မေးလိုက်ပြီး ကိုယ်ဟန်ကိုတည်ငြိမ်အောင်ထိန်းထားသည်။ အနားယူရသည့်အချိန်ကရှားပါးပေမဲ့ သျှင်နှောင်းဘဝ၏ပျော်ရွှင်ရာမို့ ပင်ပန်းတယ်လို့မထင်ပေ။
" အားဖြည့်အချိုရည်ကြော်ငြာပဲ ရိုက်မှာကမနက်ဖြန်ညနေ "
" နောက်ထပ်ရော "
ယောဂကျင့်မပျက်ပင်မေးလာပြီး ကိုယ်ဟန်ကိုထိန်းညှိကာ ကစားနေတာကိုရပ်လိုက်သည်။ ချွေးစို့နေသောမျက်နှာလေးကို ပဝါနုနုလေးဖြင့်သုတ်လျက် ရေသန့်ဘူးကိုဖွင့်သောက်ရင်း မန်နေဂျာဘက်ကိုမျက်ခုံးစစပင့်ကာကြည့်သည်။
" အထူးအစီအစဉ်တွေမရှိဘဲ ထိပ်တန်းတစ်ယောက်ကိုငှားတာတော့မဟုတ်ဘူးမလား "
" အဲဒါကပြောရခက်တယ် မင်းသမီး..... လောလောဆယ်တော့ မင်းသမီးကိုကြော်ငြာကြေးအပြည့်ပေးထားပါတယ် "
" ကိုကောင်း မန်နေဂျာလုပ်တာဘယ်လောက်ကြာပြီလဲ..... "
ရေသန့်ဘူးကိုအဖုံးလှည့်ပိတ်ပြီး ဖွင့်ထားတဲ့ယောဂသံစဉ်ကိုပါပိတ်လိုက်သည့် သျှင်နှောင်း။ မျက်နှာလေးလှပသလောက် အကြည့်တွေကစူးရှနေပြီး မန်နေဂျာကိုကြည့်နေသောပုံစံကလည်း ပြဿနာရှာလိုဟန်အပြည့်။
" ငါးနှစ်..... လာမယ့်လဆို ခြောက်နှစ်ပြည့်မှာပေါ့ "
" အင်း ကျွန်မသရုပ်ဆောင်လောကထဲရောက်တာ ဆယ့်ခုနစ်နှစ်ကတည်းက..... အနုပညာသက်တမ်းက အခုဆိုငါးနှစ်ရှိပြီ "
" ကိုကောင်း ကျွန်မမန်နေဂျာဖြစ်တာလည်း လေးနှစ်ရှိပြီ ! ကျွန်မကတခြားသူတွေရသလို အနုပညာကြေးနဲ့တင် ကျေနပ်ရမှာလား..... ကျွန်မအကြောင်းကိုမသိတဲ့သူလည်းမဟုတ်ဘူး "
" ကုမ္ပဏီကလက်ခံလိုက်တော့ ကျွန်တော်လည်းပြောဖို့ခက်တယ် "
" အဲဒါတွေပဲ အဲဒါဆင်ခြင်တွေ..... ကုမ္ပဏီက ကျွန်မအကြောင်း ပိုသိ ရ မှာ ပေါ့ ! သုဆက်သျှင်နှောင်းက အကပ်နဲ့ဝင်လာတဲ့သူမဟုတ်ဘူး ကြော်ငြာကြေးနဲ့ကျေနပ်ရမယ့်သူမဟုတ်ဘူးလေ "
မန်နေဂျာဖြစ်သူကခေါင်းကိုငုံ့ထားပြီး ခံပြင်းစွာသက်ပြင်းချနေသည်။ သျှင်နှောင်းက သဘောကောင်းလျှင်နှစ်ယောက်မရှိသလို သဘောဆိုးလျှင်လည်း ဘယ်သူမှလိုက်မမီနိုင်အောင်ရှိသည်။ ဂုဏ်မောက်နိုင်သောအနေအထားရှိ၍ မောက်မာနေခြင်းဆိုတာထက် သူမကိုယ်တိုင်ကလည်း အနုပညာ၌အရည်အချင်းရှိသူဖြစ်သည်။
" ကိုကောင်းပြန်နှင့်တော့..... မနက်ဖြန်ကြော်ငြာရိုက်ကွင်းရောက်မှ အဝတ်အစားစီစဉ်ထားတာမရှိရင် ကုမ္ပဏီနဲ့တစ်ဖက်လူစကားပြောကြပါစေ "
" မင်းသမီး..... ဒီလိုကျတော့ "
" ကျွန်မအလွန်မဟုတ်ဘူးနော် ကိုကောင်း..... ကြော်ငြာခအပြင် အဝတ်အစားပါစီစဉ်ပေးရမှာကို ! ကျွန်မတို့က ခေါင်းစခြေဆုံးစီစဉ်နေရမှာလား ? "
" ကျွန်မလိုကုမ္ပဏီနဲ့စာချုပ်ချုပ်ထားတဲ့ မင်းသမီးတစ်ယောက်က မန်နေဂျာလည်းရှိလျက် ငွေလသာယာတောင်လက်မခံတဲ့ အစီအစဉ်မဲ့ကြော်ငြာတွေကိုလက်ခံရမှာလား..... ကိုကောင်းစဉ်းစားတတ်ရင် နားလည်မှာပါ "
" သူဌေးကိုပြောကြည့်လိုက်ပါမယ် "
ထိုစကားတစ်ခွန်းသာပြန်ပြောပြီး သျှင်နှောင်းနေထိုင်ရာတိုက်ခန်းကနေ မန်နေဂျာဖြစ်သူထွက်သွားတာကိုကြည့်နေလေသည်။ အဆင်ပြေစေရမယ်ဆိုတဲ့စကားအစား ပြောကြည့်ရုံဆိုတဲ့အနေအထားက အတော်လေးဖြစ်ကတက်ဆန်းနိုင်သောစကားပင်။ စိတ်ပျက်စွာသာကြည့်ရင်း ယောဂပြန်လည်ကစားဖို့ရာ သံစဉ်လေးကိုပြန်ဖွင့်ရင်း နေရာယူကာကိုယ်ဟန်ပြင်လိုက်သည်။
..........................................................
" မိုးမိထားတော့ နွေးတာလေးသောက်လိုက်ပါ "
ကျယ်ဝန်းကာအမြင်အေးသောအိမ်အပြင်အဆင်အား ငွေလတစ်ချက်လိုက်ကြည့်ရင်း မျက်နှာသုတ်ပဝါတစ်ထည်ဖြင့် ဆံပင်တွေခြောက်အောင်သုတ်လိုက်သည်။ အနည်းငယ်ပိန်သယောင်ရှိသောငွေလကိုယ်ပေါ်မှာ သူမအဝတ်အစားတွေကအနည်းငယ်ချောင်ချိနေပေမဲ့ ဆိုဒ်တော့သိပ်မကွာလှတာမို့ ဝတ်ထားဖို့အဆင်ပြေခဲ့သည်။
တကူးတကကမ်းပေးလာသော ပန်းဆယ်မျိုးပါသောလက်ဖက်ရည်က လုံးဝန်းသောဖန်ခွက်ထဲမှာပယင်းရောင်သဲ့သဲ့သန်းနေသည်။ သူမလက်ထဲမှာတစ်ခွက်ရှိသလို ငွေလကိုလည်းတစ်ခွက်ကမ်းပေးနေတာမို့ မကောင်းတတ်စွာလှမ်းယူလိုက်သည်။ တစ်ငုံသောက်ကြည့်လိုက်တော့ စိတ်ကိုလန်းဆန်းသွားစေတဲ့ အနံ့နှင့်အရသာကြောင့် ဘာရယ်မဟုတ်သူမကိုလှမ်းကြည့်မိသည်။
" လက်ဖက်ရည်ကြမ်းက သိပ်နွေးတာပဲ မညသာယံသွန်း "
ရှင့်လိုပေါ့.....
နှုတ်ဖျားကစကားသံလေးရယ် စိတ်ထဲကတိုးလျစွာဝန်ခံခြင်းရယ်က ပုံမှန်ပင်လှည့်ကြည့်လာသောနောက်ကျောကို မလုံမလဲဖြစ်စွာကြည့်မိစေသည်။ အပြုံးတစ်ပွင့်ကိုပြန်ပေးပြီး ချန်နယ်တစ်ခုကိုကောက်ဖွင့်လိုက်တဲ့သူမအား ငွေလငေးငိုင်စွာရပ်ကြည့်ရင်း အနားသို့တဖြည်းဖြည်းသွားလိုက်သည်။ အနက်ရောင်သိုးမွေးဆွယ်တာပါးပါးကိုဝတ်ထားတဲ့ သူမရဲ့ပုံစံကိုကြည့်လိုက်လျှင် ရိုးရိုးရှင်းရှင်းဖြင့်ကြည့်ကောင်းနေခဲ့သည်။
" ခဏနေမိုးစဲတော့မှာဆိုတော့ မိုးတိတ်တော့မှပြန်ပို့ပေးမယ်..... အဆင်ပြေလား ယာယာ "
သူမ၏ဘယ်ဘက်ခြမ်းကနေရာအလွတ်မှာအတူထိုင်ပြီး ပန်းလက်ဖက်ရည်ကြမ်းဖန်ခွက်ပူပူကို လက်နှစ်ဖက်ဖြင့်အသာကိုင်ရင်း အင်းဆိုကာအသံပြုလိုက်သည်။ ငွေလအကြည့်တွေကတော့ သူမဖွင့်ထားသောချန်နယ်လိုင်း၏ အချစ်ဇာတ်ကားထဲမှာရောက်နှင့်နေသည်။ ရိုးအီဖွယ်အချစ်ဇာတ်ဝင်ခန်းတွေကို အသက်မပါစွာစိုက်ကြည့်ရင်း နံဘေးကသူမကိုမသိမသာစောင်းငဲ့ကြည့်မိသည်။
ဇာတ်လမ်းထဲအာရုံရောက်နေပုံရသောသူမမျက်နှာကို ငွေလအချိန်ကြာကြာစိုက်ကြည့်မိပြီး ပန်းလက်ဖက်ရည်ကြမ်းကိုတစ်ငုံသောက်လာတဲ့ လှုပ်ရှားမှုတစ်ခုကြောင့် အကြည့်ကိုလျင်မြန်စွာလွှဲဖယ်ခဲ့သည်။ တဖန်ပြန်လှည့်ကြည့်မိတဲ့အချိန်မှာ နှုတ်ခမ်းသားရဲရဲလေးမှာရေစက်တင်ကျန်နေပြီး တီဗီကအလင်းရောင်ပြန်ဟပ်မှုကြောင့် အရောင်တလက်လက်ဖြင့်စိုလဲ့နေချေသည်။
" ဘာဖြစ်လို့လဲ ယာယာ..... နေလို့မကောင်းဘူးလား "
ထိုစဉ် အမှတ်မထင်လှည့်ကြည့်လာတဲ့မျက်ဝန်းနှင့် ဂရုတစိုက်မေးလာသောစကားအောက်မှာ ငွေလအတန်ကြာငေးငိုင်သွားခဲ့ရသည်။ မျက်နှာချင်းဆိုင်တည့်တည့်အနေအထားဖြစ်၍ သူမဘယ်ဘက်နှုတ်ခမ်းအောက်မှာ စိုရဲနေတာထက်ပိုတဲ့အသေးစားဒဏ်ရာကိုမြင်နိုင်လေသည်။ ရုတ်တရပ်လှုပ်ရှားသွားတဲ့ ငွေလညာလက်ချောင်းလေးတွေက သူမနှုတ်ခမ်းသားရဲရဲလေးထက်မှာ ဖွဖွလေးထိကိုင်မိလာသည်။
" ယာယာ..... "
တီဗီဖန်သားပြင်ပေါ်မှာ ဇာတ်လမ်းထဲကဇာတ်ဆောင်နှစ်ယောက်က ဝိုင်ခွက်ကိုကိုင်ရင်းနမ်းရှုံ့နေကြပေသည်။ ဇာတ်လမ်းမဟုတ်သော ပြင်ပကငွေလနှင့်သူမကလည်း မကြမ်းတမ်းတဲ့အနမ်းဖွဖွတွေပေးမိကြပြီး ဆိုဖာပေါ်မှာလူနှစ်ယောက်ထပ်လျက်ဖြစ်နေကြသည်။ သူမလည်တိုင်ကိုထိကိုင်ထားတဲ့ ငွေလလက်ချောင်းသွယ်သွယ်တွေက သိမ်မွေ့နူးညံ့စွာလှုပ်ရှားနေခဲ့သည်။
ဖန်ခွက်လေးနှစ်ခွက်ကတော့ အမွေးပွအခင်းပေါ်မှာလဲလျောင်းနေပြီး ဆိုဖာပေါ်ကအပြုအမူတွေအတွက် ရှက်ရွံ့ကာမသိဟန်ဆောင်နေကြလေရဲ့။ ရုတ်တရပ်ဆန်သော ငွေလ၏အနမ်းအောက်မှာတော့ အလိုက်သင့်လေးနမ်းလာတဲ့သူမမျက်နှာ၌ အံ့အားသင့်ရခြင်းတွေဖြစ်ပေါ်နေသည်။ အနမ်းတွေကိုငွေလသာဦးဆောင်ပြီး သူမကိုယ်ပေါ်မှာငြိမ်သက်သွားသောသူကလည်း ငွေလပင်ဖြစ်နေလေသည်။
" နောက်ဆို ကျွန်မကိုဂရုမစိုက်မိစေနဲ့ မညသာယံသွန်း "
စိမ်းသက်သောစကားတွေပြောပြီး သူမကိုယ်ပေါ်မှာမှောက်လျက်အိပ်နေသော ငွေလသာယာ။ သူမရဲ့ညာဘက်ပခုံးပေါ်မှာ မျက်နှာလေးကိုအပ်လို့ သူမလည်တိုင်ကိုနမ်းရှိုက်နေခဲ့သည်။ ခဏကြာတော့ သူမကိုယ်ပေါ်မှာပင် အသက်ရှုသံမှန်မှန်ဖြင့်အိပ်ပျော်သွားလေသည်။
.........................................................
အိမ်ရာတစ်ခု၏အထွေထွေရုံးခန်းတစ်နေရာ၌ ညသာယံသွန်းနှင့်အတူ နှင်းညမြူမှုန်တို့လမ်းလျှောက်လာကြသည်။ လုပ်ငန်းတွေကိုလိုက်စစ်ဆေးရန်လိုအပ်၍ ဒီနေ့တွင်night skyအိမ်ရာဆီကို ညသာယံသွန်းတို့ရောက်ရှိနေကြလေသည်။ နေရာတိုင်းတွင်အထက်ဖားအောက်ဖိတွေရှိသဖြင့် ထိုလူတွေကိုဖယ်ရှားဖို့အတွက် လိုက်လံစစ်ဆေးခြင်းဖြစ်သည်။
" မ တကယ်ပြောင်းလဲသွားတယ်နော် အရင်ကဆိုအေးစက်စက်ကြီး..... အခုကျတော့ မ အရင်နဲ့မတူတော့သလိုပဲ "
အတွင်းရေးမှူးမလေးစကားကို ညသာယံသွန်းဘာမျှမတုံ့ပြန်ဖြစ်ချေ။ သူမအနားတွင်အလုပ်သင်သဘောမျိုးဖြင့် တစ်နှစ်ကျော်လိုက်ဖူးတဲ့သူမို့ ပြောင်းလဲနေတဲ့အမူအရာတွေကိုရိပ်စားမိတာမထူးဆန်းပေ။ ဘာကြောင့်ဆိုတော့ ညသာယံသွန်းဆိုတာ အလွန်အတ္တကြီးပြီး အလုပ်လုပ်ရာမှာပြတ်သားတတ်သူဖြစ်လို့ပင်။
" နှင်းစိတ်ထင်လို့ပါ ဒါနဲ့..... စီးပွားရေးကြော်ငြာတစ်ခု ဒီအိမ်ရာမှာလာရိုက်တာကို တို့တွေ့လိုက်တယ် "
" ဒီကလူတွေစိတ်အနှောင့်အယှက်မဖြစ်အောင် နှင်းခဏတာဝန်ယူပေးပါဦး..... တစ်ခုခုဆို တို့ကိုဖုန်းဆက်လိုက် ဒီမှာရှိနေမယ် "
ဒီမှာရှိနေမယ်ဆိုတဲ့နေရာမှာ လက်ချောင်းသွယ်သွယ်လေးက မသိမသာလှုပ်ရှားပြီးပြောလိုက်ဟန်က နှင်းညမြူမှုန်အမြင်မှာ အလွန်ပင်ကြည့်ကောင်းနေခဲ့သည်။ ဒါရိုက်တာချုပ်တစ်ယောက်အနေဖြင့်ရော ပုဂ္ဂိုလ်ရေးအမြင်အရပါဆိုရလျှင် ညသာယံသွန်းဆိုတာ နှင်းညမြူမှုန်စံနှုန်းထားကာလေးစားရသော လူသားလေးတစ်ယောက်ဖြစ်သည်။
" ဟုတ် မ..... စိတ်ချထားပါ နှင်းသေချာစီစဉ်ထားပါမယ် "
" ဟုတ်ပြီ ပြီးတော့..... တို့နောက်မှာပဲအတွေ့အကြုံမယူဘဲ ကနေဒါမှာကျောင်းပြီးအောင်တက်စေချင်တယ် "
" ဟုတ်..... ကျောင်းကတော့ပြန်တက်ဖြစ်မှာပါ ဟိုတယ်စီမံခန့်ခွဲရေးကိုစိတ်ဝင်စားနေလို့ ဟီး "
စကားတွေအတော်အတန်ပြောပြီးတော့ နှင်းညမြူမှုန်တစ်ယောက် အိမ်ရာဝင်းဆီကိုထွက်လာခဲ့သည်။ ထိုအနီးအနားကရေကူးကန်နံဘေးမှာ ရိုက်ကူးရေးအဖွဲ့တစ်ဖွဲ့နေရာချနေတာကို သေချာလှမ်းမြင်လိုက်သောကြောင့်ပင်။ လက်ထဲမှာi padကိုကိုင်လာကာ မီနီစကပ်အောက်ကပေါင်တံသွယ်သွယ်ကို လှပစွာလှစ်ဟပြီးလျှောက်လာလိုက်သည်။
" ဒီက ကြော်ငြာဖို့ထင်တယ် "
တာဝန်ရှိမည်ထင်ရသောလူတစ်ယောက်ထံချဉ်းကပ်ပြီး နှင်းညစကားစလိုက်တော့ နှင်းညကိုအထက်အောက်ကြည့်ကာနေသည်။ အကဲခတ်နေသည့်ပုံစံမို့ စိတ်ထဲခပ်လှောင်လှောင်ပြုံးရင်း စကားပြန်စလိုက်သည်။
" ညီမက ဒီအိမ်ရာရဲ့တာဝန်ရှိသူပါ..... "
" သြော် ဟုတ်တယ်ညီမ အစ်ကိုတို့ကြော်ငြာတစ်ခုရိုက်မလို့..... ဘာများအဆင်မပြေတာရှိလို့လဲ "
မေးတတ်လိုက်တာလို့တွေးပြီး နေပူပူအောက်မှာရပ်နေရတာမို့ နှင်းညစိတ်မရှည်စွာသက်ပြင်းချမိသည်။ စိတ်ရှိတဲ့အတိုင်းပြောဆိုလျှင်လည်း နှင်းညတို့အလွန်ဖြစ်နေဦးမည်။
" အဆင်မပြေတာထက် ဒီအိမ်ရာမှာနေတဲ့သူတွေက အေးချမ်းမယ့်ပတ်ဝန်းကျင်ကိုကြိုက်နှစ်သက်ကြတဲ့သူတွေပါ အစ်ကို..... အဲဒီတော့ အစ်ကိုတို့ဘက်က အိမ်ရာထဲကလူတွေကိုအနှောင့်အယှက်မဖြစ်စေဖို့ နည်းနည်းသတိထားပေးပါ ညီမတို့ကအလုပ်လုပ်နေကြတဲ့သူတွေလေ "
" အစ်ကိုတို့နားလည်ပြီ စက်အဖွဲ့တွေကိုလည်းပြောထားလိုက်ပါမယ်..... ညီမအခုလိုလာပြောပေးတာကျေးဇူးပါ အစ်ကိုတို့အမှားမလုပ်မိတော့ဘူးပေါ့ "
" ဟုတ် ဒါဆို ညီမဟိုဘက်မှာရှိနေမယ်..... အသံဆူညံတာတွေမရှိဖို့ အစ်ကိုတို့ဘက်ကဂရုစိုက်ပေးပါ "
ပြောပြီးသည်နှင့်လှည့်ထွက်လာခဲ့ပြီး ရေကူးကန်သန့်ရှင်းရေးဝန်ထမ်းကို နှင်းညအသာလေးလှမ်းခေါ်လိုက်သည်။ ရိုက်ကူးရေးအဖွဲ့ပြန်သည်နှင့် ရေကူးကန်ထဲကရေကိုလဲလှယ်ပြီး သေချာသန့်ရှင်းရေးလုပ်ဖို့ကိုသတိပေးနေသည်။ ကျန်သောကိစ္စတွေအတွက်လည်း သန့်ရှင်းရေးတာဝန်ခံကိုဖုန်းဆက်ခေါ်ကာ အမှိုက်တစ်စမရှိစေရေးအတွက် ကြိုတင်ပြောဆိုထားရသည်။
မလှမ်းမကမ်းကနေ ရေကူးကန်ဘေးကရိုက်ကူးရေးအဖွဲ့ကို နှင်းညလှမ်းကြည့်လိုက်တော့ လူတွေစုကာစကားရပ်ပြောနေတာကိုမြင်လေသည်။ အခြေအနေတစ်ခုခုထူးခြားနေသဖြင့် ရိုက်ကူးရေးမစတင်သေးတဲ့နေရာအား နှင်းညအာရုံစိုက်ကာအကဲခတ်နေသည်။ ဆူညံသံတွေကြားရသည်နှင့် အိမ်ရာလုံခြုံရေးအဖွဲ့ကိုခေါ်ပြီး ရိုက်ကူးရေးအဖွဲ့ကိုရှင်းထုတ်ဖို့စဉ်းစားထားသည်။ နဂိုကတည်းကလည်း အနုပညာသည်တွေကို နှင်းညအမြင်မတည့်နေတာကြောင့် ပိုလို့အာရုံစိုက်မိသည်။
" ကိုကောင်း !..... ဒီပုံစံဒီရိုက်ကွင်းမဖြစ်စေနဲ့လို့ ကျွန်မပြောခဲ့တယ်နော် မေ့နေတာလား "
ပယင်းရောင်နေကာမျက်မှန်ကိုမချွတ်ဘဲ မန်နေဂျာဖြစ်သောကောင်းဝေကို သုဆက်သျှင်နှောင်းပြဿနာရှာလိုက်သည်။ သူမမလိုချင်သောပုံစံကို စီစဉ်ထားကြသဖြင့် ဒီနေ့အဖို့ရိုက်ကူးရေးပျက်ပြီဖြစ်သည်။ သည်းညည်းမခံနိုင်သောအရာတွေထဲမှာ နားလည်မှုမရှိသောအလုပ်သဘောတွေလည်းပါပေသည်။ အတန်တန်ပြောထားသောအချက်ကို မေ့လျော့ချင်ယောင်ဆောင်သောစီးပွားရေးသမားနှင့် သုဆက်သျှင်နှောင်းနောက်ထပ်အလုပ်တွဲမလုပ်နိုင်ပေ။
" မဟုတ်သေးပါဘူး မင်းသမီးရယ် ကျွန်တော်တို့ဘက်ကကြော်ငြာခလည်းပေးရမယ် မိတ်ကပ်အဝတ်အစားကအစစီစဉ်ရမယ်ဆိုတာက တစိတ်မလွန်ဘူးလားဗျာ..... "
" စိတ်လျှော့ကြပါ..... ကျွန်တော်တို့မင်းသမီးက လက်မခံနိုင်တာမဟုတ်ပါဘူး "
မန်နေဂျာနှင့်ကြော်ငြာအပ်သူတို့ပြောနေတာကို သုဆက်သျှင်နှောင်းလက်ပိုက်ကာကြည့်ရင်း မျက်နှာတစ်ဖက်ကိုလွှဲကာရယ်လိုက်သည်။ သူမနာမည်နှင့်အောင်မြင်လာတော့မှ မန်နေဂျာကအစအချိုးမပြေသလို သူမပုံရိပ်ကိုအသုံးပြုပြီး အောင်မြင်တဲ့ကြော်ငြာဖြစ်ချင်တဲ့အလုပ်ရှင်ကလည်း တစက်လေးမှအချိုးမပြေနေချေ။
" ဒီမှာ လက်မခံနိုင်တာ လက်မခံနိုင်တာပဲ ! စကားအပိုတွေပြောပြီး အချင်းများရတာအချိန်ကုန်တယ် "
" ဟာ ဒါဆိုရိုက်ကွင်းကဘယ်လိုလုပ်မလဲ မင်းသမီး ! နည်းနည်းလေးမျှတွေးပေးလေဗျာ ကျွန်တော်တို့ကုန်ပစ္စည်းကအမြတ်သိပ်ရတာမဟုတ်ဘူး "
" အစအဆုံးစီစဉ်ပေးနိုင်ရအောင် ကျွန်တော်တို့က night skyမှမဟုတ်တာ..... ကြော်ငြာခနဲ့တင် ကုန်နေမှာပေါ့ "
" ဒါဆို တစ်ရာဖိုးသုံးပုဒ်ကိုသွားရှာလေ..... ကျွန်မက ကြော်ငြာရိုက်ပါလို့ကမ်းလှမ်းခဲ့သူမဟုတ်ဘူး "
ထိုအချိန် ရှုပ်ထွေးနေသောစကားဝိုင်းဆီကို နှင်းညမြူမှုန်လျှောက်လာလေသည်။ လက်ထဲမှာကိုင်ထားတဲ့ဖုန်းကိုချပြီး မကြာခင်ရောက်လာမယ့် အိမ်ရာလုံခြုံရေးတွေကိုစောင့်နေဖို့ စိတ်ကမရှည်ကြောင်းပြသလိုက်သည်။
" ဒီကလူကြီးမင်းတို့ စကားသံတွေဆူညံနေတာလျှော့ပေးပါ "
............................................................
DU LIEST GERADE
အချစ်ဆိုတာ ( Z + U )
Sonstigesပေးဆပ်ခြင်းရဲ့နောက်မှာ လှပတဲ့နှလုံးသားတစ်စုံတည်ရှိတယ်။ ပေးဆပ်ခြင်းရဲ့နောက်မှာ လှပတဲ့နှလုံးသားတစ်စုံတည်ရှိတယ်။
