ဟိုတယ်ခန်းမှလေသာဆောင်ကနေ အပြင်လောကကိုမေးလေးထောက်ရင်း ငွေလငေးမောကြည့်ရှု့နေသည်။ ကြယ်တွေမှိတ်တုတ်မှိတ်တုတ်နှင့်အပြိုင် တိုက်တာတွေမှနီယွန်မီးရောင်တွေဟာ ခပ်မှုန်မှုန်သာမြင်ရတဲ့လမ်းမပေါ်ကကားမီးရောင်တွေနည်းတူ ညကိုသက်ဝင်လှုပ်ရှားစေသည်။
ပိုးသားညအိပ်ဝတ်စုံအဖြူ ရောင်ကို ခါးမှာကြိုးလျော့လျော့ချည်နှောင်ထားဟန်က ပတ်ဝန်းကျင်ကအလင်းရောင်တွေအောက်မှာ ငွေလကိုဆွဲဆောင်မှုရှိစေတဲ့သော့ချက်ဖြစ်သည်။ လောလောလတ်လတ်ပြောင်းလဲထားတဲ့ ခရမ်းနက်ရောင်ကေသာကို လက်ဖြင့်ထိုးဖွကာသပ်တင်လိုက်ပြီး နောက်ကျောဘက်မှခြေသံကြောင့် ငွေလနှုတ်ခမ်းပါးလေးဟာအလိုလိုကွေးညွတ်လာသည်။
" ကော်ဖီမရှိတော့ ဝိုင်လည်းဖြစ်တယ်မဟုတ်လား ယာယာ..... "
ဤအမည်နာမအားနာမ်စားတစ်မျိုးတပ်ကာ အသွင်ထူးအောင်ခေါ်တတ်တဲ့နှုတ်ခမ်းသားဆီ ငွေလအကြည့်တို့သက်ရောက်သွားသည်။ ခပ်ပေါ့ပေါ့အပြုံးတစ်ပွင့်အားအရောင်တင်ရင်း သူမမျက်နှာအားနီးကပ်စွာ ငွေလလှည့်ကြည့်ဖြစ်ခဲ့သည်။ သိပ်လှသည်မဆိုသာသော်လည်း ကပြားသွေးနှောတစ်ယောက်ရဲ့အလှဟာ တစ်မျိုးလေးတော့အမြင်ဆန်းနေတာအမှန်။
" ဖြစ်ပါတယ် မညသာယံသွန်း "
ငွေလအကြည့်စူးစူးတို့က နက်ပြာရောင်မျက်ဝန်းတစ်စုံဆီ အလိုက်မသိခစားနေမိသည်။ ပါးလျကာနီမြန်းသောနှုတ်ခမ်းဆီလည်း အလည်တစ်ခေါက်အကြည့်တွေစုန်ဆင်းရင်း မျက်ဝန်းလေးထံအကြည့်တွေပြန်ဆန်တက်လာမိသည့် ငွေလ။ ကမ်းပေးလာသောဝိုင်ခွက်အားလှမ်းယူပြီး မထိတထိဖြစ်သွားသောလက်ချောင်းလေးတွေအား မသိမသာလှမ်းကြည့်လိုက်သည်။
" မနက်ကျ ကိုယ်ပိုင်လေယာဉ်နဲ့ပဲပြန်မယ်နော် ယာယာ..... အားလုံးစီစဉ်ထားပြီးပြီ "
Night sky၏မော်ဒယ်ဖြစ်လာပြီးနောက်မှာ ကြော်ငြာရိုက်ကူးရေးတွေနှင့် နိုင်ငံအနှံ့ခရီးထွက်ဖြစ်လာခဲ့သည်။ တမင်တကာစီစဉ်ထားသလိုမျိုး ငွေလနှစ်သက်တဲ့နေရာဒေသတွေကို ရိုက်ကူးရေးအကြောင်းပြပြီး သူမအကုန်လိုက်ပို့နေသည်။ စုံစမ်းထားသလားမသိသော ငွေလနှစ်သက်တဲ့နေရာဒေသတွေကို နံဘေးမှာရှိနေသောသူမက ရိုက်ကူးရေးလို့ပြောပြီးလိုက်ပို့နေတာ Lucerneက နောက်ဆုံးခရီးစဉ်လို့ခေါ်ရမည်။
ဟိုတယ်ကနေလှမ်းမြင်နိုင်သော ပြာလွင်နေသည့် lake lucerneကလည်း မှောင်ရီသိပ်မပျိုးသေးသောညအလှမှာ ခမ်းနားလှပစွာရှိနေသည်။ အရောင်စုံအိမ်လေးတွေအဆောက်အအုံလေးတွေရယ် ရဲတိုက်ငယ်လေးတွေက ကန်ရေပြင်ကျယ်ကြီးနှင့်ပနံသင့်လှပေသည်။ ချစ်သူစုံတွဲတွေနေထိုင်လို့ကောင်းမည့် ဤမြို့လေးရဲ့အလှအပဟာ တကယ်ကိုရင်သပ်ရှု့မောစရာကောင်းစေသည်။
တစ်နေ့ကျရင် ချစ်တဲ့သူတစ်ယောက်လက်ကိုဆွဲကိုင်ပြီး အတူလာနေချင်တဲ့မြို့လေးကို အလုပ်ကိစ္စတဝက်နှင့်ငွေလရောက်လာခဲ့တာက နည်းနည်းတော့ရယ်ချင်စရာကောင်းနေမလား။ တစ်နေ့ကျရင်ဆိုသော မဖြစ်နိုင်မယ့်စိတ်ကူးလေးထဲမှာ မည်သူမှန်းမသိသေးသောလူတစ်ယောက်လက်ကိုတွဲပြီး ဤမြို့လေးဆီလာနေချင်သည့်အတွေးကလည်း အတော်လေးရယ်စရာကောင်းနေသည်။
ချစ်သူမဟုတ်သောသူမနှင့်အတူ ချစ်တဲ့သူတွေနှင့်အတူသွားချင်တဲ့မြို့တချို့ကို ငွေလခြေချခဲ့ပြီးဖြစ်သလိုနှုတ်ဆက်ခဲ့ဖူးလေပြီ။ မိသားစုနှင့်အတူဖြတ်သန်းကုန်ဆုံးချင်တဲ့ မဖြစ်နိုင်သောခရီးတွေလည်း သူမနှင့်အတူငွေလပျော်ခဲ့ရပါသည်။ နားလည်ရခက်သောအပြုအမူတွေနှင့်ရောက်လာတဲ့ သူမကိုလှမ်းခိုးကြည့်လိုက်ရင်း ငွေလစိတ်ထဲမှာမတွယ်တာမိအောင်ကြိုးစားမိသည်။
ချန်ထားခဲ့ဦးမှာပါ သွေးသားရင်းမိဘနှစ်ပါးလို။ ချန်ထားရစ်ခဲ့ဦးမှာပါ အချစ်မခံထိုက်တဲ့သူတစ်ယောက်ကို။ ချန်ထားရစ်ခဲ့မှာသေချာပါတယ် သူစိမ်းတရံတစ်ယောက်ကို သူစိမ်းတရံတစ်ယောက်ကကြင်နာပြရုံလေးပါ။ ကျန်ရစ်ခဲ့ရမှာကိုသိနေလို့ ချစ်ရမယ့်အနာဂတ်ကလူကိုလည်း မရှာမဖွေဘဲပုန်းနေခဲ့တဲ့သူလေ။ ငွေလသာယာဆိုတဲ့မိန်းကလေးမှာ ငွေကြေးဥစ္စာဓနကလွဲလျှင် ချစ်ခြင်းမေတ္တာသံယောဇဉ်တွေချို့တဲ့တယ်မဟုတ်လား။
" ယာယာ..... အတွေးလွန်နေတာလား "
နှာတံထောင့်မှမျက်ရည်စအား ဖယ်သုတ်ပေးနေသော ငွေလဘယ်ဘက်ခြမ်းမှာယှဉ်တွဲရပ်နေတဲ့သူမဆီ မထင်မှတ်သလိုငေးကြည့်မိသည်။ မမြင်သာရာညာမျက်ဝန်းအိမ်မှမျက်ရည်စကို တယုတယဖယ်သပ်ပေးနေတဲ့လက်ကို ငွေလဖမ်းဆွဲမိမှာစိုးလာသည်။ စိတ်ပူနေဟန်မျက်ဝန်းတစ်စုံရဲ့ အကြည့်လှလှအောက်မှာ ငွေလမရှုံးနိမ့်ချင်ဘူးဆိုလျှင် လှောင်ရယ်ချင်စရာကောင်းနေမလား။
ထပ်ပြီး ရုန်းမရအောင်ဆွဲနှစ်နေတာပဲ မညသာယံသွန်း.....
" ဇာတ်ညွန်းတစ်ပုဒ်မှာ အတွေးလွန်သွားတာပဲ "
ရယ်မောသလိုပြောလိုက်ရင်း နီးကပ်နေတဲ့အနေအထားကိုရှောင်ဖယ်ကာ မျက်ရည်စကိုလက်ချောင်းလေးဖြင့်ဖယ်သပ်လိုက်သည်။ ငွေလကိုငေးကြည့်နေသောမျက်ဝန်းနက်ပြာဆီကို မချိတင်ကဲဟန်ပြုံးပြလိုက်ပြီး အထဲဘက်ဆီကိုအရင်ဝင်နှင့်လာသည်။ အလည်လာသူဟာ အလည်လာသူသက်သက်မို့ ပိုပြီးတော့လည်းစွဲလမ်းမနေသင့်လေ။
" မညသာယံသွန်း အခန်းပြန်တော့မလား ငွေလအနားယူတော့မလို့ "
သူမကိုနှင်နေခြင်းဟာ ဤဟိုတယ်အခန်းထဲမှမဟုတ်ဘဲ မလေးနက်စွာနေတတ်တဲ့ ငွေလဘဝထဲကနေပါဆိုလျှင်။ ပြုံးရုံသာပြုံးလိုက်သော နီမြန်းမြန်းနှုတ်ခမ်းပါးလေးကတော့ ငွေလနှင်လိုနေခြင်းကိုသဘောထားကြီးစွာ ပြုံးပြနေခဲ့သည်။
..........................................................
အိပ်မက်ဆိုသောနာမ်စားထဲမှာ ဖမ်းဆုပ်မရသောပျော်ရွှင်မှုတို့ဟာ လှပစွာကိန်းအောင်းတည်ရှိနေသည်။ ပြေးလွှားဆော့ကစားနေသောပုံရိပ်တွေက ဝိုးတဝါးဖြစ်နေကြပေမဲ့ ပျော်ရွှင်စွာရယ်မောနေသံတွေကတော့ အတိုင်းသားရှင်းလင်းနေလေသည်။ လက်ချင်းဆုပ်ကိုင်ကာပြေးကစားနေတဲ့ ခပ်သေးသေးအရပ်နှင့် ကိုယ်လုံးငယ်ငယ်လေးတွေဟာ ရင်းနှီးသလိုနှင့်မရင်းနှီးသောပုံရိပ်တွေပင်။
" မမရေ မမ..... ပူဖောင်းတွေမှုတ်ရအောင် ပူဖောင်းတွေ..... ဟီး ဟီး မမဒီကိုလာ "
ပျော်စရာကောင်းတဲ့ပုံရိပ်လေးတွေထဲမှာ ကလေးငယ်တစ်ယောက်အဖြစ် ခဏတာလှုပ်ရှားသက်ဝင်ရင်း မည်သူမှန်းမသိသောလက်သေးသေးလေးအား မလွှတ်တမ်းဆုပ်ကိုင်ကာပြေးလွှားဆော့ကစားနေခဲ့သည်။ သိသလိုနှင့်မသိကျွမ်းသောဝန်းကျင်တစ်ခုမှာ မမြင်ရသောမျက်နှာငယ်လေးထံမှအပြုံးအား နှစ်လိုစွာငေးမောကာကြည့်ရင်း ပျောက်ကွယ်နိုင်မည့်ဆပ်ပြာပူပေါင်းတွေလို လိုက်လံဖမ်းဆွဲချင်လာသည်။
မပျောက်ကွယ်သွားဖို့တောင်းဆိုရတာက ထင်သလောက်မလွယ်ကူဘူးဆိုတာကို ဥပေက္ခာတွေနှင့်အသားကျနေတဲ့သူအဖို့ အလွတ်ရနေတဲ့အဖြေတစ်ခုလိုဖြစ်နေသည်။ အလွန်ကွာခြားခြင်းမရှိတဲ့တွဲလက်ငယ်တစ်စုံဟာ တဖြည်းဖြည်းမှုန်ဝါးလာခဲ့ပြီး ပျော်ရွှင်စွာရယ်မောနေသောအသံတွေဟာလည်း ပျောက်ကွယ်တိုးရှသွားကာ အိပ်မက်ဆိုးတစ်ခုထံအလည်ရောက်ရှိသွားသည်။
" ဒါဘာတွေဖြစ်ပျက်နေတာလဲ !!! ဆည်းလည်းစွေ မင်းကွာ "
မည်သူမှန်းမသဲကွဲသောအမျိုးသမီးတစ်ယောက်နှင့် မိခင်ဖြစ်သူတို့ဖက်လဲတကင်းနမ်းနေကြတဲ့မြင်ကွင်းကို ဖခင်ဖြစ်သူနှင့်အတူအိမ်ထဲဝင်လာတဲ့ကလေးငယ်လေးဟာ ငါးနှစ်အရွယ်အသိဥာဏ်လေးဖြင့်ပင် မကောင်းသောအရိပ်အခြည်ကိုခံစားမိနေခဲ့သည်။
" ပြန်လာတာစောသားပဲ "
မည်သည့်နာမ်စားမျှမသုံးစွဲဘဲပြောလာသော မိခင်ရဲ့ခပ်အေးအေးစကားသံကို ငါးနှစ်အရွယ်အသိဖြင့် နားလည်ဖို့ခက်စွာလိုက်ကြည့်နေသည်။ လက်သီးကိုကျစ်ကျစ်ပါအောင်ဆုပ်ထားသော ဖခင်ဖြစ်သူကတော့ မိခင်ဖြစ်သူနှင့်အနောက်မှအမျိုးသမီးအား စူးဝါးစွာစိုက်ကြည့်လျက်ရှိသည်။
ကျော့ရှင်းသပ်ရပ်သောအမည်မသိအမျိုးသမီးဟာ မီးစပျိုးလျက်ရှိနေပြီဖြစ်တဲ့ရန်ပွဲအား မမှိတ်မသုန်ကြည့်လျက် နာကျင်ဟန်ပြုံးပြလာလေသည်။ စကားအချေအတင်တွေကြားမှာ ကြားယောင်နေတဲ့စကားတွေဟာ သဲကွဲစွာမရှိနေတော့ဘဲ မြင်ကွင်းတွေဟာမှုန်ဝါးထွေပြားလျက် နာကျင်စရာသာကောင်းနေတော့သည်။
" ယာယာ ယာယာ..... ယာလေး အိပ်မက်မက်နေတာလား ယာလေး မမခေါ်နေတယ်လေ "
ဖျတ်ကနဲပွင့်လာသောမျက်တောင်တစ်စုံအောက်မှာ မျက်ရည်စတို့ခိုတွဲသီနေကာ ကြည်လင်စပြုလာတဲ့မျက်ဝန်းရှေ့၌တော့ နီးကပ်နေသောကရုဏာအပြည့်နှင့်အကြည့်လေးတည်ရှိနေသည်။ ဒါဟာဘယ်လိုအခြေအနေလဲဆိုတာ တွေးတောရန်ခဲယဉ်းနေသလို အိပ်မက်ဆိုးထဲကဆွဲခေါ်လာတဲ့စကားသံအလွန်မှ ထူးဆန်းသောစကားလုံးတွေအားလည်း နားလည်ရန်ခက်လို့နေလေသည်။
တိမ်တိုက်တွေကြားပျံသန်းနေသော ကိုယ်ပိုင်လေယာဉ်တစ်စင်းပေါ်မှာ အသံတိတ်လှုပ်ရှားသွားသောခံစားချက်ပဟေဠိတို့က မျက်ဝန်းအကြည့်တွေကြားယှက်ပြေးနေသည်။ အိပ်မက်ဆိုးကလန့်နိုးလို့အခုန်မြန်နေသော ရင်ဘတ်ထဲကခုန်နှုန်းရိုက်ခတ်သံဟာ ကိုယ်တိုင်ပြန်ကြားစေလောက်အောင် ကျယ်လောင်နေခဲ့သည်။
" အိပ်မက်ဆိုးမက်နေတာပါ မငိုပါနဲ့..... "
တိမ်တိုက်တစ်ခုနှင့်တိုက်မိလို့လေယာဉ်သိမ့်ကနဲဖြစ်တာလား။ ကယောက်ကယက်အိပ်မက်ကနေနိုးထလာစလူတစ်ယောက်ရဲ့ စိတ်ထဲကမူးဝေကာတုန်လှုပ်ခြင်းတွေလားမသိပေ။ ရင်ဘတ်ထဲအဆမတန်ခုန်လွန်နေတဲ့မောဟိုက်ခြင်းတွေကြား ငွေလသာယာရဲ့နှုတ်ခမ်းလေးဟာ အလိုလိုပွင့်ဟကာငေးကြောင်ရင်းရှိနေတာတော့သေချာနေခဲ့သည်။
...........................................................
လေဆိပ်ကနေထွက်လာကြတဲ့အချိန်မှာလည်း အရေးတယူရှိလွန်းတဲ့အပြုအမူတွေကြောင့် နေရခက်သလိုဖြစ်လာသည်။ ငွေလလက်ကိုလာဆွဲကိုင်တဲ့သူမအပြုအမူက ပိုင်စိုးပိုင်နင်းဆန်တယ်လို့ထင်ရပေမဲ့ နွေးထွေးမှုကိုခံစားမိနေသည်။ မည်သူတစ်ဦးတစ်ယောက်ဆီကမှမရရှိဖူးသော ထိုအနွေးဓာတ်ငွေ့ငွေ့လေးထဲမှာ မေတ္တာတရားတွေပါစီးဝင်နေရင်ပိုပြည့်စုံမည်ထင်သည်။
မဖြစ်နိုင်တာတွေပါ ငွေလရယ်.....
မချင့်မရဲအတွေးစငယ်လေးက ငွေလစိတ်အတွင်းမှာဖြစ်ပေါ်သွားပြီး ခပ်ဖျော့ဖျော့လေးပြုံးလိုက်သည်။ အပြင်မှာသာအချိန်ကုန်တတ်တဲ့မိခင်နှင့် အပျော်မယ်တွေအိမ်ခေါ်ပြီးပျော်ပါးတတ်တဲ့ဖခင်ကြောင့် မေတ္တာတရားကိုတောင်မေ့လျော့နေခဲ့ပြီ။ အကောင်းဆုံးသောသရုပ်ဆောင်စွမ်းရည်ဖြင့် ချစ်ခြင်းမေတ္တာကိုပုံဖော်ရိုက်ကူးခဲ့ပေမဲ့ ဗလာကျင်းနေတဲ့သရုပ်ဆောင်တစ်ယောက်ရဲ့စိတ်ပင်မဟုတ်လား။
အသင့်လာကြိုနေသောကားအတွင်းကို သူမရယ်ငွေလရယ်ကအနောက်ခန်းမှာနေရာယူလိုက်ပြီး လေဆိပ်၏ဆန့်ကျင်ဘက်အရပ်ကိုမောင်းနှင်သွားသည်။ မျက်လုံးမှိတ်ကာအနားယူရင်းလိုက်လာသော ငွေလတစ်ယောက် ဘေးနားကလူတစ်ယောက်ကြောင့် ဝေခွဲမရသောစိတ်ခံစားချက်တွေကို နားလည်နိုင်ရန်ကြိုးစားနေမိသည်။ ယခုထိတိုင်နွေးထွေးနေသောဘယ်လက်လေးကို ညင်သာစွာဖွဖွလေးဆုပ်ကြည့်ရင်း သက်ပြင်းငယ်တစ်ခုနှင့်အတူ ငွေလမျက်လုံးလေးပွင့်လာသည်။
" နေလို့ကောင်းရဲ့လား ယာယာ "
နားထဲကိုစီးဝင်လာတဲ့စကားသံလေးက မေတ္တာဓာတ်တွေထုံလွှမ်းနေသလို ချိုမြသာယာလွန်းလေသည်။ မျက်တောင်မခတ်ဘဲငေးကြည့်မိတဲ့ ငွေလမျက်ဝန်းလေးထဲမှာ အဖြေရှာမရခြင်းတွေဖြစ်ပေါ်နေသလို သူမ၏အပြုအမူတွေကိုစွဲလမ်းစပြုလာသည်။
လိုတာထက်ပိုပြီးဂရုမစိုက်ပါနဲ့လား.....
မွန်းကျပ်လာသောလေထုကြောင့် အိတ်ကပ်ထဲကvapeအားထုတ်ပြီး အဆုတ်ထဲထိရောက်အောင် ခပ်ပြင်းပြင်းစုပ်ယူဖွာလိုက်သည်။ ပြန်မှုတ်ထုတ်လိုက်သောဖြူလွလွအငွေ့တွေထဲ စိတ်ရှုပ်ထွေးရခြင်းတွေပါသွားဖို့ကို ငွေလမျှော်လင့်သည်။ ကားအတွင်းသင်းပျံ့သွားသော စတော်ဘယ်ရီရနံ့လေးက သူမဝယ်ပေးထားတဲ့အတိုင်းရှိနေသည့်ဆေးရည်လေးဆိုတာ တကူးတကဝန်မခံချင်နေပေ။
" ဘာလို့ဂရုစိုက်နေတာလဲ မညသာယံသွန်း "
အချိုးမပြေသောမျက်နှာထားကတော့ ငွေလ၏မူပိုင်အပြုအမူပေမို့ ထူးပြီးတော့လည်းပြောင်းလဲမနေချင်ပါ။ အေးစက်ထုံထိုင်းနေသောစိတ်တို့က ငယ်ရွယ်စဉ်ကလေးဘဝကတည်းက အသားတကျရှိသွားခဲ့တာမို့လို့ သူမဆီကဂရုစိုက်မှုတွေလက်မခံချင်ပေ။ ဟန်ဆောင်အပြုံးတုတွေကြားထဲမှာ ကောင်းစွာနေထိုင်အသားကျနေတဲ့ငွေလအတွက် ကျရှုံးပြိုလဲစေမယ့်ခံစားချက်တွေကိုငြင်းဆိုချင်ပါသည်။
ခပ်ရေးရေးပြုံးလိုက်သောသူမအပြုံးတစ်ပွင့်တောင် သိပ်နူးညံ့လွန်းနေခြင်းက ငွေလစိတ်ကိုချိုးနှိမ်နေသလိုဖြစ်လာသည်။ သူမရပ်ဝန်းကနေငြင်းဆိုပြေးထွက်ချင်ပေမဲ့ ဒီနေရာကိုသာပြန်ရောက်လာတဲ့ ဝင်္ကပါကမ္ဘာထဲမှလူတစ်ယောက်က ငွေလပါလို့ဝန်မခံချင်လို့ဖြစ်မလား။ သူမဂရုစိုက်တာတွေကို ထင်ယောင်ထင်မှားမဖြစ်စေဖို့ ငွေလစိတ်ကိုတင်းခံနေနိုင်အောင် ကြိုးစားလို့ရနိုင်မလား။ မိဘဆီကတောင်မရရှိခဲ့တဲ့နွေးထွေးမှုကို သူစိမ်းတစ်ယောက်ဆီမှာရှာတွေ့မှာ ငွေလစိုးရွံ့နေသည်။
" မနက်ဖြန်တစ်ရက်နားလိုက် ယာယာ..... မျက်နှာချောင်ကျနေပြီ "
ဒီအပြုအမူတွေ နူးညံ့တဲ့ဒီအပြုအမူတွေက တဖြည်းဖြည်းစိတ်ထဲငြိတွယ်လာခဲ့ပြီ။ ဟန်ဆောင်ခြင်းနှင့်အသားကျနေတဲ့လူတစ်ယောက်ကို ဂရုစိုက်မှုတွေလာပေးနေတဲ့သူမက ဘယ်လိုအမျိုးသမီးများလဲ။ လိုအပ်နေတဲ့နွေးထွေးမှုတွေကို ငွေလလိုလူတစ်ယောက်ဆီ သူမဘာကြောင့်ပေးနေခဲ့တာလဲသိချင်သည်။ ချစ်ခြင်းမေတ္တာကိုမယုံကြည်တဲ့လူသားတစ်ယောက်က လှောင်ပြုံးတစ်ပွင့်ကိုချိတ်ဆွဲထားတတ်တဲ့အခြေအနေကနေ မှင်သက်ငေးမောမိတဲ့အဖြစ်ကိုရောက်နေခဲ့ပြီလား။
" ငွေလလိုလူနဲ့ မကောင်းသတင်းမထွက်ချင်ပါနဲ့ မညသာယံသွန်း "
ငွေလ၏ဘယ်ဘက်ခြမ်း၌ထိုင်နေသောသူမက ငွေလညာဘက်ပခုံးကိုထိတွေ့ကာ နီးကပ်လာတဲ့အနေအထားမှာ အသက်ရှုမမှားရန်ထိန်းရသည်ကပင်ပန်းလွန်းသည်။ ကိုယ့်ကိုကိုယ်လိမ်ညာငြင်းဆန်နေပေမဲ့ ငွေလစိတ်ကိုသူမနေရာယူထားပြီဆိုတာ ငြင်းဆန်နေသော်လည်းသေချာနေခဲ့ပြီ။ ဘယ်သူ့အမြင်ကိုမှအလေးမထားတဲ့ငွေလက သူမအတွက်ကိုစိတ်ပူကာ ပတ်ဝန်းကျင်ကိုဂရုစိုက်တတ်တဲ့လူတစ်ယောက်ဖြစ်နေခဲ့ပြီ။ လက်သီးဆုပ်လေးကတင်းကျပ်နေပြီး စိတ်တွေရှုပ်ထွေးကာ ရင်ဘတ်ထဲလည်းတင်းကျပ်လာသည်။
" ကားဒရိုင်ဘာက တို့လူယုံပါ..... သေချာတာတော့ တို့လူယုံတွေက နှုတ်မဖွာတတ်ဘူးရယ် "
" ရှင်ပြောရတကယ်ခက်ပါလား "
စိတ်ပျက်သလိုလေသံလေးဖြင့် သူမစကားကိုအကြည့်လွှဲရင်း ငွေလတုံ့ပြန်မိသည်။ သူမကတော့ နှုတ်ခမ်းပါးနီနီကိုကွေးညွတ်ကာ အလှပဆုံးနှင့်အနူးညံ့ဆုံးပြုံးပြနေရဲ့။
" ခေါင်းမာတတ်တဲ့ကလေးတစ်ယောက်ကိုတော့ တို့တကယ်မမီသေးပါဘူး..... "
" ငွေလက အရွယ်ရောက်လူတစ်ယောက်ပါ "
" တို့စိတ်ထဲမှာတော့ မပြောင်းလဲသေးတဲ့ကလေးဆိုးလေးတစ်ယောက်ပဲ "
ငွေလဆီကိုရောက်လာတဲ့သူမကို နှစ်လအတွင်းငြိတွယ်သွားမိတာက ဒီဂရုစိုက်မှုတွေကြောင့်ဆိုလျှင် အတတ်နိုင်ဆုံးရုန်းထွက်ရတော့မည်။ မတိုးလည်းမတိုးသာမဆုတ်လည်းမဆုတ်သာတဲ့ အခြေအနေတစ်ခုထဲမှာလည်း တဝဲလည်လည်မနေထိုင်ချင်ပေ။ ရှေ့ဆက်ပြီးလှမ်းဖို့ဆိုတာလည်း အတုအယောင်တွေနှင့်သာအသားကျတဲ့သူမို့ သူမထံကဂရုစိုက်မှုတွေက ငွေလနှင့်မအပ်စပ်တဲ့ခံစားချက်တွေဖြစ်နေသည်။
" မမရောက်လာတာနောက်ကျသွားတယ် ယာလေး..... "
...........................................................
KAMU SEDANG MEMBACA
အချစ်ဆိုတာ ( Z + U )
Acakပေးဆပ်ခြင်းရဲ့နောက်မှာ လှပတဲ့နှလုံးသားတစ်စုံတည်ရှိတယ်။ ပေးဆပ်ခြင်းရဲ့နောက်မှာ လှပတဲ့နှလုံးသားတစ်စုံတည်ရှိတယ်။
