"كرم..كرم " تحدثت سما
" ايوا " ذهب اليها بعدما انتهى من تصوير المشهد
" انا عايزة اعترفلك اعتراف " تحدثت بخجل فابتسم هو بسعادة " ايه قولي " تحدث وقلبه يخفق
" انا بحب وائل" تحدثت بابتسامة خجولة وهى تنظر في الارض
اما هو فتبدلت تعبيرات وجهه للصدمة كان يمضغ علكة حينما فتح فمه بذهول فهو كان يعتقد انها تحبه هو من نظراتها له وتقربها منه
" وائل! " تحدث بذهول
ابتسمت " ايوا "
تنهد ونظر اليها بخيبة امل وحدث نفسه " هو المنحوس منحوس " ثم حدثها " بلاش وائل"
" ليه يا كرم!..انا جايالك عشان تكلمني عنه تعرفني اقربله ازاي"
امسك بكتفيها ونظر لعيناها " بصي يا سما انتِ واحدة طيبة وبنت حلال واسمعي مني نصيحة بلاش وائل "
" اشمعنا!؟..ده انت صاحبه حتى! " تحدثت بذهول
" يا حبيبتي بلاش!..افهمي " زفر بضيق فهو لا يريد تشويه سمعة صديقه ثم اردف " انتِ تستاهلي واحد احسن منه "
" ليه!! " تحدثت بضيق
" عشان هو مش بتاع جواز من الآخر كدة "
" يعني ايه مش بتاع جواز!؟ "
" يعني هو مش بتاع جواز وملهوش في الحب والجو ده هو ناشف يا ستي افهمي بقى "
نظرت اليه بشرود وحزن " بس انا بحبه "
" صدقيني انا خايف عليكي قلبك هيتكسر ده حجر مبيفرقش معاه حاجة خليكي كدة احسن لغاية ما تلاقي ابن الحلال الي يستاهلك "
تنهدت ونظرت بالاسفل وذهبت من امامه
" نفسي اعرف بيعملهم ايه!..هو كدة القط مبيحبش إلا خناقه "
ذهب وجلس بجانبه " مين العروسة الجديدة " تحدث بملل
" لا فيه عروسة ولا زفت اليوم كان زي القرف النهاردة "
" حصل ايه!؟ "
قص عليه ما حدث
" انت معندكش قلب!!..يخربيتك انت ايه يا اخي! " تحدث بانفعال
" ما تفضحني احسن؟ " نظر اليه بحدة ثم تابع " هى الي بتستهبل وعاملة فيها ام العريف وفاكرة انها كدة هتوقعني "
" لا هى حبتك بجد هى مكانتش شبه الي تعرفهم يا وائل!"
"اعملها ايه؟..قولي اعملها ايه!..هى الي غبية! "
" انا مش هرد عليك "
" احسن بردو " تحدث ببرود وقرر العودة لمنزله ومعه كرم ليقضيان الوقت سويا عندما لفتت انتباهه تلك الفتاة اللطيفة التي تقف على الرصيف تحاول المرور بخوف ولكنها تتراجع مجددا
