" انا هسيبك ترتاحي دلوقتي انا عارف انك مصدومة وهنتكلم بعدين "
" مفيش كلام خلاص " هرولت للغرفة واغلقت الباب وضعت يدها على بطنها واغمضت عيناها بألم
" اه " تسارعت انفاسها وهى تصرخ بألم
" الحقني يا وائل" تحدثت بصراخ فهرول اليها
" مالك فيه ايه!؟ " تحدثت بقلق
" بطني هتموتني وديني المستشفى..ااه" صرخت بألم فحملها بسرعة للسيارة وذهبوا للمشفى
" خير يا دكتور؟ " تحدث بقلق
" الي هى فيه ده مش عضوي ده الم نفسي اثر على جسمها بالسلب خلي بالك لو نفسيتها فضلت تعبانة كدة وحزينة ممكن الاطفال يتولدوا بعيوب خلقية والحالة النفسية الي هى فيها دي مش في مصلحتها ولا مصلحة الولاد "
" تمام يا دكتور شكرا " تنهد بضيق وذهب للداخل
" عاملة ايه دلوقتي؟ " تحدث بحنو وامسك بيدها فسحبتها
" كويسة..هنام شوية لو سمحت " تحدثت واغمضت عيناها
اخذ نفسا عميق وحدث نفسه " حقك تعملي اكتر من كدة اومال لو عرفتي حوار التحرش..يارب خلي قلبها يلين وتسامحني انا مش هقدر اعيش بعيد عنها بس انا السبب انا الي عملت ده كله في نفسي بغبائي " ظل يراقبها حتى ذهبت في النوم اخذها فرصة للاقتراب منها ملس على شعرها وامسك بيدها وهمس بأذنيها
" بحبك يا لين..عارف ان حقك متسامحينيش وانها بوخت اوي واننا عمرنا ما هنرجع زي زمان..بس انا نفسي تسامحيني..مينفعش نحاول من الأول؟..انا عارف اني اناني بس انا بحبك اوي " كان يتحدث بندم وبنبرة حزينة منكسرة وهى تستمع اليه وتحاول منع دموعها قبل جبهتها وملس على بطنها
" انا اسف يا حبايبي..صدقوني انا مبسوط انكوا هتيجوا وبحبكوا عشان انتوا بذرة حبنا..بس خايف مبقاش عايش معاكوا بسبب غلطتي خايف اوي " قبل بطنها وامسك بيدها مجددا واغمض عيناه فتحت هى عيناها ونظرت إليه وحدثت نفسها
" كان نفسي نعيش مبسوطين نفسي افهم ليه عملت كدة؟..انا قلبي واجعني اوي ونفسيتي بقت زي الزفت نفسي نرجع بالزمن لورا اول مرة شوفنا بعض فيها ونبتدي من اول وجديد نفسي اقدر اسامحك وانسى الي عملته فيا عشان انا لغاية دلوقتي بحبك وقلبي بيدق بس لما بشوفك..وتخيل!..رجعت حسة بالأمان تاني عشان بقيت معايا رغم كل الي عملته " هربت دمعة من عيناها وظلت محدقة بالحائط قليلا ثم وضعت يدها على يده
" وائل "
" ايه..انتِ كويسة؟ "
" عايزة اروح "
" حاضر يلا " اسندها وذهب بها للسيارة وعادوا للمنزل
" انا زهقت من القاعدة في البيت والسرير هخرج اشم هوا..لوحدي!..ومش هتكلم معاك في اي حاجة حصلت عشان انا مبقتش قادرة كفاية الي حصل النهاردة "
