جمعنا قدر ولكن على وش نقدر؟

1

"الـبـارت الاول"
•
•
في المملكة العربية السعودية و و تحديدًا في الرياض
•
{قبل ثلاث سنوات.....}
•
في بيت ابو عبدالعزيز
الي كانت تعمه الفرحه بيوم عيد الفطر المبارك و كانت جميع افراد العايله متواجده و الضحكات بكل مكان...
أم عبدالعزيز بفرحه:عزوز روح لخالتك تبيك يا أمي ازعجتنا تبي تشوفك هههههههههههههه
عبدالعزيز الي ما كان يحب خالته سلوى: افففف طيب بروح اشوف أصيـلة واجي(أصيـلة هي مهرة عبدالعزيز و كان مره يحبها و اصبح خيال بعمر الـ8 سنوات)
ام عبدالعزيز بضحك:ولليل ذا الاصيلة بتذبحك من كثر حبك لها
عبدالعزيز ضحك و وطلع من المطبخ و توجه للاسطبل حق اصيلة الي كانت هديه ابوه له
.....
في مجلس الرجال
أبو عبدالعزيز بضحك:والله يا خالد عزوز كبر و صار رجال و ودي ازوجه شموخ
خالد ضحك:لا ماني بزوجه
عبدالعزيز حس بنغزاتهم له و قال بمزح:الله من زينها عاد بنات الحلال واجد و بكمل دراستي ازين لي وش ابي بشقاء
قال ابو سامر:اجل بزوجك بنتي
عبدالعزيز بطفش:أقول بروح شوفو مساعد ههههههه
مساعد صرخ:ولددد شدخلني
الكل:
ههههههههههههههههههههههههههههههههههههههههههه
عبدالعزيز بسخريه: و بعدين عمري 16 ترا وين كبرت لا إله الا الله مدري شتشوفون
انتهى العيد و بدا يفضى بيت ابو عبدالعزيز من الناس
......
في غرفة لياء
لياء و هي تتصل بحماس على عبدالعزيز:رد رد رد
عبدالعزيز رد:هــلا شتبين
لياء بفرح:أخيرًا اسمع سويت خطه حلوه وينك ؟؟
عبدالعزيز ضحك:وش ذا الخطه؟
لياء تبي تحمسه:اذا جيت علمتك
عبدالعزيز بضحك:تو بدخل للعيال بكلمك بعدين
قفلت و هي متحمسه
•
عند عبدالعزيز الي طلع لاخوياه الي كانو من فئه الاغنياء
عبدالعزيز دخل:سلام عليكم
الكل:
وعليكم السلام
فادي:ولكم ما بغيت يا حلو
عبدالرحمن:يا رجال تعال تعال اجلس
عبدالعزيز بضحك:طيب
و بدو لعب و سوالف و ضحك و طقطقه و عبدالعزيز كان من النوع الفرفوش و روحه خفيفه مره مع الكل
•
{و بعد ساعه}
•
في بيت ابو عبدالعزيز | غرفه لياء
دخل عبدالعزيز ببتسامه:ايـه وش عندك ؟؟
لياء ضحكتت بحماس و قامت تنطط:اسمع بنسوي حفله صغيره و بصرف امي و ابوي و نفاجئهم
عبدالعزيز بسخريه:بالله عليكي؟؟! وش المناسبه يا هطفه
لياء بفرح ولمعه حماس بعيونها:اني احبهممم و نبي نسعدهم
عبدالعزيز ما يبي يكسرها:تمممم بجيب الاغراض من الباب الخلفي و صرفي امي و ابوي
لياء بفرحه:كففكك
عبدالعزيز الي قام يقفز معها:يااايي
......
و في المجلس
جالسين ام عبدالعزيز و ابو عبدالعزيز يتقهون دخلت عليهم لياء:ابوي الغالي امي الغاليه اطلعوا تمشوا مع بعض شوي
ابو عبدالعزيز بمزح:تطرديني من بيتي؟!!ههههههههههه
ام عبدالعزيز:ليش يمك عسى ما فيه شيء؟؟
لياء بضحك و هي تسحبهم و تعطي امها العبايه:تكفون لا تخربون المفاجئه باسئلتكم ضحكوا و طلعوا و هم ما يدرون وش كان بنتظارهم
•
{و بعد نص ساعه...}
•
في غرفة عبدالعزيز
كان يتعطر و يتضبط بعد ما جاب كل شيء و رتبته لياء و العاملات
لياء دخلت ببتسامه:شرااايييكك؟؟
عبدالعزيز و هو يدورها:الله الله على اختي المزيونه
لياء ببتسامه :حتى انت مزيون بس بعلمك شموخ تجنن تزوجها اذا كبرتو
عبدالعزيز بطفش:انتو وش ضاركم لقعدت بدون طاري الزواج دقيقه؟؟ ترااا صغيييررر والله بزررر انا
لياء طفست من الضحك على شكله: ترا احنا مخططين عليك كذا عشان نرفع ضغطك
عبدالعزيز وهو يطلعها و يطلعون من الغرفه:اذلفي اذلفي
•
و عند ابو عبدالعزيز و ام عبدالعزيز
ابو عبدالعزيز يغني و منطرب و كان ماسك يد ام عبدالعزيز و يضحكون و يغنون و ولكن و فجاءه و على غفله من ابو عبدالعزيز انحرفت تريله بنزين عن خطها و صرخه ام عبدالعزيز برعببببب لما انتبهت و كانت اخر كلمه لها هي ناييييييففففف و كان حادث شنـيـع بمعنى الكلمه
•
و عند لياء و عبدالعزيز
الي ينتظرون و طولوا اهلهم مره ولا لهم حس ابدا
عبدالعزيز بضيق:وين راحو طولو مره
لياء بضحك:شكلهم بفندق هههههههه
عبدالعزيز بسخريه:اقول المسلسلات قاطعيها تأثيرها واضح
لياء:اقول اتصل اتصل
عبدالعزيز جاه شعور شين بس يحاول يتجاهله :اتصلت بس ما يردون
لياء:جرب مره ثانيه
عبدالعزيز يتصل...رد شخص:الو؟؟
عبدالعزيز نغزه قلبه:الو مين معي؟؟!
الشخص:انت تقرب لصاحب الهاتف؟
انصعق عبدالعزيز لما سمع صوت الاسعاف بس حاول يهدا:ايوه ليش؟
الشخص:تمام اجل تعال للمستشفى
عبدالعزيز بصوت مرعوب:وش صاير!
الشخص:لا لا بس الجوال ضايع و لقيته
عبدالعزيز هداء بس ما راح الشعور:اها تمام جاي
لياء برعب:عبدالعزيز شسالفه وين بتروح؟؟!
عبدالعزيز راح يجيب مفتاح سيارته: ما فيه شيء ابوي ضيع جواله بروح اجيبه لا تفتحين لاحد
لياء وقفت بقلق تراقب طلوع عبد العزيز
•
و في المستشفى
دخل عبدالعزيز و شاف عمه خالد متلطم بشماغه و جالس بحزن و هنا انهد حيل عبدالعزيز حس فيه شيء
خالد نزلت دموعه لما شاف عبدالعزيز و قال بصوت متقطع:تعال و انا عمك تعال
عبدالعزيز راح يمشي بثقل و قال:وش صار
العمه ريم و هي تشهق: عزوز امك و ابوك صار لهم حادث
عبدالعزيز صرخ بصدمه:شلووون وش صار لهم فيهم شيء؟؟؟!!!
هنا ضاقت الدنيا بخالد و ريم كيف ينقلون له خبر وفاتهم؟
العمه ريم بحزن:اهداء انت الحين
خالد حط يدينه على راسه و قال:عبدالعزيز عظم الله اجرنا و احسن الله عزانا فوزية و نايف راحوا لرب اعظم مني و منك الله يرحمهم و وفاتهم كانت فوريه الحادث قوي
عبدالعزيز بصدمه:نعم؟هـاااه
ريم:تصبر خلك قوي
عبدالعزيز طاح من طوله بين يدين عمته و قال بحزن:هـا؟ وشلون صار كذا و متى !!!!
و بدا يبكي و يصرخ و الكل يحاول يهديه لكن بدون فائدة عبدالعزيز فقد السيطره على حزنه و دموعه...
و بعدها عبدالعزيز راح مع عمه يشوفونهم قبل يدخلونهم الثلاجه و لكن عبدالعزيز ما تحمل المنظر الي شافه و طاح منهار كان وجه ابوه مشوه و و امه كانت مثل الشرشف الابيض كانت بيضاء شاحبه و لما لمس خدهـا كان بارد بس راسها و باس راس ابوه و طلع منهار بس ساكت لاحظت ريم وجهه و قالت:عبدالعزيز تحمل تكفى
عبدالعزيز بصوت فيه الغصه:كيف اتحمل يا عمه و أمي في ذاك البرد لمستها بارده زي الثلجه بعد ما كان دفاها يحتويني
حضنته ريم و صارو يبكون سوا قومهم خالد و راحو للمصيبه الكبرى لياء
•
و عند لياء
دق جرس البيت
لياء بفرح:جااايه و فتحت الباب
لياء تلاشت ابتسامتها:عزوز وش في وجهك؟
عبدالعزيز ما كلمها و دخل غرفه امه و ابوه و طاح يبكي على سريرهم و ارتفع صوت بكائه
لياء بخوف:هـذا صوت بكى عبدالعزيز ؟!!!!
ريم مسكتها بحزن:لياء خليه و اسمعينا
شموخ دخلت تشهق و عيونها متنفخه من كثر البكى و قالت ببكى:يبه شلون ماتوا كنا مع بعض الليلة و انهارت بكى
لياء بفجعه:مين مات
خالد بتعب:لياء انتي الكبيرة و ابيك تهدين و تسمعين ابوك و امك صار لهم حادث و ماتوا الله يرحمهم و يعوضهم الجنة
لياء بصدمه:هـا؟!!لحظه لحظه انا ارسلتهم يتمشون شوي عشان نجهز حفله صغيرة وشلون ماتوا؟!
ريم حضنتها و جلسوا
لياء بدت تدرك ان الوضع حقيقي و انهارت بشكلٍ سيء مره جا عبدالعزيز بحاله المزري وجهه الي تعب من كثر الصياح
و شموخ الي كانت تحب عمها نايف و عمتها فوزيه و انهد حيلها بشوفت عيال عمها الي صارو ايتام...
•
و قام العزاء ببيت ابو عبدالعزيز
و قامت العمه مع العاملات بتفريغ البيت من اي شيء يرجع لامهم و ابوهم و كانت لياء بحضن خالتها تبكي بشكل يكسر الخاطر و عبدالعزيز بالمجلس و كان في حاله ركود و كانت ملامحه باهته و من يومين ما اكل شيء و حالته حاله لكنه يقاوم بدعاء و قراه القران و كان قلبه يتقطع من حزنه و كان يحاول انه ما يخلي لياء تنجرف ورا اعمال الشيطان و تضن انها هي السبب و لازم تعرف ان هذا قضاء و قدر و المكتوب هو الي يصير...
بعد مرور شهرين على هذا الحال المحزن المرير الي مر فيه عبدالعزيز و لياء...
•
في بيت عبدالعزيز | الصاله
خالد:انا قررت قرار و ابي شوركم فيه اذا موافقين او لا
عبدالعزيز:وش هو
خالد:تبون نبيع بيتي و بيتكم و نستقر بديره بالجنوب؟؟
لياء بضيقه:الشور لك يعمي و بكيفك
عبدالعزيز:رايي من راي لياء
خالد بفرح:اجل خلاص بنستقر بالجنوب بين اهلنا و قبيلتنا و فلوس البيت بتتحول لحسابس يا لياء
لياء:تمام
عبدالعزيز:و متى الوقت
خالد:يناسبكم اسبوع؟
عبدالعزيز : خلاص اجل
خالد بتردد و هو مدرك تماما لحُب عبدالعزيز لأصيلة:ودك يا عبدالعزيز نبيع الخيل حقك؟
اهتز قلب عبدالعزيز على أصيلة هي اعظم هديه من اعظم شخص و الي هو ابوه و قال بحده و هو يعرف ان عمه مخطط لشيء بس ساكت احترام له:لا البيت يكفي اتوقع
لجمت ذا الكلمه خالد الي كان يحس ان عبدالعزيز فاهمه بس ساكت له:الي تشوف
و راحوا بعد اسبوع للجنوب و الكل بدا يرحب و يسهل فيهم و لكن كان حزنهم اكبر لن ابو عبدالعزيز رجال مذكور بالخير بين ربعه و اهله بالجنوب
و بدا عبدالعزيز يتأقلم مع اخوياه الي من الديره و يعرفهم من قبل كان يجي و يحب الديره
•
{و بعد ثلاث سنوات من هذي الذكرى المؤلمه لبطلنا...}
•
و في بيت بطلتنا الي ما يخلى من المشاكل و الازعاج...
الفوضى تعم البيت كامل و الازعاج و ذا جاي بشنطه و ذا رايح بشنطه والي يتضاربون والي نايم والي يتقهونو و هذا كان استنفار لانهم بيروحون لديره كم اسبوع
رَّي بصراخ:يااااا امييييييي
ام رَّي:دقااااقق
رَّي :شف مني مستفزعه فيه ابوي تكفى
ابو رَّي وهو مصدع:يا بنتي ما صارت قسم بالله حاله كل يوم ترا صار عمرس 18 و انتي باقي تضاربين و تنقاشين ورعه
رَّي بضحكه انتصار:اسللللمممم يابوي ايو الله انها ورعه
منال ببكى:بابا!!!
ابو رَّي حط يده على راسه:اسال الله العظيم انه ينزل عليها العقل احدث عليها و انصح و متعني و خلت كل شيء و ركزت على اتفه شيء الله يعوضني
رَّي و هي تتافف و تاخذ جوالها من على الـكنب:بنصدم لو وقفت بصفي مره اصلا عادي ما اهتميت
مرام جات من وراها و ضربتها على راسها بخفه:انتي بنت انتي وش ذا الحاله؟؟؟ حتى ابوي ما احترمتيه!
رَّي ضربت صدره:افاااا محشوم ابو رَّي جعلني فداه
ابو رَّي بضحك:وش ذا الابتلاء
ام رَّي و هي تنزل فنجالها:حماس الروحه لديره و كذا
رَّي و هي تسكر عين و تميل يدها بحركه نص و نص:هـاه هـاه فيه حماس اني بلقى فداء و لا ودي اروح عشان النت معفن هناك و ازعاج سلمى
و فجاءه باغتهم صراخ محمد و صوت ضربه قويه
ولما فتحوا الباب لقوه طايح من فوق الدولاب الملابس يبغا شنطته و رَّي ضحكت عليه و قالت:والله الابتلاء الحقيقي
محمد طلع تعبان من الطيحه للحمام
وبعدها بثواني نظفوا و رتبوا البيت و قشو عفشهم لسيارة و نزلوا لديره
•
في بيت عم عبدالعزيز | الصاله
عبدالعزيز الي كان جالس بهدوء و ينتظر اتصال من سند
خالد يمسح على دقنه الطويل:علامك يا ولدي؟؟
عبدالعزيز ناظره:ولا شيء بس افكر
خالد بطمع:طيب اسمعني بيتك ما ودك نبيعه و نعيش سوا افضل ترا؟
عبدالعزيز طفش من كثر الحنه على بيع بيت امه و ابوه الي بقي لهم ذكرى:يا عمي لا ما ابي ابيعه ولا شيء بنستقر فيه انا و لياء بدون ما نثقل على احد واذا عن فواتير الكهرب راتب ابوي الله يرحمه يجري و انا محصل خير من الشغل بمحل الشاهي غير مكافاة الجامعة
خالد بفقدان امل:بكيفك يولدي
•
في بيت ابو صالح | الحوش
و الدنيا مشتعله بحماس و متجمعين و الكل متواجد و ينتظرون ابو رَّي
ابو صالح بصراخ:ورع انت جيب التمر
ساري:يا جدي الله يرضى عليك وش ورع طولي و عرضي ورع
ضربه مازن بقوه في جنبه:انطم مو شرط ترد
ساري وهو يبوس خد مازن:من عيوني
مازن دفه وراه:وييييعع اذلف اذلف يا قليل الادب فطوم امسكي ولدس العايب ذا
ساري بصدمه:اوفر محد يبوسك يعني؟؟
مازن و هو يمسح خده بكمه:شايفني الحجر الاسود تبوس فيني؟؟
ساري شاف غيث رافع السروال يحك ركبته و اشر عليه:يارجال وجهك كانه ركبت غيث قال ايش قال حجر اسود
غيث غطى ركبته بسرعه:هيييه لا تسمعك تتحسس ترا تخيل احد يشبهك بمازن
ساري و غيث:
هههههههههههههههههههههههههههههههههههههههههههه
مازن انصدم من كميه
التنمر الي جاته دفعه وحده:سلاااماتتتتتتتت
ابو صالح بغضب ورما عليهم فنجال انكسر بينهم:نعنبوكم ما فيكم صاحي انقلعوا!!
غيث:اسلللممممم يبو صالح
ابو صالح قام بعصاته:قلت انقلع صح؟!
غيث رفع طرف ثوبه و هج ولحقه ساري و مازن
صالح الي كان ميت ضحك:لا إله الا الله عين لا تضرهم وش ذا النشاط ههههههههههههههههههههههههههه
ابو صالح ترتكز على عصاته بضحك:الله يحفظهم
دخل سند بضحك بعد ما شاف غيث و مازن وساري يركضون طالعين
ابو صالح بهمس يوم شافه:جاك المهستر ذا
الكل:
هههههههههههههههههههههههههههههههههههههههههههههه
و رفع صوته؛ارحب ارحب
سند ببتسامه:الله يبقيك
و اعطاه الاكياس و قال:هذا كيس القهوة و هذا كيس التمر جابهم ابوي من القصيم يقول هديه بسيطه
ابو صالح الي يعز ابو سند مره و قال و هو يخذ الاكياس:لا هنتوا ما تقصرون و يعلم الله انكم غالين
سند:ولا انت ياعمي و ترا كلها هديه من محبه والله
طلع. سند و توجه لبيتهم
•
في بيت عبدالعزيز | بالمطبخ
عند لياء الي تغسل المواعين و منطربه
عبدالعزيز دخل يرقص معها و قفل الاغنية و قال: اقول عمي والله وراه شيء
لياء بطفش:عزوز شتفقنا؟؟ عمي ما يسوي لنا شيء و يحبنا احنا امانه عنده ما يسوي لنا شيء تمام؟؟؟!
عبدالعزيز الي كان صامل على تفكيره بس يبغا ينهي الموضوع:تمام تمام و اتصل جواله و كان سند...
عبدالعزيز ببتسامه:هلااا سنود
سند:سنود؟! خلصت انواع الدلع يعني؟
عبدالعزيز:سوسو؟
سند بقرف:سد حلقك تكفى
عبدالعزيز: ههههههههههههههههههههههههههههههه
سند بضحك:بجييح يضحك اقول اخلص تعال
عبدالعزيز:okay 5 min
سند بعدم فهم:هـاه
عبدالعزيز قفل
ثاير:هـاه وش يقول بيجي؟؟
سند نزل الجوال بحضنه:قال كلام مو مفهوم شكله عنجليزي
خلف و ثاير:
هههههههههههههههههههههههههههههههههههههههههههه
•
في بيت أبو صالح | الحوش
و كان الترحيب حافل و حار بوصول ابو رَّي و عائلته
رَّي بهمس لمرام:ما شاء الله ياجوج و ماجوج الله لا يضرهم
مرام:صادقه وش ذا الحين اسلم على مين و اخلي مين
رَّي و مرام باسوا راس جدهم و عمانهم و دخلوا اما منال دخلت بدون سلام ولا كلام
و دخلوا رَّي و امها و مرام
ام رَّي بعصبيه من منال:داخله على يهود؟؟!!
منال بعدم اهتمام: مو ضاروري اسلم ولا درو عني اصلا
ام رَّي بغضب واضح بصوتها: بنتفاهم على ذا الحركه بعدين ادخلي الحين
منال بخرشه:أن شاء الله
رَّي ناظرت مرام و ضحكوا
منال بغضب و هي تأشر بيدها بمعنى خير
مرام:ادخلي ادخلي
منال استحقرتهم و دخلت
دخلوا لصاله الي كانوا كلهم متجمعين فيها و رحبت فيهم ام صالح بكل حُب و سلموا على الكل و جلسوا و بدا سلمى تدور بالقهوه عليهم و وراها فداء بتمر و كانت ما تقدر تخفي بسمتها لما شافت رَّي و رَّي نفس الوضع.....
ام صالح ببتسامه و هي تنزل فنجالها: أن شاء الله انكم ناوين تطولون؟؟ ولا كالعاده يومين و ترجعون ترا ما صارت حاله نشتاق احنا
ام رَّي بحب لام صالح:لا ذا المره بنطول لانها اجازه و كذا و راح نقضيها كلها هنا يعني اربعه شهور بننشب لكم ههههههههههه
ام صالح بفرحه:في ذمتس؟؟! يالله ان تحيهم والله اني فرحت
نجوى بمزح:ليش و احنا كنا غاثينس اجل؟؟
ساره وهي تجاريها بالمزح:والله شكله
ام صالح بضحك:كلكم حبايبي والله و انكم غالين و ان ما وسعكم البيت توسعكم عيوني
ساره بحب لام صالح الي كانت مثل امها: تسلم عيونس الله لا يحرمني منس يا عمتي
نجوى بهمس لام رَّي:ناديا شطرا عليكم؟
ام رَّي ضحكت:يقول فهد نفسه بالقعده حول اهله
منال بهمس لمرام و رَّي:اللهجه تقرف
رَّي بسخريه:ارحــممميناااا ترا حتى احنا نتكلم كذا فا لا تسوين فيها
ولكن صوت رَّي كان عالي و انتبه الكل عليها
و ضربتها مرام بمعنى انكتمي فضحتينا
ابتسمت رَّي بترقيع
•
في بيت خالد | الصاله
شموخ و هي تمد لابوها فنجال شاهي:ابوي
خالد بضيق:نعم
صالحه كانت تأشر لها تسكت بس تكلمت و قالت شموخ: ابوي عادي اروح لوجن ؟!
خالد بعدم اهتمام: روحي فكيني شرس
شموخ نطت قبل يغير رايه
صالحه مسكتها في المطبخ:شتبغين بوجن هـا؟؟!!!
شموخ و هي تخذ جوالها:عندي شغل بخلصه و بجي
صالحه بتهديد:مردس لي يالحيه مردس لي نعنبوس انتي بنتي؟!؟
شموخ طلعت و لبست عبايتها و طلعت مسرعه و فتحت الباب و صادفت عبدالعزيز الي كان يهوجس مبتسم عند الباب و صد تلقائي لما شاف شموخ الي حست بفرح لشوفته مبسوط
شموخ بأدب:هلا بولد العم تفضل ادخل انا كنت طالعه اصلاً
عبدالعزيز دخل يدينه بجيبه و منزل راسه و دخل وهو صاد عنها
و طلعت شموخ مسرعه تلحق على وجن
•
في بيت ابو صالح | بالصاله
نجوى: بنات اقول ترا الليلة ابوي مسوي عشاء كبير لاهل الديره كلها لازم تكشخون اعلمكم من الحين ترا هرجت اهل الديره ما توقف فا اكشخوا و تضبطوا
ساره و هي تهز راسه:حتى انا والله قال لي صالح ان كل الديره بتحضر
ام رَّي: من جدكم؟؟؟!
ام صالح دخلت :ايه من جدنا غير اكشخوا عشان تعرفون بناتنا الي ما تزوجو واجد هههههههههههههههههههههههههه
رَّي بطفش:يوه زواج يساوي مسؤولية يعني مو جوي معليش لحد يكلمني بزواج
مرام:انتي مالس فايد بشيء اصلا الي بيتزوجس مظلوم و مدعي عليه و ربي يختبر صبره
رَّي:بضبط
منال و مرام و ام رَّي انصدموا من رد فعلها المسالم بدون مشاكل و تنتيف شعر و كفوف
مرام:شوفوا من وين طلعت الشمس
ام صالح:يييييمه منس وش ذا الرفاله
رَّي قالت و هي تنزل فنجال الشاهي:شفتي يا جده ما اصلح زوجه أبدًا
ام صالح:اعوذ بالله الله يعينكم بتصير عانس ذي
•
| وفي الحوش
غيث وهو يعطي مازن الفنجال:الا فهود اشبك قررت تجي فجاءه؟؟ كان بعد كملت سنتين و جيت عادي ترا محد يشتاق
ابو رَّي: اشغال يخوك اشغال
غيث بطقطقه:الله اكبر
ساري: صح الله اكبر
غيث ناظر لساري:ترا اخوي امزح معه لوحدي انت لا خالك يعني تحترمه يا قليل الادب يا عديم الاحترام فاااطمه امسكي ولدس
ساري بصدمه من غيث:نعم؟؟ نعم تدور حرش؟؟ تبغا كف يطيح اسنانك؟؟
فاطمه بضحك:وش جاك على ولدي حبيبي عسى مخلاف؟!
غيث بخرشه لما شاف ابوه جاي:امزح معكم احبتي
مازن الي قد تكسرت رجوله يودي دله و يجيب الثانيه:غيث
غيث ببتسامه متكلفه:عيونه
مازن بغضب:جعلها الطق عيونك قم ياحيوان جيب براد الشاهي عشان ما اتوطى في بطنك
غيث بخوف: ابشر على ذا الخشم
سلطان بطقطقه:اح!
ناظر له مازن:اذلف معه و سحب من يده الجوال و قال : و ذا ان شاء الله تستلمه بعد العشاء يا حبيبي
•
في بيت وجن | غرفه وجن
شموخ:عشاء كبير يعني ؟؟
وجن و هي بيدها بسكوت:ايه ايه وش اقول حتى الشيخ ابو فراس بيحضر عندهم تجهزي و تضبطي خلنا نشوف حفيدات ابو صالح وشلون صارو
شموخ بتعالي:ما احسهم حلوات
وجن بصوت عالي :نعم!!؟ ما شفتي فداء شكلس
شموخ بستغراب:من ذي
وجن: اجل معذوره
شموخ بفضول: حلوات مره؟
وجن:ما اعرف بنات فهد بس فداء بنت صالح حلوه اجل كيف لس ببنات فهد الي طول عمرهم بالمدينه و امهم اصلا امي تقول يوم تزوجها فهد كانت موضوع حريم الديره من جمالها
شموخ بصدمه:لذا الدرجه؟!
وجن باستخفاف:تعرفين ذوق الاولين و اكيد انهم عاديات بس فداء حلوه سلمى عاديه اكيد انهم مثلها
شموخ بضحك:اشوفك خفيتي بالمدح شصار
وجن ضحكت: حسيت مدحي لهم واجد والله لو انهم منزل عليهم جمال نبينا يوسف "عليه الصلاة والسلام🤍"
شموخ: هههههههههههههههههههههههههه
•
•
•
أنـــتــهــى⌛️
__________________
{أستغفرُ اللهَ العظيمَ}
{سُبْحَانَ اللهِ الْعَظِيمِ وَبِحَمْدِهِ}
{لَا إِلَهَ إِلَّا اللَّه}
——————————
اليوم:الاحد
التاريخ:24/7/2022
الساعه:2:23 AM
————————-
الكاتبة:ريناد[انـستـا : rxiina_90]
__________________