جمعنا قدر ولكن على وش نقدر؟

11

" البـارت الحادي عشر "
•

•

نجوى بخبث : فكي الله يكسر يدس اي ترا بنتس ضايعه تدوج مع عيال الدكه منتي داريه عنها و من يتحمل كل ذا بنتي انا شوفي لتربيتس
ساره لفداء : فداء فكي سلمى ما قالت الا الصدق !
فداء بصدمه : أمي حتى انتي ؟!! كذابه تراها
رَّي الي انصدمت بشكل اكبر ، اي للاسف كان فيه صوره سيئة عنها تدور بين افراد عائلتها
ام رَّي بغضب : رَّ...
لياء سحبت الجوال من يد سلمى : اولا ليش جوالي معك ؟ ثاني شيء انا اعطيته رَّي تصور سفره الرجال عشان كذا هي جايه من برا و ثالث شيء مين سمح لك تتكلمين عن اخوي كذا و علاقة و مدري وش ابي افهم وش قله التربيه ذي !
رَّي ناظره براحه للياء الي انقذتها من موت محقق لياء غمزه لرَّي بمعنى معليس عندي
الكل انصدم بعد ما كشفوا حقيقتهم لرَّي
نجوى بغضب : كيف تتكلمين عن بنتي كذا هاه !
لياء الي تجاهلت الكل و راحت لرَّي الي انكسرت من تهجمهم حتى امها ما فكرت تدافع عنها هجمت على طول
لياء الي سمعت كل شيء و ما لامت رَّي لحزنت : ليش جوال عزوز معك ما فهمت لكن سوي الي تبينه و اعطيني اياه اذا خلصتي
رَّي : شكرًا مره انقذتيني قبل شوي هههههههههه
لياء ضحكت : ولو حُبي
اما رَّي الي بمجرد ما تذكرت عبدالعزيز و كلامه ابتسمت و فتحت الجوال و اخذت رقمه و اعطت الجوال للياء
انتهت العزيمه و راح الكل
فداء : روري ليكون زعلتي من امي ترا والله هي خايفه بس عشان كذا
رَّي : لا يبنت عادي عادي
فداء : ايه وش سالفه جوال عبدالعزيز وش جابه معس؟
رَّي بترقيع : جوال لياء ترا
فداء وهي فاهمه كل شيء : تقدرين تمشينها على الكل الا انا اعرفس زييين تكلمي بس
رَّي انهزمت : تخيييلييي ايش صار
و بدت تقول لفداء كل شيء
فداء بصدمه : يفداك الجوال و راعيييه!!! ههههههههههههههههههههه انا في حلم ولا علم شسالفه
رَّي : اعترف اني احبه معليش هههههههههههههههه
فداء : طبعًا كلنا ندري الا انتي
رَّي : اما واضح !؟
فداء : ايه مره بعد ههههههههههههههه
•
في مقر سعود الجديد
كانوا يضبطون كل شيء مع مجموعه من عصابات مختلفه
سعود بحده : الكل ينتبه معي موعدنا بعد اسبوعين ابغا اخذ حقي من سلطان باي ثمن اي غلطه تذكروا ان ارواحكم ثمنها يا حبايبي !!!
الكل عارف ان سعود ما يرحم احد و هذا لان مريض نفسي اصلا
الكل : ابشر
سعيد بحيره : و الشرطة وش بتسوي فيها ؟
سعود ضحك : اي شرطه الامن ضعيف في الديرة ذي المركز الاقرب لهم يبغا له ساعه بالكثير عشان يوصل و احنا راح نهدد بقتل وحده من بناته و نخذها لو كانت مره حلوه من قريب هههههههههههههههههههههههههههه
الكل قمط بس ضحكوا بتسليك
•
بيت ابو صالح
عند العيال الي تاكين بغرفتهم
مازن و هو منسدح : سراج العرس بعد اسبوعين وش شعورك ههههههههههه
سراج : يخوف والله
غيث : احس لو اني مكانك ما بخاف عادي الوضع طبيعي
مازن : ايه طبيعي سراج والله ذا ما يدري وين القبله حتى بس الشعور غريب بدونك والله
غيث بطفش : عاد الي يشوفك يقول انه بيروح يسكن عند ابو خلف هي الي بتجي و اذا عن شهر العسل ذا الشنب ما هو على رجال اذا كمله هههههههههههههههههه
سراج حط يده على كتف غيث : غيث تذكر يوم كنا نطارد وراك في سوق الديره نلبسك ثوبك صرت الحين تهايط بشنبك
مازن طق بضحكه قويه فز لها البيت كله
غيث بخرشه من ضحكته : يلعن بليسك ابووووي راقدددد !!!!
سراج الي للمره الثانيه ينخرش : اما انت فا يرحم والديك لا عاد تضحك طالبك
سحب سراج سروال غيث الي طايح جنبه
سراج رماه عند مازن : ذا عندك ما عاد تضحك هههههههههههههههههههههه
غيث ضحك : سروالليييي ههههههههههههه
مازن رجع يضحك و سد حلقه غيث بالمخده
دخل عليهم ابو صالح الي معصب مره
غيث قال لاشعوري : لا إله الا الله
مازن الي مدمع ضحك و ما درا بابو صالح الي وراه
مازن تنهد من الضحك : الله يقطع بليسك بطني اوجعني وربي اخخخخ ههههههههههههههههه
ابو صالح ضرب بعصاه الباب : انتم وش لعنتكم ما تمسون مع من امسى !!!
مازن انفجع : ابوي !؟
ابو صالح : و وجع
سراج : ابشر بنرقد الحين
ابو صالح جلس
غيث ناظر مازن ثم ناظر سراج
ابو صالح فجاءه : ابغا اقول لكم شيء
سراج : امرني
مازن : لبيه ؟
ابو صالح بحنيه مفاجئه : يا سراج يبوك انت الحين بتتزوج و بعدك مازن ان شاء الله و بعده غيث ان كتب ربي لكم نصيب و انتم كبرتم الحين و بتصيرون مسؤولين عن اشياء واجد قلت ذا الكلام لصالح و فهد و سالم و هذا انا اقوله لكم انتم بعد
غيث الي حس انه يقصد شيء : ابوي والله لو يصير عمري ستين سنه اني ببقى البزر الي مشيب روسكم لا تقول ذا الكلام كانها نهايه
ابو صالح ابتسم بحزن : يبوك ما ندري من يومه اول
مازن باس يد ابو صالح : جعل يومي قبل يومك يا بعد راسي
ابو صالح قام : الله يوفقكم يعيالي ها يلا يلا ناموا و عينوا من الله خير و تدفوا
راح ابو صالح تارك غيث و مازن و سراج في حزن
غيث حزن : ليه يقول كذا
مازن ناظر غيث : بكاء بكاء بكاء
سراج : هههههههههههههههههههههههههه
غيث : انكتم تراك معجبني من اليوم
مازن : اقول هك سروالك ههههههههههههه
و رماه عليه
غيث : سراج مازن
مازن : شعندك
سراج : ها
غيث حط مخدته جنب سراج و مازن : بنام بينكم
مازن : يالليل مشاعر اخر الليل
سراج بطقطقه : يااا دلبيييي وزززيييننه الصغير
غيث : و بكذا قررت انام جنب ساري
ساري و محمد و سلطان الي في سابع نومه من التعب
غيث شافهم : يا ويلي عليهم نومه تعببب
سراج قام يغطيهم : والله اليوم تعبوا مره
سراج فتح بطنيته : غيث تعال والله تنام معي
مازن نط حضن غيث : لا بينام معي الصغير
غيث الي خنقه مازن : اااهههه كتمتني ريحته عوددد و نار دايم
سراج : شقردي ههههههههههههههه
مازن : بخذه
سراج : يلا تراه يتحرك واجد ههههههههههههههه
مازن : صدقت اني برقده معي رقد معي قبل اسبوع قشع البطانيه وقعدت في البرد و لا يلتف عليها ما يمديك تفكها
غيث اخذ بطانيته : اقول سروا امها
مازن بتعب : تصبحون على خير برقد انا
سراج : يلا يلا
و بكذا ناموا العيال بعد ما ازعجوا كل الاوادم
•
ورا الدكه
عبدالعزيز : راسي مصدع وربي
سند : يا جماعه انا رايح تاخرت
خلف و هو يلم العفش : كلنا بنروح بس ساعدوني
ثاير : بساعدك انا عبدالعزيز و سند روحوا
خلف : اجل قفلوا ابواب الدكه على طريقكم
عبدالعزيز : ابشر , يلا تصبحون على خير
الكل : و انت من اهله
و بكذا تفرقوا العيال
عند عبدالعزيز الي يمشي متجه لبيته و عليه فروته الرماديه و هو يمشي مر من بيت ابو صالح
عبدالعزيز ابتسم بهدوء :
لامريت من بابها اهتز القلب و شرايينه
ليتك تحنين عليه و تدارينه
سعود ببتسامه : السلام عليكم
عبدالعزيز بفجعه : بسم الله , و عليكم السلام ؟
سعود ضحك : خرشتك ؟
عبدالعزيز وهو منخرش : ها لا عادي
سعود بكذب : كنت ابغا استفسر عن المنطقه لان ضايع شوي انا
عبدالعزيز الي حس انه مشبه على سعود : ليش منت من هنا ؟
سعود : لا والله توني جاي من الرياض
عبدالعزيز الي ضاق خاطره لطاري الرياض : اها والله هذي منطقه نائيه شوي ما راح تلقى كثير مواصلات بس اطلع للمدينه افضل لك
سعود : اها يالله مشكور
عبدالعزيز : العفو
سعود ابتسم بشكل غريب : تذكر وجهي بتقابل واجد
عبدالعزيز ما فهم : كيف يعني ؟
سعود : ذبه ذبه ههههههه
عبدالعزيز بتسليك : اها هههه
سعود بنفسه :" ذا الولد ما يطمن بس ما يهمنا هو "
عبدالعزيز الي ما عجبه وضع سعود و حسه يشبه شخص بس ناسي
•
{ اليوم الثاني }
•
بيت ابو خلف
الي كانوا اغلب وقتهم برا يجهزون لزواج خوله الي هي ناسيه انها بتصير في مسؤوليه كبيره
خلف و هو يشيل احمد : امي ما هو راضي يصحى وش ذا
ام خلف و هي تلبس عبايتها : ابوك ينتظر برا خلاص خله بروح لحالي لكن لصحى شف الفطور في الفرن يلا مع السلامة
خلف رمى احمد فالارض : الله يحفظس
راحت ام خلف و معها خوله و خديجه
خلود و هي تنزل قهوتها : خليف عندي لك اقتراح
خلف بطفش : وش ؟
خلود و هي تحط الجوال بوجهه : وش راييك تسجل انت و الشله فالجامعه بدال التكيه في ذا الدكه ما منها ولا عنها ؟
خلف بتفكير : عبدالعزيز عنده جامعه بس حاذف ترم
انا و سند و ثاير ما صدقنا خلصنا الثانوي
خلود اخذت قهوتها : بكيفكم عرض و فاتكم
خلف سحبها : خلود اسمعي
خلود : وش فيك كسرت يدي
خلف : وسن شوضعها ؟
خلود : اهااا ههههههههههههه
خلف : وش صار لها يعني تغيرت ولا باقي عله ؟
خلود فهمت وش قصد خلف : والله انها نفس العله و اسوء ما شفت كيف تترزز في مجلس ابو صالح يوم عزيمه عبدالعزيز
خلف ارتمى على الكنب : يااالليل ترا تحسب نفسها زوجته
خلود ضحكت بصوت عالي : عزيمه زوجي وخروا بالله ( خلود قاعده تقلد وسن 😭)
خلف ضرب كفها : الله يشلها يا ربي ههههههههههههه
خلود بمكر : لياء كشفت عبدالعزيز جا دوري اكشفك
خلف ما فهم : ها وش
خلود بحده : تراني كاشفتك تحب فداء و ما تقول لاختك الكبيرة عيب والله
خلف انحرج و تلطم : من قال !!! من قاللل!
خلود : العيون تتكلم يخليف
خلف فك الطمه : لا غلط العيون نشوف فيها ما نتكلم
خلود ناظرته : اقول ترا بيخطبونها لاحمد
خلف فز : اسالس بالله !! ليه يخطبونها ؟
خلود : البنت تجنن صدق بسم الله عليها
خلف بخوف : تتوقعين ترفض ؟
خلود بلعانه : و ليه ترفض الولد ربي رازقه و مذكور بالخير
خلف : كمليها و قولي من المسجد للبيت بقول كذابه
تاكي عندنا في الدكه اربعه و عشرين ساعه مدهر بسوالف و نقال الهرجه
خلود ضحكت : حصلت اجابه السوال هههههههههههههه
خلف استحى : امانه انخطبت !؟
خلود : امزح امزح والله ما احد خطبها ولا شيء
خلف : يمه اشوى بغيت اموت
خلود : والله معدك بسهل يا ذا الورع و طلعت تحب
خلف : سديييممم
سديم : ها
خلف : ثوبي بالله
سديم : شفه معلق في الدولاب
خلف لبس و طلع : مع السلامه
خلود ضحكت : مع السلامه
•
بيت ابو صالح | العصر
الي رجعوا بعد ما قضوا اشغالهم الزواج اماني و سراج
ام صالح بحزن : حرام عليهم كيف يزوجونها بذا العمر
فداء و رَّي ناظروا بعض و سكتوا
ساره : والله عاد هذا حال الدنيا
رَّي بحده : لا مو حالها
ساره : اقولـ...
ام رَّي بصوت فيه الغضب : رَّي هاك يا امي وديه المطبخ
اخذت رَّي الكوب ودته و قعدت تفكر شتسوي
فتحت رَّي جوالها و طلعت بعيــد في طرف الحوش بعد ما اخذت فروه ابوها و كوب شاهي
و الجو غايم مره و بارد
جلست و فتحت على رقم عبدالعزيز الي مسجلته "حنان"
رَّي : ادق ولا ما ادق ياربي لازم اقول له السالفه
و بعد تفكير دام نص ساعه تقريبًا
اتصلت رَّي على عبدالعزيز
......
و عند عبدالعزيز و العيال الي يتهاوشون على حلى سوته لهم ام سند
ثاير بألم و صراخ : خلللففف!! اصبعي جعلك الونا
عبدالعزيز الي اخذ قطعه كبيره و نط فوق الدكه
سند : والله لااااعلللممم امييي
خلف الي تصفق بعد ما عض يد ثاير : اخخ يا ثاير ما ينمزح معك
ثاير بغضب : ذا مزح ذا اكلت اصبعي حتى ليته طرفها كامله !
خلف بضحك : يخي الانسان يغلط عادي؟ ضيعت وين الحلى
عبدالعزيز الي طفس ضحك : ابوك يا المدح الخايس ثاير حنيذ مو حلى هههههههههههههههههههههههههههههه
خلف شرق بالقهوة : حللللوووه ههههههههههههههههههه
سند : عريكه و انت صادق ههههههههههههههههههههه
خلف : الحنيذ غالي عليه ههههههههههههههههههه
ثاير الي ضحك معهم
سند بفلسفه : اكثر شيء احبه في ثاير روحه الرياضيه على كثر ما ذبينا عليه يضحك معنا على عمره
خلف بمحاوله استفزاز : رخمه مو روح رياضيه !
ثاير اخذ المكنسه و فكها : قدها
خلف وهو يطلع صوت من القهوة : يس قدها ؟
ثاير توجه له بيضربه
خلف توزا في ظهر سند : انا وزيك يبو ناصر !!!
سند بخرشه : انا احتاج من يوزيني اذلففف
دق جوال عبدالعزيز و سكت الكل
سند براحه : الحمدلله
عبدالعزيز استنكر الرقم لانه مسجل "R"
عبدالعزيز بصوت خافت : متى سجلت ذا الرقم ؟
فتح الخط : الو؟
رَّي سكتت لما سمعت صوته
عبدالعزيز بستغراب : الـو مين معي ؟
سند : يخي عزوز دايم تدق عليك ارقام غريبه شسالفه ؟
خلف : شهره شهره
رَّي تكلمت : عبدالعزيز اسمع
عبدالعزيز تذكر : اهااااا و انا اقول من ذا الي حاط R طلعتي انتي
العيال بصدمه : بنت!!
عبدالعزيز بترقيع : ايه يبن الحلال عمتي طلعت
مشت على سند و خلف لكن ثاير لا
رَّي بعصبيه : عمتك اجل ؟ اسمع في شيء كنت ابغا اقوله لك لكن خايفه
عبدالعزيز : من وش خايفه؟
رَّي : منك
عبدالعزيز ضحك : لييييه !
رَّي : لانك بترفض !
عبدالعزيز ابتسم : هاتي وش عندك ما راح ارفض
رَّي : كذاب
عبدالعزيز : وش الي كذاب ما عندك اسلوب انتي ؟
سند ناظر خلف : دقيقه الناس من متى تعامل عماتها كذا ؟
خلف : صدق عبدالعزيز صاير قليل حيا
ثاير : لانها مو عمته
سند و خلف بوقت واحد : كيف؟
سند : هو قال عمته
ثاير : واضح كذاب ترا
خلف تذكر عبدالعزيز قال له عن رَّي انها اخذت جواله و ابتسم : اهااا حيوااان هههههههههههههههه
سند الي ما فهم شيء : ها شسالفه يا عرب !!
......
و عند رَّي الي شرحت كل شيء لعبدالعزيز
رَّي بخوف : هـاه باقي موافق؟
عبدالعزيز ضحك بقهقه : والله منتي بصاحيه !!
رَّي : موافق ولاااا!!
عبدالعزيز ابتسم : موافق بكلم العيال و لكن وشلون نطلعها من الديره لوحدها ؟
رَّي بصداع : مدري مدري
عبدالعزيز : خلاص خلي ذا الموضوع عندي و اتفقنا , انتهى بقنع العيال و برد لك خبر
رَّي بفرح : يعني خلاص ؟؟
عبدالعزيز ضحك : ايه خلاص
رَّي ابتسمت بحب :شكرًا والله من القلب
عبدالعزيز ضحك : وش حلاتك و انتي كيوت دايم معصبه ههههههه
رَّي : كل تراب و قفلت
عبدالعزيز قعد يضحك : ودعتك الله ههههههههه
سند : من ذي اعترف
عبدالعزيز الي نزل ولا فكر يرقعها : رَّي
محد انصدم
ثاير : رَّي !
عبدالعزيز بثقه : ايه
خلف : وش عندها
عبدالعزيز : سالفه كايده والله
سند : اما وش صاير ؟
عبدالعزيز : الليلة كلكم فاضين ؟
خلف : ايه ما عندنا شيء الليله
عبدالعزيز : تمام اجل بقول لكم السالفه و ابغا صملتكم تعالوني البيت
و بكذا اتفقوا يجتمعون عند عبدالعزيز
•
بيت خال اماني
اماني الي فجاءه صارت راضيه و صارت تصرفاتها حلوه و الكل مستغرب
ابو احمد : كان من اول يا بنتي و انتي بغيتي تموتين علينا
اماني بكذب : اسفه توني اعرف مصلحتي
ام احمد : ايه اسمعي كلامنا و بس
اماني بنفسها : " اصبروا علي بس اوريكم !"
ابو احمد : خلاص خلصنا كل شيء و كل شيءٍ جاهز
ام احمد : اماني بعد جهزت كل شيء يخصها
اماني بتصنع : ايه خلاص اتصلت فيهم كلهم بيجون على الموعد
ابو احمد : اجل على بركه الله
ام احمد الي فرحتها غير بنفتك من اماني : الحمدلله يربي
ابو احمد لاماني : يلا يا بنتي الحين بيصير عندس بيت و زوج و الله يوفقس يارب
اماني بحقد و كره له : امين
و بدوا يجهزون لزواج و يعلقون الانوار و بدوا يضبطون مخيم الرجال
و اماني الي فرحانه حصلت حل و خايفه انهم ينكشفون
•
{ اليوم الي قبل الزواج }
•
الدكه
العيال الي ما خذهم التفكير يهربونها مع من ؟
سند بحزن : يا عيال ابوي و امي بيروحون الرياض ما بيخذوني معهم
عبدالعزيز بضحك : ما لمتهم ذا وجه واحد يروح الرياض اهجد معنا بس
خلف : يبغا يتهرب قبل بكره
عبدالعزيز سكت و قعد يفكر
ثاير : وش فيك سكت انت ؟
عبدالعزيز الي جاته فكره : ياااا عيييااالللل
سند انخرش : بسم الله
خلف : وش لعنتك انت
ثاير : ايه بسم الله نبدا مصيبه ثانيه , وش ؟
عبدالعزيز : سند عمي ناصر في البيت ؟
سند : ابوي ؟
عبدالعزيز : لا إله الا الله اجل ابوي ؟ ايه اخلص
سند : اي ضني ليه ؟
انطلق عبدالعزيز بسرعه لبيت ابو سند و كان يدعي انه يوافق
سند لخلف : نلحقه ؟
خلف الي معد بقي الا شحاطته اصلا
سند : وين راح ذا
ثاير : لحقه
سند ابتسم لثاير و هج يلحق وراهم
ثاير الي جاته لحظه ادراك انهم سحبوا عليه و قعدت الدكه و الشغل عليه كلها
ثاير بصراخ و غضب : مردددكمممم ليييي حرام ان اكرفكم كرف يا السلاتيح
الشيبان قعدوا يناظرون ثاير
ثاير : كيف حالكم عساكم طيبين ؟
ابو سالم : ايه بخير غير طالب شاهي لي ساعه وينه ؟
ثاير : ابشر ابشر
ابو سيف : اساعدك يوليدي ؟
ثاير : لا يعمي معليك عندي
ثاير دق عليه ابوه : خلاص يا ابوي بجيك ابشر
غيث دخل : السلام عليكم
الكل : وعليكم السلام
ثاير فرح : غيييث ربي جابك ابوي يبغاني ولا فيه احد يمسك الدكه تراها في امانتك يلا مع السلامة
غيث : اصبررر هااااه ولدددد
و بقت الدكه عند غيث الي دق على مازن يفزع له
مازن جا : حسبنا الله وش نسوي الحين ؟
غيث : من جدك تسالني ما دريت حتنا
مازن قعد يسوي الشاهي و غيث يوزعه على الي يطلبون خارج الدكه و الي في الدكه و حقيقي هلكوا و تعبوا
مازن و هو نايم على الطاولة : يا ولد تعبت والله معد اقدر
غيث : حتنا احترقت سبع مرات وش علتهم ذولا وين غدوا !
......
عند سعيد الي موكل يراقب غيث و تلاقى مع عايد
سعيد : انت الي موكلينك على مازن ؟
عايد هز راسه : ايه
سعيد حط يده على كتف عايد : انتبه ترا مازن حاد الانتباه
عايد : وش دراك ؟
سعيد : قبل تجون كنت موكل على العايله كامله و مازن كان اصعب واحد هو وسراج اما غيث فاغر ما يدري
عايد ضحك بمكر : عاد تصدق شيء؟
سعيد ابتسم : وش ؟
عايد طلع سلاحه و اشر فيه على مازن من بعيد : انتظر اللحظه الي يعطوني فيها الاشاره بسس
و سوا كانه اطلق : في راسه و انتهى
سعيد ضحك : مكثر افلام يبو هههههههههه
عايد : الافلام لك انا لا عرفت افلام و لا شيء
سعيد : وش ذا الحقد انت بعد ما تعرفهم اصلا
عايد : انا اكرهم من كره سعود
سعيد : وش عليك من سعود انت من متى المعرفه حتى ؟
عايد ابتسم : لولا الله ثم سعود ولا كان ما وقفت على رجولي الحين ولا عاشوا اخواتي
سعيد ابتسم و مسح على كتف عايد : مدري شصار لك لكن الحمدلله انكم بخير
عايد ضحك و بدوا يمشون بهدوء ورا مازن و غيث
مازن الي مو مرتاح بالمره من فترة مو قادر يحس براحه
غيث الي مال عليه مازن : ولد امش زين !
مازن ناظر غيث : غيث ما تحس فيه شيء غريب
غيث : زي وش؟
مازن مشى بشكل مموه لخشبه جنب الجدار و اخذها و انتبه لظل عايد و ظل سعيد الي دخلوا ورا حوش
مازن حط العصا قدام وجهه دخل معهم : يعني زي ذولا الثنين !!
غيث بفجعه : من ذولا !!
عايد و سعيد طلعوا اسلحتهم
مازن بصراخ و سحب غيث : انتتتتبببههه
•
•
•
أنـــتــهــى⌛️
__________________
{أستغفرُ اللهَ العظيمَ}
{سُبْحَانَ اللهِ الْعَظِيمِ وَبِحَمْدِهِ}
{لَا إِلَهَ إِلَّا اللَّه}
——————————
اليوم:الجمعة
التاريخ:20/1/2023
الساعه:11:21 PM
————————-
الكاتبة:ريناد[ rxiina_90 ]