لا شئ يعادل قُربك بجانبي كل الأشياء
التي أود أن تستمر هي أنت'
°•°•°•°•°•°•°•°•°•°•°•°•°•°•°•°•°•°•°
سويت الغده وانجمعنا كُلنا ع السفره وكملنا وغسلنا الاماعين اني وحور واخذتنا السوالف وساعتين يلا خلصنا من المطبخ 😂😂
ام جواد،،صارلجن شكد هذا كله بالمطبخ
حور،،اي يمه نسولف ونغسل علئ كيفنا
ام جواد،،خووش
يمه شوكت نروح
سجئ،،وين تروحون توكم اجيتو خلينا نشوفكم عـدل
ام جواد،،لايمه هم يـلا كافي صار يومين وشفناكم الحمدلله
سجئ،،ميخالف ابقي هنا هذا هم بيتج
ام جواد،،رحم الله والديج اكيد بيتي بس مااكدر متعوده هناك
جواد،،باجر نروح الصبح
ام جواد،،خوش
لمن سمعت بيهم يروحون الصبح كعدت الساعـه بـ8 وسويت الريوگ علئ ماكعدوا وتريكوا وحضروا نفسهم راحوا الساعه بـ10 اني كملت تنضيف البيت وسويت الغده وكعدنا نتغده اني وحسين
حسين،،مشكوره حبيبتي
سجئ،،علئ شنو
حسين،،علئ ترحيبج بأهلـي ووكفتج الهم
سجئ،،اكيد شنو داتحجي انتَ مثل مااهلك هم اعتبرهم اهلي
حسين،،ماجنت ادري بوجودج يمي هيج يصير
سجئ،،شصار
حسين،،حياتي صارت احلئ
سجئ،،عمري اروح فدوه للحلو اني
حسين،،جاي تحسسيني تلعبين وي أبنج
سجئ،،ههههه
حسين،،دايمه
سجئ،،تسلم بس لتحجي برسميه كافي مااحبها
حسين،،هم صح يلا اكلي اكلي اريد خدودج كبار
سجئ،،لا مااريد اسمن اريد اسوي ريجيم
حسين،،لتسوين هيج احلئ
سجئ،،هيج رأيـك
حسين،،اي
سجئ،،اوك لعيونك ماراح اسوي
اصلا ادري بنفسي مااكدر بدون اكل 😂
حسين،،ههههه خبله
سجئ،،كملنا غده وكمت غسلت الاماعين وسبحت ونمت لان كاعده من وكت بالليل رحت لأهلي
كاعدين نسولف اني وضحئ
سجئ،،اكلج ضحيوه
ضحئ،،ها
سجئ،،منتضر
ضحئ،،شبي
سجئ،،طلبج مني
ضحئ،،شنو يامنتضر قصدج
سجئ،،اممم ع الاساس متعرفي اذا متعرفي شلون تكولين شبي
ضحئ،،قسدج ابن عم حسين
سجئ،،اي هو
ضحئ،،شكلج
سجئ،،كال اني اريدها اول مشفتها عجبتني 🙂
ضحئ،،امممم
سجئ،،اي شنو رأيج انتِ اذا ارجعله خبر
ضحئ،،لا لا شترجعيله خبر ولج
سجئ،،ادري بيج معجبه بي ترا
ضحئ،،اي صح معجبه بي وحتئ احبه يمكن
سجئ،،اسم الله الرحمن هو بس لقائين صار بيكم
ضحئ،،حتئ لو
سجئ،،اي اذا خطب تقبلين
ضحئ،،ماادري بعدني ممكمله الجامعه+مامتعوده بمخافضتهم ومااعرفها+عاداتهم مو مثلنا
سجئ،،دروحي هسه هو خطبج كبل كتيتيهن كلهن
ضحئ،،اي غير احجي الصُدك
سجئ،،دروحي بيش الساعه هسه
ضحئ،،بـ10 ونص
سجئ،،خل اخابر حسين اشوفه وين
الوو ها حبيبي شلونك
حسين،،هلا عيني الحمدلله انتِ شلونج
سجئ،،الحمدلله شنو تجي لو لا
حسين،،اي شويه واوصل لبيتكم قريب منكم
سجئ،،تمام يلا احضر نفسي
حسين،،خوش
سجئ،،حضرت نفسي ولبست حجابي ولبست الصايه ونزلت جوه انتضره اجه ودخل سلم علئ اهلي ورحنا
سجئ،،جوعان
حسين،،اي والله
سجئ،،تمام راح اجيب حلويات تاكل
حسين،،لا جيبيلي فواكه
سجئ،،،تمام
هاك اگـل
حسين،،كافي من الحلويات راح يصيبج سكر
سجئ،،عادي بس صُدك اكُلك وين اكو حلو ياكل حلو
حسين،،انتِ
سجئ،،اووي فديتك يحبيبي انتَ
حسين،،اخخ ياانتِ شسويتي بيَ
سجئ،،ليش شسويت
حسين،،عذبتي كلبي
سجئ،،شسويتلك يمه
حسين،،ع كيفج كلشي ماسويتي بس حبج عذبني اخخ من جنتي تصديني بالدوام الغضب يوصل للضالين
سجئ،،ههههه احسن قابل شنو ترديني انطيك مجال
حسين،،بس حلفتلج اني احبج
سجئ،،حتئ لـو
حسين،،لو الزمج هسه
سجئ،،اي شتسوي
حسين مااهدج
سجئ،،هههاي انسئ اكلك
حسين،،كولي
سجئ،،شنو رأيـك بمنتضر ابن عمك
حسين، شبي
سجئ،،شنو رأيك بي خوش ولد زين مو زين
حسين،،ليش تسألين عليه
سجئ،،هسه بس جاوبني واكلك
حسين،،موزين احجي شكو
سجئ،،شبيك تصيح ترا ماكو شيء
حسين،،احجي سجئ لااموتج
سجئ،،اتورط من اكلك بحجايه
حسين،،احجي يلا
سجئ،،هو كال انو معجب بضحئ اختي ويريد يخطبها مدري شلون
حسين،،متأكده؟شوكت كالج هالكلام
سجئ،،البارحه
حسين،،خوش ولـد منتضر حباب ومؤدب
سجئ،،ها يعني مثلك
حسين،،تكدرين تكولين هيج
سجئ، اي زين
حسين،،راح تكولين لاهلج مو
سجئ،،لا
حسين،،ليش
سجئ،،تريد تكمل جامعه هنا
حسين،،دشوفيها هي شنو رأيها وبعدين ع الدراسه الله كريم
سجئ،،الله كريم اشوف بعدين اني راح انام نعست تريد شيء
حسين،،لا نـامي
سجئ،،تمام تصبح ع خير
حسين،،وانت من اهل الخير
جنت ماخذه اجازه كم يوم من قبل ليجونه اهل حسين
ويوم الاحد يلا اداوم
يوم الاحد ...
