حيدر:مر يومين ونسيت ومارحت لبيت ابو ورده بالليل تذكرت اني مارايح ولاشايفهم
بقيت افكر شلون نسيت وشلون مارحـت وسألت عليهم خاف صاير عليهم شيء لاسامح الله خاف هم رجع وتخربط وضعه خاف خلاها تطلع خاف طلعت واشترت والتفكير اكلني اكل من شفتها لليوم خيل دايرلها بال
ياني الصبح كعدت ب6 بدلت وطلعت بسرعه بلا ريوك لان امي نايمه وتعاجزت اسوي طلعت بدون ريـوك رحت للمستشفئ عالجت المرضئ
وكملت شغل وسلمت الباقي بأيد الدكاتره البقيه خوش دكاتره من ضمنهم دكتور عدي دكتور شاطر كلش الله يحفضه ودكتور زياد وبعد هوايه دكاتره زينين
فــ طلعت تسوگت هم مسواك كامل من الخضروات الطماطا والبتيه حد معجون الطبخ والملح وكلشي اخذتهن ورحت لبيتهم دكيت الباب طلعلتي
ورده:منو
حيدر:اني
ورده:طلعت راسي من الباب كتله ...
هلا بيك
حيدر: بيج اكثر شلونج
ورده:الحمدلله
حيدر:اكدر ادخل لو تخليني بالباب
ورده:
بقت صافنه بوجهي ومتردده تخليني ادخل لو لا شويه وكالت
ورده:تفضل
حيدر:دخلت جوه سلمت علئ تلكاني بالسلام الزين اكلني اكل الله يحفضه
حيدر:شلونك شلون صرت
ابو ورده:لا يبويه بنعمه بنعمه الحمدلله والشكر بفضلك وبفضل الله
اجينا لهاي المستشفئ والله وداك النا ماقصرت بويه
حيدر:تدلل هذا واجبي
ابو ورده:اكعد ليش كل ماتجي تبقئ ع وكفتك اكعد تريك ويانه توها ورده كعدت وجاي تحضر بالريوك
حيدر:لا تسلم مااشتهي اجيت اشوفك
ابو ورده:لا مايصير تطلع عزمتك بعد اشربلك استكان جاي وياي
حيدر:والله عفت الدوام واجيت هسه
ابو ورده:ميخالف بويه ع الواهس ليش تزعلنه منك
حيدر:هاي هي باقي لخاطرك
ابو ورده:اي هيج صير
بويه ورده احسبي حساب الدكتور ويانه
ورده:تمام
حيدر:ماكو داعي تكول دكتور كول حيدر
ابو ورده:تعودت بس ان شاء الله منا وهيج
حيدر:اجت وجابت الريوك وخلته بالكاع وراحت
ابو ورده:تفضل بويه
حيدر:البنيه خل تجي تاكل
ابو ورده:تستحي ورده ماتاكل كدام واحد
حيدر:لو ماباقي احسن حرمتها من الاكل
ابو ورده:لا تخاف لا تخاف تاكل جوه هسه
حيدر:تمام
تريكنا اني وياه ونسولف عن الدوام والمرضئ والدكاتره خلصت وكمت وهو هم كمل صاحلها واجت جابتله طاسه وبيها مي وصابونه لان ميكدر يگوم
غسل بيها
وشالتهن وراحت
بقت الصينيه مالت الاماعين بمكانها اخذتهن وراها
ابو ورده:ها بويه وين وين نزلها نزلها ورده تشيلها ورده وينج
حيدر:عوفها حجي اني اشيلها مايرادلها شيء
ابو ورده:بويه شسالفتك سويت هواي والله غيرك مايسوي الي سويته
حيدر:ماسويت شيء ارتـاح انتَ
اخذت الاماعين ورحت للمطبخ
ورده:المن جبتهن اني اجيت اشيلهن
حيدر:ميخالف.
اكلي لاتبقين بلا ريوك
ورده:اي هسه راح اكل
حيدر:يلا اكلي لان الريوك وجبه مهمه
واني رايح وهذا مسواگ ومن تحتاجين شيء خابري خوش
ورده:بقيت ساكته ومحجيت شيء وهو غسل وراح لغرفة ابويه
حيدر:حجي ماتنطيني رقمك
ابو ورده:بويه انا مااعرف هذا التليفون بس عندي وورده تسو ي بي خل تجي تطي الك
حيدر:وينه هو اني اخذه
ابو ورده:هذا هل يمك
حيدر:اخذت التليفون وطلعت الرقم ونقلته لتليفوني وترخصت منه وطلعت
رحت للمستشفئ
رجعت للبيت تعبان كُلش
كلش هالايام ماالحك احگ راسي ولاطالع ولاشايف اصدقائي ولاشيء كاضيها من المستشفئ للبيت ومن البيت للمستشفئ
