النظرِة من ؏ـَينك
يبعِد عيوَن اهَلنـه هِـواﻱ تسوة 🤎.
………………………………………
داومنا بالدوام واخذنـا محاضرات كُلش ههوايه بالريست يااما اطلع ويه رنـا ويااما انـي وحسين نكعد ونسولف
بالدوام النا تقريبا شهر ونص من داومنه
كعدت الصبح كُلش مـالي خلگ ولاالي واههس اروح كعدت الساعه بـ6 الصبح ع الاساس اقرأ بس ماكدرت خليت الجاي ع الطباخ وحضرت الريوك ورحـت اكعد حسين
تريگ وكمل اني مااكلت
حسين،،سجئ شبيج اليوم وجهج مو طبيعي
سجئ،،والله مااعرف من كعدت ولهسه معدتي تگلب واحس جسمي ذبلان مااكدر اسوي شيء
حسين،،لبسي حجابج خل نـروح للمستشفئ
سجئ،،لا مـو مال مستشفئ بس اريـد ارتـاح هنا بالبيت مااروح للدوام
حسين،،خوش تعالي هنا تمددي ع الجربايه
سجئ،،نيمني ع الچربايه ويتلمس بوجهي خـاف مصخنه لو شـيء وانطاني علاج علمود معدتي بس مرت نص ساعه وماصار اي تغيير
وهو هم ماقبل يعوفني وماراح للدوام
اخير شيء صارت عندي وجع قـوي ببطني وبقيت ابجي وهو طول الوقت لازم ايدي وكلساعه يتلمس بوجهي من شافني بقيت ابجي كـام جابلي حجـاب ولبسني الصايه واخذني للمستشفئ غصبا عليه رحت ماسوولي اي شيء انطتني مسكن وهاي هي
رجعت للبيت خف وجع معدتي وراسي صار زين اول موصلت نمت
ماكعدت غير الساعـه بـ11 رفعت الموبايل لگيته ب11 كمت بسرعه من كمت دخت فــ بقيت امشي ع كيف لگيت حسين بالمطبخ وكـاعد يسوي غده
سجئ،شنو تسوي
حسين،،اسويلج غده
سجئ،،عوفه انـي اسوي
حسين،،روحي اكعدي مالج شغل
سجئ،،انطيني اني اكمله مابيه شيء صرت زينه والله
حسين،،ميخالف واذا سويت غده نتعاون انا وياج يلا روحي روحي اكعدي شويه والغده كامل
سجئ،،بس مسوي من وكت
حسين،،اي علمودج
سجئ،،فدوه اروحلك اجيت عليه وحضنته بقئ يبوس براسي
حسين،،ولج انا شعندي غيرج يبعد گلبي وغراضه
تعالي خل نكعد هنا شويه علئ ما يكمل الغده
سجئ،،كعدنا اني وياه بالصاله واني خليت راسي علئ رجله وهو يمسح علئ شعري ويسولف وياي
حسين،،وجع بطنج خف
سجئ،،اي الحمدلله
حسين،،الحمدلله والشكر
كمل الغده وكام صب طلع مسوي دجاج وزلاطه وليمون والشكل فد شيء بقيت اكل
وهو يفلس بالدجاج ويخلي كدامي
كافي بعد مااكدر اكـل
حسين،،اكلي هو انتِ شكليتي
سجئ،،لا اكلت الحمدلله
حسين،،شبي الاكل مو طيب
سجئ،،لا والله كُلش طيب عاشت ايـدگ
حسين،،اي والله شعبالج انـي طباخ قديـم مو هسه
سجئ،،اي والله كُلش طيب الضاهر تعرف من قبل الزواج
حسين،،اي انا وحدي بالبيت ياهو يطبخلي غير لازم غصباً عليه اتعلم شتگولين
سجئ،،اي صح بعد الطبخ كله عليك انتَ تطبخ
حسين،،وين لگيتيها هاي زلمه يطبخلج
سجئ،،بس عد حبيبي البقيه محد يسوي هيج
حسين،،يابويه
سجئ،،شلت الاماعين اني غسلتهم وعزلت المطبخ ومسحت الطباخ والكاونتر ورحت سبحت بمي بارد وشويه جسمي ارتاح
كاعدين انـي وحسين بالغرفه واني اباوعله ومبتسمه اكـول رب العالمين يمكن يحبني ورزقني بهيج بشر يحبني ويخاف عليه وهو يگلب بالموبايل ميدري
حسين،،شبيج مگشره
سجئ،شنو مكشره
حسين،،يعني مبتسمه
سجئ،،هيج
حسين،،هااا هيج اني حلو صافنه بيه
سجئ،،وين اكـو بجمالك
حسين،،بويه انتِ يمكن رب العالمين مسويج بس انتِ اشباهج الاربعين ماكو
سجئ،،ليش
حسين،،بعمري كله ماشفت وحده مثلج والفحل علي
سجئ،،ليش تحلف هيج
حسين،حالف جذب
سجئ،،لا
حسين،،جا ههاي هيَ تعاي بويه تعاي نامي بحضني خل نشوف
سجئ،شتشوف
حسين،،اشوف وجهج
سجئ،،اي
رحت يمه ونمت علئ ايده ذب الموبايل وحضني حضنه كُلش قـويه
سجئ،،حسين اختنكت
حسين،،بويه حتئ اليريد يصير رومنسي ماترضين
سجئ،،اي بس مو هيج حطيت صدرك بوجهي
حسين،،شقصدك ولج هيج انا ضخم
سجئ،،لا والله جسمك حلو بس انسئ انسئ
حسين،،يلا نسيت خل ارجع احضنج
ولاجنج يمي اليشوف يكول صار سنين مو يمي
اخخخخ يابويه
سجئ،،حسين
حسين،،روحه
سجئ،،شكد تحبني
حسين،،لا يالله شوف السؤال
سجئ،،لا والله صُدك احجي
حسين،،وعلي ماكو شيء بالكون يوصف حبي الج
حبي الج ماله حد ولا اله رقم محدد اول بنيه بحياتي شفت بيها كلشي اريده انا شفت كلشي ماموجود بأي بنيه مرت عليه بحياتي كلها تردين اكثر
سجئ،،لزمت الصمت ومحجيت اي شـيء من صُدك يعني جوابه سكتني ومعرفت شنو احجي
حسين،،تتدرين روحج شجنتي تسوين
سجئ،،شسوي
حسين،،ولج جنت رايد بس اكضج الا مافلتج من اديه جنت اكلج سجئ خل نتواصل تكولين لا سجئ تعالي خل نحجي هنا تكولين لا بس اوكف وياج لو اصيحلج من بعيد تطيرين بعد مااشوفج كدام عيني
سجئ،،ههههههههههه من صُدك ضحكتني
حسين،،والله العظيم وهسه بس اكلج شيء تسوينه غصبا عليج
سجئ،،ياا شنو غصبا عليه اني شريد اسوي اسوي
حسين،،ها يعني هسه عبالج مثل قبل من اطلب شيء ماتسوينه
سجئ،،اي
حسين،،ها متأكده
سجئ،اي
حسين،،خوش سجئ راح اكضج املخج
سجئ،،حسين
حسين،،ها شتردين جاي اشتغل عوفيني هسه مشغول
سجئ،،وعلي راح اكوم
حسين،،اموتج غير
سجئ،،……………………………………………………………………………………………………………………………
ضحئ،،بيوم الدوام رحت للجامعه ودخلت للقسم سلمت ع الكُل خطيه نص دور ثاني واكو راسبين
فــ سلمت ع البنات واجو الولد اعرفهم قبل جانوا هم وياي سلموا علينا وردينا السلام
وضلينا نفتر اني والبنات ورحنا واكلنا وشربنا عصاير وتونست اليوم صار زمان ع الطلعه وماشايفه الشارع ماعدا من رحت للسوگ واروح لسجئ هن هذني
المهم صارت بيناتنه سوالف اني والبنات ومر الدوام واخذنا محاضرات ودرسنا فد يوم كاعده بره وحدي واشوف شخص من بعيد يـأشرلي اني اباوعله وادور وجهي اكول خاف مو عليه لمن يجي يمي انصدمت …
منتضر،،ولج مو صار ساعه أشرلج ماتجين
ضحئ،،عزااا شتسوي هنا
منتضر،،جاي اشوف صديقتي
ضحئ،،صديقتك منو
منتضر،،بعدين اعرفج عليها المهم شلونج شخبارج
ضحئ،،الحمدلله بخير انت شلونك
منتضر،،الحمدلله هسه صرت زين مشتاقين وين ماوين
ضحئ،،تشتاقلك العافيه والله بهالدنيا
منتضر،،همس بصوت ناصي بس العافيه تشتاقلي وانتِ ماتشتاقين
ضحئ،،شنو
منتضر،،لا مو وياج
ضحئ،،ها تمام يلا عرفني ع صديقتك
منتضر،،طلعت مامداومه اليوم
ضحئ،،شمدريك مامداومه يمتئ كالتلك انتَ غير جاي علمود تشوفها يمتئ عرفت مامداومه
منتضر،،هي كالتلي
ضحئ،،شوكت كالتلك
منتضر،،قبل لاادخل دزتلي رساله
ضحئ،،اذا قبل لاتدخل كالتلك المن دخلت
منتضر،،كلت مادام ضحئ هنا خل اشوفها مادامني وصلت
ضحئ،،هاااا تمام
بقئ منتضر شويه وكـال رايح لحسين
سجئ،كاعده بره وشفت منتضر جاي عليه كمت رحتله وسلمت عليه
منتضر،،شلونج شخبارج
سجئ،،الحمدلله بخير انت شلونك
منتضر،،الحمدلله بنعمه
سجئ،،شعجب هنا شعندك
منتضر،،جاي بشغله
سجئ،،ها خوش ادخل لحسين
منتضر،،اي هو خابرته كتله جايك اني تعاي امشي خل نروحله
سجئ،،يلا
رحنا لحسين وكعد يسولف هو وياه
حسين،،شعندك هنا
منتضر،،شغله
حسين،،شغلة شنو شعندك شغل انتَ ببغداد
منتضر،،والله جاي علمود شيء
حسين،،گول شني شيء لا وعلي حضك اطيحه
منتضر،،بعدين والله
حسين،،لا هسه
سجئ،،اني راح اروح عندي محاضره
حسين،،خوش روحي
منتضر،،ولك شبيك اجيت علمود اشوف ضحئ
حسين،،ياضحئ ولك
منتضر،،اخت مرتك
حسين،،لاتحجي صدك انتَ
منتضر،،اي والله جنت يمها بالجامعه جذبت عليها كتلها جاي اشوف صديقتي هنا نوب كتلها طلعت غايبه شايف هيج جذبه بيضه
حسين،،خرا بعرضك ولك عيب عليك عوف البنيه ماتقبل نوب تجيها للجامعه مالتها
منتضر،،والله احبها
حسين،،تحبها تعال لبيتهم واخطبها واذا ماقبلت ابقئ لح منا لمن تقبل
منتضر،،هي تكلي مااتزوج هسه شسوي بهاي الحاله
حسين،،ولك روح لبيتهم حتئ بس تبقون خطوبه وبعدين الزواج ع الاقل تكدر تشوفها بالحلال
منتضر،،وعلي اني ماحجيت يم سجئ خاف ماتقبل ع اختها حتئ ضحئ سلمت عليه وضليت احجي شويه وكالت يلا راح اروح عندي محاضره
حسين،،طرده بنزاگه احسن لك هيج
منتضر،،شنسوي نحصل طردات لمن اكعد يمها بالحلال واشوفها
حسين،،اي نعمه اذا هيج هام هذا مفتاح البيت اذا تريد روح ارتاح هناك
منتضر،،لا راح ارجع للعماره
حسين،،انجب وروح للبيت ارتاح وعلي اذا اجيت ومالكيتك
منتضر،،خوش يلا الله وياك
حسين،،الله وياك
…………………………………………
لهنا وتكون نهاية هذا البارت ✨🤍🤍
