سجئ:منتضر وضحئ وامه رجعوا للعماره ثاني يوم
وخالتي ام حسين وصفاء وحور ورغده
بقوا عندي 3 ايام وبعدين باليوم الرابع راحوا بس صفاء ورغده لان زوجها كلساعه يخابرها ويكللها شوكت تجين واطفالها هم بقوا هناك يم خوالهم
فــ بقت يمي بس خالتي ام حسين وحور وامي هم راحت للبيت وره 3 ايام كالت تشوف البيت وابويه وحيدر وبعدين ترجعلي
حور سوت العشه وتعشبنه وغسلت الاماعين خطيه وهم ماتكعد تنضف بالبيت هي لان من جانوا هنا شويه جان هوسه
حسين طلع واجه جاب حلويات بقلاوه وزنود الست
وكال يلا تعالوا اكلو
وكعدوا ياكلون واني اخذت وحده بس
ومهيمن كعد وبقئ يبجي حور سوتله الممه واني نمت حيل تعبانه وكلساعه اكعد منا ونام منا
للمغرب اجه حسين كعدني
حسين:يلا اكعدي دنيا مغرب كافي نوم نوم نوم
سجئ:تعبانه
حسين:اي اكعدي وتمشي شويه حتئ تصيرين زينه مو بس تبقين متمدده حتئ جسمج يتكسر
سجئ:اي كومني خل امشي شويه حتئ ضهري يوجعني
حسين:يلا انطيني ايدج
خله ايدي بأيده وتجاني علئ صدره وبقئ يمشيني بالبيت وتعبت ورجعت كعدت
ام حسين:يمه شنو مشتهيه تاكلين صارلج يومين ما ماكله وجبه زينه كلشي ماكو
سجئ:مااشتهي خاله
ام حسين:يمه مايصير
سجئ:شسوي مااشتهي
حسين:خبلتني هاي المره زين اذا اجيبلج همبركر تاكلين
سجئ:لا
حسين:انتِ مو تحبي
سجئ:والله اريد اكل اني بس مااكدر
حسين:اي راح احيب واجبري نفسج
سجئ:تمام
راح خطيه وجاب همبركر واجه سوتلي حور
واكلت لخاطرهم
بعد مرور اشهر:
ضحئ:الحمدلله والشكر كُلش ارتاحيت وجان اختياري بزواجي كُلش حلو والحمدلله ماجنت اريد زواج بس بعدين اخذت بكلام منتضر وكال راح ترتاحين ويايه ومن صُدك يعني معيشني ملكه ومامحتاجه شيء وعمي وعمتي والبنات ومحمد الطف واجمل منهم ماكو كُلش حبابين والحمدلله والشكر والحمل يعني بدايته زينه الحمدلله وحالياً اني بشهر الرابع
سجئ:صار عمر مهيمن شهر ويضحك لابوه بس ميضحكلي ☹️
دائما اتعارك وي حسين لان بس يضحكله واشيله واذبه عليه صح هو طفل بس عقلي مدري شبي😂
حيدر:بعد فتره طويله تقريبا شهر كامل هم صليت اروح وارحع ع بيت ابو ورده بس ماجبتله طاري الخطوبه بعد گلت مااحجي بعد لمن هو يردلي خبر بعد فتره كال بويه اني وافقت ع خطوبتك من ورده
كتله وهي شنو رأيها مااريدها تنجبر عليه
كال هي هم وافقت واتفقنا وحاجيت اههلي بهالموضوع بس منتضر افرغ بالدوام وضحئ تجي حتئ يروحون يخطبونها وتصير رسميه
