بقوا عدنا ثاني يـوم من الصبح بـ7 تقريبا طلعوا لاهلهم
سجئ:حسوون
حسين:عيونه
سجئ:اريد اروح للطبيب
حسين:شبيج
سجئ:مااعرف وضعي متخربط
حسين:خوش حضري نفسج نروح بـ2
سجئ:تمام
سويت الغده من وگـت
وتغدينه وغسلت الاماعين
وبدلت ملابسي وحسين هم
كملنا وطلعنا طلع السره النا كُلش هوايه
وتعبت انتضر
حسين يأشر علئ متنه ويگلي
حسين:حطي راسج هنا وارتاحي
سجئ:لا ماعندي شيء
حسين:لا ادري بيج تعبانه مبين من عيونج خلي راسج
سجئ:خليت راسي ع متنه وكلساعه اغمض عيوني وافتحهن الكاعدين بالعياده كلها تباوعلنا
ع ماوصل السره النا الساعه بـ3 ونص 😔
دخلنا للدكتوره سلمنا وههيج
شرحتلها ع الي يصير ويايه كالت اروحح اسوي سونار وتحاليل وارجع
رحنا تمشينا وسوينا سونـار وتحاليـل
ورجعنا اخذناهن للدكتوره
بقت ساكته شويه وكـالت
الدكتوره:عندج اطفال؟
سجئ:لا
الدكتوره:يعني بعدج جديده
سجئ:لا صار اشهر
الدكتوره:اي يعني بعدج جديده واحب افـرحج واكُلج انتِ حامل
سجئ:بقيت صافنه بوجه الدكتوره لان ممخليه ببالي ههذا الشيء جان ببالي ضغط او شيء ثـاني بس الحمدلله والشكر فرحنا وحسين طايـر من الفرح ماجان يگلي اريـد طفل لو يجيب يمي طاري هالسالفه ابـدا بس من كالت الدكتوره حامل الفرحه بعيونه وابتسامته شگت حلكه
طلعنا من الدكتوره كُلش فرحانين
واكلنا بالمطعم ورجعنا خابر اهله وگاللهم راح يصير عندي طفل وماخله واحد ماگاله خطيه وفرحوا علئ فرحتنا وبـاركولي
نمنا واحنا مرتاحين
واكوم واگُعد احمد ربـي❤️
من الدوام اتعب كُلش وكُلت لــ رنـا وباركتلي الحمدلله والشكر عدنا نـاس يحبونا ويفرحون علئ فرحتنا
رنـا:ولج رجع تقدملي ابن عمتي مرتين
سجئ:يعني صارن 3 مرات وانتِ ترفضين خطيه يمكن يحبج ولج
رنـا:لا الثالثه قبلت
سجئ:والله
رنا:والله
سجئ:ععمري الف مبروك
رنا:الله يبارك بيج يعمري انتِ معزومه يـوم الجمعه هاي الجايه
سجئ:ان شاء الله اذا گدرت اجي
رنا:باعي مو بس انتِ انطيتيني خبر وفرحتيني واني هم انطيتج خبر وفرحتج
سجئ:ههههه عمري اروحلج فدوه
رنا:حياتي
حسين:ماكافي غزل من صباح الله
رنا:اهلا وسهلا بيك استاذ
حسين:اهلا شلونج رنا
رنا:تمام الحمدلله
يلا سجئ ععمري بعدين اشوفج
سجئ:تمام
حسين:ها شلونج اليوم
سجئ:الحمدلله زينه
حسين:صايره حلوه زياده
سجئ:مو بحلاتك
حسين:ها انـا حلو
سجئ:اي متشوف البنات كلها كاتله نفسها عليك
حسين:هاي نعمه من رب العالمين
سجئ:شنو
حسين:اكلج هاي نعمه
سجئ:يعني البنات يحبنك ويرگضن وراگ تگول نعمه
وانتَ رجال متزوج عيب
حسين:ولج جا شگايل انا شني شايفتني مصاحبهن لو ماشي وياهن
سجئ:اممم
حسين:لاتضَوجين هالوجه الحلو
سجئ:ابتسمت ع حجايته وابتسامته
بعدين بقينا نسولف وگملت وصار وقت المحاضره وگمت
صار وقت المحاضره طويل كُلش وتعبت كُلش ودخـت
ترخصت من الاستاذ وطلعت بـره اشتميت هوئ
كملنا الـدوام ورجعنا للـبيت تغدينا ونمت
للعصر اجتي امي وضحئ
وكعدنا نسولف وبقن للعشه وتعشينا سوه وحسين كمل وطلع واحنا بقينا لل11 نسولف
سجئ:شخبارج ويه منتضر
ضحئ:الحمدلله زوينين
سجئ:الحمدلله زين زين لو بس زين
ضحئ:لا زين زين
سجئ:الحمدلله
