Heningmu, heningku nyawiji
sapa sira tan mangerti
apa kang dadi guleting ati
kajaba swarane emprit kaji
ngisi rina sepi
ing latar omah Beji
Pancen kahanane durung owah
rasa sepi panggah njajah
ngepung maneh, ngepung maneh, ngepung manah
ngelingake marang sliramu kang ninggal jangkah
Heningmu, heningku nyawiji
sapa sira tan mangerti
kajaba swara angin tumiyup
ngiring lelamunan sayup-sayup
tumekane srengenge angslup
surup
Surabaya, 7 September 2022
