Terminal Gayatri dadi seksi
anggonku ngenteni sliramu bali
saka paranmu saiki
Muga sliramu isih eling
muga awakmu ora pangling
karo aku, sing seneng enting-enting
Muga sliramu isih kelingan
nalika mangan sega bantingan
lungguh sesandhingan
gumuyu lan gegojegan
Nyatu kahanane wis owah
ning rasa iki ora brubah
malah saya betah, saya nambah
saya ngebaki manah
Sing takanti muga ora selegenje
bakal netepi janjine
bali menyang kutha cethe
Surabaya, 14 Oktober 2022
