هدى حضنت هيام بصدمه: مات يا هيام هيام كانت مصدومه: بابا 💔
هيام هي حتكون بطلة روايتنا ضعيفه شخصيه بكل ما تعنيه الكلمه من معنى مكنتش تعرف ادافع عن نفسها او تحكي مع حد بدون حشم منعرفش نشكي لحد وكله من سبب مشاكلنا العائليه واللي سببها بابا الله يرحمه مع هذا كله كان باتي هو الوحيد اللي حامينا من اعمامي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
التمو عماتي وصبايا اعمامي وكانت نظرات الشماته واضحه في عيونهم
مكنش حد ايحبنه والسبب شغل باتي في المخدرات
انتهى العزا ومكنش حد متأثر غير انا وماما كانو كلهم عايشين عادي كان الموضوع غير مهم بالنسبه لهم
التمو اعمامي وعيالهم وصبايهم
وكان ايتعاركو على من ياخذنا عنده كلهم ماكنوش يبونا
محمد: فيصل انته الكبير مفروض تاخذهن هدى بعصبيه: متوصلش فيكم لدرجه انكم اتعازمو بينا نحن حنبقو في حوشنا وملكمش شغل بينا
هيام كانت سارحه وتبحت في قصي
صالح: شن تبي ايقولو علينا الناس هدى: مش دخلكم بينا فيصل: خلاص جهزي روحك تمشي امعانا مريم بعصبيه فنصت عيونها هدى ابتسمت بـ مكر: يلا هيام جهزي روحك وصبت فيصل تنهد وبحت في مريم وبعدها بحت في قصي
قصي: خلهم حنكلم امير ايوصلهم للقصر فيصل: تمام يلا يا مريم وصبت مريم وكانت متعصبه على الأخر ولحقنها بناتها منال: اوف قصدك بيسكنن امعانا رؤى: اها ربي يصبرنا عليهن منال ابتسمت بمكر: ربي يصبرهن علينا رؤى: شن بديري منال ابتسمت: ولا شي
وطلعو كلهم وفضا الحوش قصي طلع تليفونه واتصل على امير "اخوه" ومردش وعاود كم مره واخيرا رد قصي: لي ساعه انرن عليك امير: شن تبي قصي: تي تعال خوذ عمتك انا عندي شغل امير تنهد بملل: مش فاضي قصي: نص ساعه نلقاك مخلوق قدامي امير: بعد نبقى اصغر عيالك احكي امعاي هكي وسكر قصي تنهد بعصبيه
مريم بعصبيه: كيف ترضى اتسكنهم عندنا انسيت خوك شن يكون فيصل بعصبيه: شن اندير منقدرش انسيب بنت خوي مريم تاففت بعصبيه وبعدها خطرت في بالها فكره: خليهن يخدمن عندي فيصل بصدمه: كيفف؟؟ مريم: هذا هو خليهن خدمات اكثر من هكي مش حنقبل فيصل: تمام خليهن يوصلن وحنتفق امعاهن مريم ابتسمت بشر: تمام فيصل: وين امير مريم: مع اصحابه في الاستراحه فيصل تنهد
