عهد زواج

part 7

.
متخليش الروايه تلهيكم عن الصلاه💛
الصلاه اهم 🤍🥀
اللهم بلغت اللهم فاشهد 💛

اضغط فوت ⭐ وخلي تعليق حلو ايخليني استمر 🤍
.
.
ـــــــــــــــــــــــــــــــــــــــــــــ
.
.
امير: امي وباتي انا جاي بناقشكم في موضوع
فيصل: خير ان شاء
امير: انا نبي نتجوز
فيصل: كييييف
مريم: صدقت والله هيام مقصره معاك بكلل
فيصل: البنت امها مسيبتها يا امير مفروض توقف امعاها في الفتره هذي
مريم: هي مقفله على روحها ومش معطيه حد فرصه عشان يبقى امعاها
خشت رؤى
وبقوه: هي ماشافت منكم غير التجريح متحسونيش انكم كويسين امعاااها
امير يصر على سنونه: رؤى اسكتييي
فيصل بمقاطعه: خلاص تجوز بس خوذ اذنها على الاقل حسسها انها عندها اهميه
امير: انا ناخذ اذن ولييييه انا
فيصل: اها انته تاخذ على الاقل احترم انها مراتك
امير عض شفته: استغفر الله من جدك تحكي يا باتي انا ناخذ راي بنت اناا
فيصل: تاخذ ولا مفيش زواج
مريم كانت واثقه ان هيام مش حترفض وقالت في أذن امير: جامل باتك وعطيها علم
امير هز راسه وبحت في باته: انا ماشيلها
وصبا لدارها وخبط الباب بس مفيش رد
خذا مفتاح الاحتياط وفتح الباب

امير ولع الضي وشافه مقعمزه في الزاويه وسارحه: هيام
هيام بحتت فيه بعيون طافيه وببرود: نعمم
امير كان منظرها صاح تعبان بس اشتاقلها اشتاق لجسمها الضئيل و قعمز جنبها: كيف حالك
هيام مردتش عليه
امير تعصب ومسك شعرها: بعد نحكي امعاك ردي
هيام عيونها تعبو دموع وبعصبيه: على شن تبيني نرد اه على شن انا مش تماام مش كويسه تمام هذا اللي بتسمعه
امير يبحت ومنصدم متوقعش هكي متوقعش هيام الهاديه تحكي امعاه هكي
هيام بدموع: فك ايدك
امير فك يده: جاي بنقولك نبي نتجوز
هيام حست قلبها نغزها مسحت دموعها و ببرود: ربي يساعدك
امير استغرب:راضيه
هيام: طلقني حنرضى
امير: هه طلاق المسي السماء ومش حتوصليله
هيام عيونها تعبو دموع وبصوت عالي
:  طلقني وتجوز ميه مش وحده
امير بعصبيه حط يده على فكها: صوتك مايعلاش فاهمه
هيام فكت يده وبدموع: انا حنبقى نشتغل زي قبل ومعش تجي جهتي
امير: مش فارقه وصبا
هيام نغزها قلبها ومسحت دموعها: على شن تبكي على واحد ميعرفنيش الا في الليل وعمري ما شافت منه حاجه حلوه ويبي يتجوز علي وانا دوب مسكره شهر انتي تريحتي هكي
صبت وفتحت باب الدار كان امير مزال امصبي
هيام بحتت فيه بهدوء
امير قرب منها وحاصرها بيديه وقرب من وذنها وبنفس ساخن: حسابنا بعدين
هيام بعداته عنها وبخوف: مفيش حسابات بينا بعد عني
ونزلت تجري وقلبها يدق من الخوف

اما امير ضحك بهزوه ومشا يحكي
رن على حبيبته يبشر فيها الحيوان🙂💔

مريم: واخيرا قررتي تنزلي
هيام بدموع وبنفس متقطع : لأول..... مره..... يا عمتي....... حن.. طلب منك...... طلب..... وانتمنى متردنيش
مريم وجعها خاطرها: شنو
هيام تبكي ونزلت على الارض: خلي ولدك ايطلقني انا معش نقدر نتحمل
مريم حطت يدها على كتف هيام: متخافيش يا بنتي حنشوفلك حل متبكيش خلاص
هيام بحتت فيها ومسحت دموعها بضعف ومشت للمطبخ