عهد زواج

part 2

تخليش الروايه تلهيكم عن الصلاه 🤍
الصلاه اهم ❤
اللهم بلغت اللهم فاشهد 🤍

اللي مش متابعني يضغط متابعه سكتت واجد 🙂🔪💔
اللي يقرا في الروايه بدون مايتابعني زي اللي ايصلي بدون وضوء تعب على الفاضي 🙂💔

واضغطو فوت كافأ تعبي بنجمه ⭐
.
.
ـــــــــــــــــــــــــــــــــــــــــــــ
.
.
أمير شاف لتليفونه اللي يرن والتفت شاف البنت اللي كان ساهر امعاها ماشيه
قعمز لبس قميصه وخذا التليفون: اوف باتي مش وقت محاضراته بكل يرا
وخش للحمام دوش وطلع

وركب سيارته ومشا لأصحابه وفات باته

في القصر

قصي كان كاره فكرة ان هدى وبنتها يسكنو عندهم لان عارف ان هدى خبيثه وعارف انها تعرف تخطط

مريم: بتمشي للمستشفى؟
قصي: لا في العصر
مريم: امم باهي
فيصل بعصبيه: جيبلي خوك الكلب وقوله تحلم تطلع من الحوش مره ثانيه
قصي: حاضر يا باتي وصبا
مريم: وسع بالك حيرقا ضغطك
فيصل: شهر شهر كامل طالع من الحوش ومش مفكر ان عنده بات وام ينشغلو عليه
قصي: امس كلمته مكسد مع اصحابه متنشغلش عليه
فيصل: اصحابه عيال حرام امكملينها شرب ولبز
قصي هز براسه وطلع تقابله هيام بعد شافته تجمدت في مكانها وقعدت ترمش
قصي ابتسم: صباح الخير
هيام بخوف: أ أ أ.....  أنا
قصي هز راسه بهزوه ومشا
هيام حطت يدها على قلبها ومشت لدارها وقعدت اتبحت في روحها على المرايا: ليش مارديتيش عليه ليش انتِ ضعيفه هكِ ليش وتنهدت والدموع ماليات عينها

ركب السياره
وشاف تليفونه ايرن
قصي: الو
روان: صباحو حياتي
قصي: صباح الخير حبيبتي
روان: مش جاي للمستشفى
قصي: لا عندي على العصر
روان: امم ليش انا مشتاقتلك لي اسبوعين ما شفتك
قصي: قتلك عمي متوفي الامور متلخبطه شوي عندنا
روان: ربي يساعدك حبيبي عينك على روحك
قصي: انتِ روحي
روان: انحبك
قصي: نموت فيك
.
.
ـــــــــــــــــــــــــــــــــــــــــــــ
.
.
وبدا قصي ايدور ويدور وأخيراً رد عليه صاحب امير وقاله انه في كافي
خش قصي
قصي: تي واخيرا القيتك وسحب كرسي وقعمز عليه
امير بقهر: شن تبي وانتَ كيف العجايز بالضبط شن تبي
قصي بعصبيه: تي نعطيك السياره اسبوع تختفي شهر  شن تحسابها انته باتي قريب ينجلط عليك
امير: تي فوتني وقسما بالله معنديش جو بكل
قصي: وباتي اللي قريب يموت عشانك
امير: قوله ملقيتاش
قصي: تي والله ماتحشم تي نقولك قريب ينجلط عليك يرا
امير: مش هوا قالي منبيش نشوف وجهك خله يتحمل
قصي: تي كان متعصب وانته من الغباء امتاعك خاش عليه سكران تي احمد ربك ما قتلك
امير: قصي امشي خلاص
قصي: حنمشي بس حناخذ السياره والفلوس احلم بيهن تشرد وصبا
امير بصوت عالي: باهي جيت عنشكلك
قصي ابتسم: يلا
امير:اووف

وطلعو
.
.
ـــــــــــــــــــــــــــــــــــــــــــــ
.
.
على الساعه 12 في الظهر