ရတုတစ်ယောက် ခြေလှမ်းကျဲကြီးများဖြင့် ဆေးရုံ၏ အတွင်းဘက်တွင် ရှိသော ICU Room များဘက်သို့ လျှောက်လာလိုက်သည်။ICU room အခန်းရှေ့တွင်တော့ အလင်္ကာ၊စဝ်ဈာန်မင်းမဟာမြတ်၊ကိုကိုသူငယ်ချင်းထူးမြတ်နှင့် သူမသိသည့် လူတစ်ယောက် ရှိ၏။သူတို့လေးယောက်သည် မှန်အပြင်မှတစ်ဆင့် အတွင်းဘက်ရှိကုတင်တွင် လှဲနေသော ကိုကို အား ကြည့်နေသည်။
ပြီးနောက် အလင်္ကာတို့ဘက်အားလှည့်ကြည့်ရင်း ထိုနေရာသို့ သွားရန်အတွက် မဝံ့မရဲ ဖြစ်နေသည်။ထို့ကြောင့် သူ ပြန်လှည့်ထွက်ဖို့ လုပ်နေတုန်းမှာပင်
"ရတု"
အလင်္ကာ၏အသံသည် လျှောက်လမ်းတစ်လျှောက်တွင် ထွက်ပေါ်လာလေသည်။ထို့ကြောင့် ရတု အလင်္ကာ တို့ဘက်အား ပြန်လှည့်တော့ သူ့သူငယ်ချင်းသည် သူ့အား ခပ်သဲ့သဲ့ပြုံးပြကာ
"လာလေ"
"အင်း "
ရတု ခေါင်းငြိမ့်ပြီး 'အင်း' တစ်လုံးသာ တုန့်ပြန်လိုက်ပြီး အလင်္ကာ တို့ရှိရာနေရာသို့ အားတင်းကာ သွားလိုက်သည်။ထိုနေရာသို့ ရောက်ရောက်ချင်းမှာပင် အလင်္ကာသည် သူ့အား ပိုးသတ်ထားသည် ဝတ်စုံ ပေးလာ၏။
"ရော့"
အလင်္ကာ ထိုသို့ပေးလိုက်တော့ ရတုသည် ဝတ်စုံအား ယူရန် မဝံ့မရဲ ဖြစ်နေပြန်၏။ထို့ကြောင့် အလင်္ကာ ကိုယ်တိုင်ပဲ ရတု၏ လက်ထဲသို့ ဝတ်စုံ ထည့်ပေးကာ
"သွားကြည့်လိုက်အုံး ငါတို့ အပြင်ကပဲ စောင့်နေမယ်"
"ကျေးဇူးပါ အလင်္ကာ"
"မလိုပါဘူး"
အလင်္ကာ ရတု၏ပုခုံးအား နှစ်ချက်လောက်ပုတ်ပြီး မေးငေါ့ကာ အထဲသို့ ဝင်ရန် အချက်ပြလိုက်သည်။လူဆိုးကောင်နဲ့ ကိုကို သူငယ်ချင်းများကတော့ အလင်္ကာ လုပ်ရပ်ကို ဘာမှ ဝင်မပြောဘဲ ကြည်ကြည်ဖြူဖြူသာ လက်ခံပေးလေသည်။
***
ရတု ICU Room ထဲ ဝင်သွားသည့်ပုံရိပ်အား အလင်္ကာ တို့ ကြည့်နေမိသည်။ကိုထူးမင်းကတော့ လူနာကြည့်စရာ ရှိလို့ဆိုပြီး ထွက်သွားလေပြီ။ယခုအပြင်ဘက်တွင်ရှိနေတာတော့ သူရယ်၊လူဆိုးကောင်ရယ် ၊ကိုယဇ် ရယ်ပဲ ကျန်ရှိ၏။သူတို့သုံးယောက်၏လေထုသည် တိတ်ဆိတ်နေပြီး ရတု၏လုပ်ရပ်များနှင့်အပြုအမှုကိုသာ စိုက်ကြည့်ကာ အလင်္ကာဘက်ကပဲ ထိုတိတ်ဆိတ်နေသည့်လေထုအား စတင်ဖြိုခွင်းလိုက်သည်။
ESTÁS LEYENDO
My Possessive Husband Is A Non_list Billionaire(Complete)
Fantasíaစဝ်ဈာန်မင်းမဟာမြတ်_ဒီနိုင်ငံရဲ့ ဥပဒေကို ငါပဲ ထိန်းချုပ်ထားတာ ! ခွန်းအလင်္ကာမှူး_မင်းဟာမင်း ဘာကြီးပဲ ထိန်းချုပ်ထိန်းချုပ် ငါ့ကို ထိန်းချုပ်လို့ ရမယ် မထင်နဲ့ start date-9.7.2022 End date -1.11.2022
