My Possessive Husband Is A Non_list Billionaire(Complete)

Part_26

AT MH Company ;

အထပ်ပေါင်းများစွာဖြင့် တည်ဆောက်ထားသော MH Company ၏ အစည်းအဝေးခန်းတွင် လူအများစု ရှိသော်လည်း အသက်ရှုသံ ညင်းသဲ့သဲ့ နှင့် လက်ဖြင့် ခုံအား တောက်နေသည့် အသံသာ ကြားနေရသည်။အဘယ်ကြောင့်ဆိုသော် ရှေ့ဆုံးတွင် ထိုင်နေသော CEO သည် သူ့၏ လက်ချောင်းသွယ်သွယ်များအား အသုံးပြုကာ ရှေ့တွင် ရှိသော စားပွဲခုံအား တောက်ပြီး လေစိမ်းများကို ထုတ်လွှတ်နေသည်။CEO က လေစိမ်းများ ထုတ်လွှတ်နေသောကြောင့် Projector ရှေ့တွင် Product အသစ်အား ရှင်းပြနေသော ကောင်မလေးသည် အထစ်ထစ်အငေါ့အငေါ့ဖြင့်သာ။သူရှင်းပြနေတုန်းမှာပင် ရေခဲရိုက်မျက်နှာနှင့် CEO၏အသံသည် တိတ်ဆိတ်နေသည့် Meeting room ထဲတွင် ထွက်ပေါ်လာ၏။

"ဒီထုတ်ကုန်ကို ပယ်တယ် "

စဝ်ဈာန်မင်းမဟာမြတ် ထိုသို့ပြောလိုက်တော့ အကုန်လုံး၏အကြည့်များက သူ့ထံသို့ တန်းတန်းမတ်မတ်ပင်။သူလည်း ဟာကွက်မှန်သမျှအကုန်ထောက်ပြလိုက်ပြီး Projector ရှေ့တွင်ရှိသည့် မိန်းကလေးဟာလည်း တစ်ဖက် Company မှ ဖြစ်ကြောင်း ရှင်းပြလိုက်တော့ ခုနက ဆူညံသွားသည့် လူများမှာ ယခုမှာမူ ရေဖြင့် မီးကို ငြိမ်းလိုက်သကဲ့လို့ ငြိမ်ကျသွားတော့သည်။ထို့ကြောင့် သူလည်း မဲ့ပြုံး တစ်ချက်ပြုံးလိုက်ကာ အစည်းအဝေးခန်းထဲမှ ထွက်လာလိုက်သည်။

***
At Tolin Airport;

တိုလင်နိုင်ငံ၏ အကြီးဆုံး ပုဂ္ဂလိကပိုင် လေယာဉ်ကွင်းတွင် C City မှ လေယာဉ်တစ်စီး ဆင်းသက်လာ၏။ထိုလေယာဉ်၏ VVIP room တွင် တိမ်မှူးငယ် နှင့် သူ့အတွင်းရေးမှူး ပေရွက်လွှာ တို့လည်း ပါ၏။

"CEO ရောက်ပါပြီ"

"အင်း"

တိမ်မှူးငယ် ခေါင်းနောက်ကျိကျိ ဖြစ်နေသောကြောင့် ထိုသို့သာ တုန့်ပြန်လိုက်သည်။

"ခေါင်းနောက်နေတာလား CEO"

"အင်း နည်းနည်း "

"လွှာ့ မှာ သံပုရာသီးပါတယ် ရှူလိုက်။ ခေါင်းနောက်တာ နည်းနည်း သက်သာတာပေါ့"

ပေရွက်လွှာ ထိုသို့ပြောလိုက်ပြီး သူဆောင်ထားနေကျ သံပုရာသီးအား CEO အား ပေးလိုက်သည်။တိမ်မှူးငယ် သူ့ဘေးက ကောင်မလေး ပေးလာသော သံပုရာသီးအား ယူကာ နှာဖျားဝ‌တွင် တေ့၍ ရှူခိုက်တော့ ထိုကောင်မလေး ပြောသလို ခေါင်းနောက်တာ အနည်းငယ်တော့ သက်သာသယောင်ယောင်။