إلتقاء الريان (مستمرة)

بارت 2

وصلت ورد ورهف معا وذهبا إلي النادي..
وعلى الجانب الآخر وصل ريان إلي الڤيلا واخذ نريمان وانطلق إلي النادي.. وصلت رود ورهف وجلس علي طاوله بجانب النيل..

رهف بخوف : تفتكري لو صاحب المحل خد باله
اننا مش موجودين هيعمل اي.
ورد بلامبالاه : عادي ولا حاجه هنطرد بس.
رهف بصدمه : أنت عبيطه يابت وعادي عندك كدا ده احنا حفينا عشان نلاقي شغل.
ورد ببرود : يابنتي عادي المفروض اصلا نشتغل في شركه، مطعم اي حاجه زى دى مش محل ورد.
رهف بسخريه : احمدي ربنا ياختي إنك شغاله غيرك مش لاقي.
ورد : الحمدلله.
ثواني هروح التواليت وجايه اطفحي انتي القهوه جايبكي تقومي تنكدي عليا يافقر.

******************

ذهبت ورد إلي التواليت وأثناء سيرها خبطت في بنت فنسكب المشروب عليها..
البنت بعصبيه : مش تفتحي يامتخلفه.
ورد بصوت عالي : هي مين دي اللي متخلفه ياحيلتهااا.
البنت بغضب: احترمي نفسك ياحيوانه انتي انا مش عارفه الاشكال اللي زيكوا دي ازاي يسمحوا يدخلهم هناا.
ورد بعصبيه : مالها اشكالنا ياختي مش احسن من شكلك اللي شبه شوكمان العربيات.
وهنا دخل ريان المكان وراها

ريان : نريمان اقعدي انتي هنا وانا ثواني وجاي.
نريمان : تمام بس متتأخرش.
ذهب ريان إليها ورأها بنفس عصبيتها في ذلك اليوم فضحك بيأس من هذه الفتاة المجنونة.
البنت بغضب منها : تعرفي تسكتي مش شايفه دلقتي العصير عليا وكمان الشليموه وقع في الأرض وليكي عين تتكلمي.
ورد بسخريه : مش ساكته وامور السهوكه دي مبتاكلش معايا وبعدين شليموه مين الله يرحم جدك كان بيشرب الشاي بخرطوم الغساله.

وهنا انفجر في الضحك ريان فنتبهت ورد له
ورد : ريان.
ريان بضحك : هو انا كل ماشوفك الاقيكي
متعصبه كدا.
ورد : ماهما اللي اشكال تعصب اصلا.
ريان بإبتسامة هادئة : اصلا.
ورد بمرح : لا متضحكليش كدا لحسن الله الوكيل هقع في حبك آه.
ثواني ورأت ورد الشاب التركي الذي كان
في المحل.
لوحت ورد بيداها قائله : واد يامهلبيه.
التفت إليها الشاب بتعجب وذهب إليها : Merhaba güzel bayan
(مرحبا ايتها الجميلة).
شعر ريان بالضيق من هذا اللقب.
ورد بمرح: عامل ايه يامهلبيه.
الشاب بعدم فهم: Ne?(ماذا).
رد ريان عليه فهو يجد التحدث باللغة التركية: Sen hoşçakal de, sonra görüşürüz (تقول لك الي اللقاء نلتقي لاحقًا).
ورد بعدم فهم : انتوا بتقولوا اي.

امسكها ريان من ملابسها مثل الارنب وجرها خلفه.
ورد بتذمر : اي مسكني كدا لي زي ماتكون قفش حرامي غسيل.
ريان بغيظ: مين ده؟
ورد بمرح : قصدك الكريم كراميل ده..
كان بيشتري ورد من المحل الصبح.
ريان : وانتي بشتغلي في محل ورد!؟
ورد : آه.
ريان: انتي خريجه اي.
ورد: تجارة.
ريان : بشمحاسبه يعني امال شغاله في محل ورد لي.
ورد : نصيب بقي عشان مش لاقيه شغل.
ريان : طيب ده الكارت بتاعي لو احتاجتي شغل اتصلي بيا.
ورد بإبتسامة لطيفه: اوك.
ريان : طيب تعالي اقعدي معانا انا واختي.
ورد بستعجل : لا شكرا همشي انا عشان معايا صحبتي.
ريان : سلام.
ورد : سلاماات.