إلتقاء الريان (مستمرة)

البارت 8

‏- إنَّ الفتاة الصّالحة ليست معصومة ، لكنَها إذا ذُكِّرت تذكَّرت ، وإذا نُصِحت قبلت النُّصح وعادت عن خطئِها واستغفرت ربَّها وأقبَلت من جديد..

" اللهم اجعلنَا منَ الصّالحات "

♡كالعادة ياسادة الصلاة علي النبي مصدر السعادة♡
♡_________________________________♡

وفي صباح يوم جديد مليئ بالاحداث استيقظ ريان وعمل بعض الرياضة واخذ شاور هادئ وارتدي ملابس كاجول المكونه من قميص باللون الاسود وبنطلون باللون الجملي وكوتش اسود ووضع عطره ورتب شعره وادي فرضه ونزل سريعا وهو خارج رأي شخص يجلس في الحديقه دعي ربه إلا يكون مايفكر به صحيح، ذهب إليه وكانت الصدمه حليفه الموقف..

_وحشتيني ريان، انا عارفة أنت دلوقتي بتقول انا اي اللي جابني بعد السنين دي كلها، بس أنا لازم احكيلك كل حاجه.

ريان : أنتي اي اللي جابك هنا.. مش عايز اسمع منك حاجه اتفضلي امشي.

_لا ياروني وحياتي عندك لازم تسمعني.

ريان : مبقاش ليكي غلاوه عندي عشان تحلفي بيها.

_مش مصدقاك ياروني.

ريان : لي.

نورسين: عشان انا نورسين ياروني هنا اللي متقدرش تعيش من غيرها.

ريان : وكنتي فين طول السنين اللي عشتها لوحدي.

نورسين: بعد ماتقدمتلي بدأت احس بحاجات غريبه كنت بصدع وبتعب من اي حاجه روحت عند دكتور وطلب مني اعمل محاليل وعملتها والنتيجه طلعت في يوم ميلادي لما كنت عاملي مفاجأة يومها كنت مبسوطه والدكتور رن عليا وطلب مني اروحله وانا قولتله مش هقدر اجي دلوقتي قالي إن عندي كانسر ف المخ ولازم اعمل عمليه ونسبه نجاحها 20%يعني شبه مستحيله حسيت اني خلاص ايامي بقيت معدوده ومش هقدر اعيشلك فقرارت اسيبك وتختار حياه جديده وبعد العمليه وعلاجي الفتره دي كلها بدأت اخف ورجع زي الاول.

ريان بعصبيه : انتي عبيطه انتي بتقولي ايه وازاي تاخدي قرار زي ده لوحدك انا كنت فين ليه مقولتليش وعيشتي كل ده ازاي لوحدك ردي ليا ساكته لييييه.

نورسين: كنت ببص في صورتك ياروني عشان تقويني كنت دايما بقول لنفسي اكيد بيقولي انتي هتخفي وهنرجع لبعض وهنعيش مع بعض علطول والدكاتره كانوا بيقولو العمل النفسي مهمه في العمليه كنت بطمن نفسي بصورك وحطها حوليا دائماً عشان ابقي كويسه وانت مش جنبي ودلوقتي خلاص خفيت تمام وقرارت ارجعلك ياروني.

ريان ببكاء : انتي بتقولي ايه وجايه دلوقتي تقولي الكلام دا انا.. اناا.

نورسين: انا بقول اللي أنت سمعته ياروني..ثم اقتربت منه واحتضنته وهي تبكي بشده..
: وحشتيني اوى اوى اوى ياروني، انا عيشت فتره صعبه اوى من غيرك، كلها مليانه خوف وتوتر ووجع خايفه منى اموت قبل اما اشوفك.. روني اوعى يكون فى حد فى حياتك ياروني.